حاسس ان الحرامي هييجي يبيع التليفون عندك في المحل.
عرض للطباعة
حاسس ان الحرامي هييجي يبيع التليفون عندك في المحل.
قدر الله وما شاء فغل
شنورىىىىىىى حبيبىىىىىىىىىىى
أولا الف حمد الله على سلامتكوا
شوف بقه انت بعت موبايل خربان لمين وعاد لينتقم هههههههههههههه
يا باشا كله يهون المهم انكوا بخير والحمد لله
الحمد لله على سلامتك والحاجة، والحمد لله على لطفه وأنه لم تحدث خسائر أخرى
طبعا الحدث ده مرعب جدا جدا جدا
الجاني وجد جرأة إنه يخلع كوالين وترابيس باب شقة من الخارج، مش مثلا فتح بمفتاح تقليد، وعمل الكلام ده في شقة في عمارة فيها سكان يعني كان فيه احتمال حد يسمعه أو حد طالع أو نازل يشوفه، واختار شقة سكانها جوة، وسكانها فيهم راجل في سن الشباب مش ناس كبار في السن مثلا
يعني كل الظروف كانت لا تشجع إطلاقا على اختيار شقتكم كهدف للسرقة
ده في حد ذاته شيء مرعب لإنه ببساطة بيهدم ثقة أي حد فينا إن بيته وهو جواه محصن ضد السرقة، أومال لو هو مش جواه، أومال لو قافل الشقة أصلا ومسافر
تحليلي للحادث إن غالبا الجاني يا إما كان متوقع إن الشقة فاضية وبعدين لما دخل ولقاها مش فاضية قرر يجازف - أو كان مغيب أصلا فاعتقد إنه ممكن يلهف حاجة بسرعة والناس نايمة
أو - وهو افتراض كوميدي نوعا ما لكن مش عارف ليه حاسس إنه ممكن يكون صح - إنه أخطأ في الشقة، يعني كان مستهدف شقة تانية مقفولة في نفس العمارة وبالخطأ اقتحم شقتكم ولما اكتشف وجود سكان قام برضه ما حبش يمشي وإيده فاضية
مش قادر أقنع عقلي إنه كان مستهدف الشقة عارف إنكم جوة وداخل فقط ياخد موبايلين وشنطة يد، أكيد ما قعدش يراقب الشقة عشان يخرج منها بحاجة زي دي
حمدا لله مليون مرة وربنا يحفظنا جميعا
لو مفيهاش فضول ممكن تقول لنا باب الشقة والكالون اللى فيه شكلهم إيه: يعني مثلا باب خشب درفة واحدة، ولا بابين مثلا زي بعض المساكن القديمة نوعا وهل فيه شراعة كسرها مثلا
موبيلين وشنطة بس ؟؟؟ هو ده اللي الراجل لقاه عليه القيمة في شقتك ؟؟؟؟؟؟
هاهاهاهاهاهاها
إنما بجد بقه
قلبي معاك يا حبيب قلبي دي كفاية الخضة إن كان في غريب في بيتك وأنت نايم ووالدك نايمة
الحمد لله قدر الله و ماشاء فعل
حضرتك تجيب باكو و نص و تنزل على الإبراهيمية شارع ابو قير في الشارع اللي بيطلع على سموحة قدام البنك العربي في واحد بيبيع أبواب محصنة ثمنها من 1500 إلى 2500 حسب حجم الحلق اللي عندك تركبه و تنسى حرامي يقدر يخشلك تاني لإن بصراحة قده يبقى حتتكم قلق و لازم تعملوا حسابكم إنها ممكن تتكرر
والله مش بعيده ...
حصلت معايا اتسرق لابتوب من المعرض عندي والحرامي كان عارضه علي زبون والزبون جابه علشان يسعره واتأكدنا من الجهاز بالسيريال ، الظريف ان نفس الحرامي بعد ما سرقه جه يشتريله شاحن من عندنا وعرفنا بعد كده انه كان سارق حاجات من شركه قدامنا ورجعلهم بعدها بيومين تلاته علشان يبيعهالهم !.!.
يظهر البرشام بوظ دماغ الحراميه ربنا يسهل ويكون الحرامي ده كمان دماغه بايظه ويرجع لشنوري
الحمد لله على سلامة الوالده وسلامتك
كويس انكم كنتم نايمين الله اعلم كان ممكن يحصل ايه
حاجه بقت تخوف بجد مفيش امان خالص
الحراميه عندهم دلوقتي جرأه فظيعه في ناس في الشقه مفيش ناس مستبيعين من الجوع
صديقتي دخل عندهم حرامي من الريسيبشن ودخل المطبخ وفتح التلاجه واكل وشرب (حرامي رايق)
وبعدين دخل يسرق في غرفة النوم وهي صحيت في الوقت ده وايقظت زوجها
والحرامي طلع يجري وكان معاه مطواه بس الحمد لله عرفوا يكتفوه
وطلع واحد جسمه ضئيل ودخل من خلال الباب الحديد اللي على الجنينه
قدر الله وماشاء فعل الحمد لله أنك بخير انت والوالدة
الف سلامه عليك وعلي الحاجه وفداك الف موبايل المهم سلامتكم
والله انا مش مصدق
انا من العنوان فكرت تهريج كالعاده
انا عارف ان الموقف ده صعب جدا عليك وعلى الحاجه لانى مريت بيه زمان
المشكله الكبيره غير الحاجات اللى اتسرقت احساسك بعدم الامان وانت فى بيتك
بس المهم انك بخير انت والحاجه والحمد لله
فداكم اموال الدنيا كلها وياريت تكون باستمرار جمب الحاجه اليومين دول اكيد عندها زعر
من اللى حصل ده وتخاف تكون لوحدها
وان شاء الله ربنا يعوضكم خير
بس انت دايما ردد الدعاء ده
(اللهم أجرنى فى مصيبتى واخلف عليا خيرا منها )