يا باشا الباب الحديد دة بيتقفل لما ميبقاش فى حد فى البيت عشان بيتفتح من برة بس مابالك بقى البيت استرق و هما جوة , قدر الله ماشاء فعل و ربنا يعوض عليك
عرض للطباعة
حمدا لله على سلامتكم
واللي يجي في الريش بقشيش
الف حمد لله على سلامتك وسلامة الحجه
والحمد لله انه لم يصب احد بأذى
والى تيجى فى الفلوس سهله
الفلوس تتعوض
لكن اى حاجه تانى ما تتعوضش
عشان تعرف اذاى دا حصل ... فكر بعقلية الحرامى
1- الحرامى ممكن يكون معرفة البوابه وهى الى سهلتله دخول العماره واديته بروفيل كامل عن كل شقه واصحابها، ومواعيد نومهم وخروجهم وحالتهم الماديه وعدد افراد الاسره واعمارهم ... الخ (كل دى معلومات تفيد الحرامى)، عشان مش هيخاطر يحاول يفتح شقه يلاقى الناس صاحيه ويتمسك.
2- لو حصل قبل كدا حد خبط على الباب فى وقت متأخر وقالك انه غلط فى الشقه او العنوان ، فهو دا الحرامى، لانه هيخبط خبط خفيف الاولن عشان يعرف اذا كنتوا صاحين ولا نايمين.
3- لو البوابه فى الفتره الاخيره تعمدة تخبط عليكم فى وقت متاخر على غير عادتها، فهى الى بتشوفكوا نايمين ولا لسه، لو نايمين غالباً الحرامى هيكون داخل العماره او قريب منها ، بحيث تتصل بيه او تشاور له عشان يدخل.
4- لو متعود تتأخر واليوم دا رجعت بدرىن أو العادى انكوا بتكونوا نايمين فى الوقت دا، فالحرامى دارس الشقه وعنده معلومات قبل السرقه.
الاحتمالات كتيرن فكر بس - لا مؤاخذه يعنى - انك انت حرامى وعاوز تسرق شقه فى العماره دى ، هتعمل ايه وترتب الموضوع اذاى ، ولو مش مظبط مع البوابه ، هتدخل العماره اذاى من غير ما تاخد بالها.
وفكر كمان - لا مؤخذه - لو انك البوابه ومظبط مع حرامىن ايه الى ممكن تعمله فى الفتره الاخيره ، والتسهيلات الى ممكن تقدمها
كمان اعتقد ان البوابه بتسرق حاجات لما تتاح لها الفرصة دخول الشقةن يعنى بتنضف او بتشترى حاجه وهى بتحطها فى الصاله او المطبخ، فالى بتطوله ايدها بتأخده ، لكن تكسر وتطفش اقفال ، اتوقع مساعده خارجيه من راجل. مجرد تخمين لو الشك الاكبر حول البوابه. انت تعرفها اكثر مننا.
سؤال: ايه هى الطبله الدفن؟ عشان لو دى حمايه اكتر اركبها ... انا اول مره اسمع عنها
ألف سلامة عليك يا باشا المهم انك كويس
انا حصلي نفس الموقف دة وكنت لوحدي
دخل عليا اتنين حرامية من باب المطبخ علي الرغم اني انا كنت في الدور التاني وقعدوا يلفوا في الشقة مالقوش حاجة برة علشان كانت شقة عزاب عادية - سمعت صوتهم واتنبهت وكنت خايف قوي لحد ما لقيت واحد فيهم كان داخل الاوضة بتاعتي روحت قايم فجأةمن علي السرير وزعت وقلتلهم انا ظابط واعرفوا اجيبكوا يا ولاد ---- طبعا شتمت كتير وعنصر المفجأة هو اللي خلاهم يخافوا وجروا بسرعة ( الحمد لله اني ربتا قواني اني اعمل كده
طبعا روحت القسم علشان اعمل محضر المهم قاعدوا يطمحوني المهم علشان مطولش عليكوا فالاخر عمات المحضر
الغريب اني طلبت من الشرطة انهم يرفعوا البصمات علشان بصماتهم كانت واضحة جدا علي المواسير تخيلوااااااااااااا الاجابة اية ؟؟؟؟؟
يا باشا احنا مبنرفعش بصمات الا لو كانت فية حادثة قتل غير كده لا
يعني كان لازم اموت علشان يجيبوا الحرامية دي حاجة حلوة خااااااااااااااالص
اية رايكوا بقي في الامان اللي عايشين فية ؟؟
لا حول ولا قوة إلا بالله
ربنا ياجرك في مصيبتك ويخلف لك خيراً منها يا محمد
والحمد لله إنكم بخير، أي حاجة تانية تتعوّض.
ألف حمدلله على السلامة ، وفداكم أي فلوس ، المهم انتوا بخير
ربنا يحفظكم ويحفظ المسلمين من شرور هؤلاء
يا باشا حراميه اليومين دول والله ما بيفرق معاهم اي حاجه
من يومين العماره اللي قدامي ( سكانها سيادة المستشار وابنه وكيل النيابه و جوز بنته ظابط الشرطه)
الحرامي دخل عليهم من البلكونه تخيل الساعه 8 صباحا وطلع البلكونه من على ماسورة الغاز الطبيعي.
الصدمه لما فتح البلكونه ودخل لاقى مرات المستشار في وشه فطبعا جري ونط من البلكونه ( دور اول علوي.).
وشوف حاطين يفط على باب العماره اد ايه ومقفلين الابواب وكل حاجه
فالزمن ده مفيش امان خالص.
طبعا مراتي لما عرفت الموضوع ده بقيت تخاف تقعد في البيت لوحدها مع اننا مقفلين العماره كويس جدا.
روحت لواحد حداد خليته يعملي بار حديد على الشيش من جوه زي بتوع الافلام القديمه ومركب 4 ترابيس على كل شيش بتاع بلكونه.
وده كله والمدام لسه مش مطمنه مش عارف اعمل ايه فعلا
حمدلله علي السلامة .. حاول تأمن البيت أكتر من كده وقدر الله وماشاء فعل ..
أنا عمي برده اتسرق كانوا خارجين كلهم بس ابن عمي هو اللي كان نايم لوحده .. المهم صحي علي دخان ونار .. وجري من الأوضه علي البلكونه ورجله اتحرقت .. تخيلوا الحرامي أخد شنطه فيها 60 الف دولار وحرق البيت !!
والعماره اللي انا ساكن فيها البواب بتاعها اتسرق .. الحرامي دخل عليهم الأوضه بليل وهمه نايمين هو وبنته وسرق الموبايل !
والعماره اللي كنت ساكن فيها برده زمان .. مره لقينا مرات البواب بتصرخ .. تخيلوا في عز الضهر واحد دخل عليها الأوضه وكان عاوز يعتدي عليها !!!
الدنيا مبقاش فيها أمان خلاص .. ربنا يحفظنا وينجينا
ايه يا جدعان الحكايات دي ... سرقة في وضح النهار؟؟؟؟؟ سبحان الله ، للدرجة دي وصل حالنا لكده؟ ربنا يحفظنا
دايما جسمي بيقشعر من الحاجات دي ........ ربنا يستر