عملت حادثه ، وشوفوا فايدة الفبر في العربيات ، موضوع للفتتايين فقط

**Amr_Moh** · 29-09-2010 03:58 PM

الف سلامه عليك يا باشا

**cOrn** · 29-09-2010 04:10 PM

بالنسبة لل لانسر واحد خبطنى من ورا نزلت لقيت الاكصدام داخل لجوة على شكل نص دايرة , لسة بتكلم مع الراجل و بقولة لية كدة , لقيت الاكصدام بيتنفخ و الراجل يبصلى و يضحك , الاكصدام اتنفخ لوحدة و رجع زى ما كان و على فكرة اكصدام اللانسر فيبر!!

**yasserelsayad** · 29-09-2010 04:19 PM

هو مش كل العربيات الجديدة الاكصدامات فيبر ولا ايه ... الاختلاف بس ان رفارف الميجان اللى قدام فيبر

**midohits** · 29-09-2010 11:42 PM

شكر لكل المشاركات الجميلة ، وانا الشنطة اتكلفت ردها 80 جنيه ،بس الحمد لله على اي حال

**Elsarrawy** · 30-09-2010 01:10 PM

الف حمد لله على السلامة

الي يخض في خبطة الفيبر صوته بتحس ان العربه اتدشملت وتبص تلاقي حاجه بسيطة جداً بالنسبة للصوت

على فكره برده الشوركي الجديدة الرفارف الأمامية بتاعتها فيبر وبرغم من كدا ماحدش بيقول بم عليها اشمعنى الميجان!!!!!

**shaddadfalcon1** · 30-09-2010 01:43 PM

واحد زميلي في الشغل معاه ميجان وكان ماشي في ابوقير وبعدين وقف في اشاره وجه من وراه تاكسي لادا وطااااااااخ لبس فيه
صاحبي نزل قال اكيد العربيه اتعجنت وخصوصا لما لقي وش اللاد راح والكبوت بقي 8 ووش العربيه كله في الأرض
طبص علي عربيته للاسف لقي اللمبه بتاعة النمره اتشرخت ياحرام وفيه خربوش صغير في البويه بتاعة الأكصدام

بتاع التاكسي فضل يقوله انت محصلكش حاجه ةوانا اتبهدلت قام صاحبي قعد يضحك وسابه ومشي

**Adham** · 02-10-2010 01:32 AM

المشاركة الأصلية كتبت بواسطة shaddadfalcon1

واحد زميلي في الشغل معاه ميجان وكان ماشي في ابوقير وبعدين وقف في اشاره وجه من وراه تاكسي لادا وطااااااااخ لبس فيه
صاحبي نزل قال اكيد العربيه اتعجنت وخصوصا لما لقي وش اللاد راح والكبوت بقي 8 ووش العربيه كله في الأرض
طبص علي عربيته للاسف لقي اللمبه بتاعة النمره اتشرخت ياحرام وفيه خربوش صغير في البويه بتاعة الأكصدام

بتاع التاكسي فضل يقوله انت محصلكش حاجه ةوانا اتبهدلت قام صاحبي قعد يضحك وسابه ومشي

ماهو اكيد التاكسي دة دخل في عربية تانية

يا اما دي ميجان مصفحه ضد الرصاص علشان مافيش اكصدام فايبر يدشدش وش عربية و يخللي كبوت لادا على شكل 8 و كل اللي حصللة خربوش صغير و اللمبة بتاعه النمرة اتشرخت يا حرام

**shaddadfalcon1** · 02-10-2010 06:20 AM

المشاركة الأصلية كتبت بواسطة adham

ماهو اكيد التاكسي دة دخل في عربية تانية

يا اما دي ميجان مصفحه ضد الرصاص علشان مافيش اكصدام فايبر يدشدش وش عربية و يخللي كبوت لادا على شكل 8 و كل اللي حصلله خربوش صغير و اللمبة بتاعه النمرة اتشرخت يا حرام

وهو انا يعني هكدب عليكم ليه ولا صاحبي هيكدب ليه
الراجل حصل معاه موقف وجه تاني يوم حكاه ليا
اللاد الجديده مش دبابه دي غبيه جدا لان اكصدامها مش طالع لقدام زي بقية العربيات دي تحت ومش بيحوش اي حاجه الا لما وش العربيه كله يلبس وممكن تبص علي اي عربيه لادا جديده

خالي لسه من شهر عنده تاكسي دخل في عربيه من عند الرفرف ووش العربيه كله راح والتاني يادوب عنده الرفرف فيه حاجه مش جامده قوي

**Adham** · 02-10-2010 02:05 PM

المشاركة الأصلية كتبت بواسطة shaddadfalcon1

وهو انا يعني هكدب عليكم ليه ولا صاحبي هيكدب ليه
الراجل حصل معاه موقف وجه تاني يوم حكاه ليا
اللاد الجديده مش دبابه دي غبيه جدا لان اكصدامها مش طالع لقدام زي بقية العربيات دي تحت ومش بيحوش اي حاجه الا لما وش العربيه كله يلبس وممكن تبص علي اي عربيه لادا جديده

خالي لسه من شهر عنده تاكسي دخل في عربيه من عند الرفرف ووش العربيه كله راح والتاني يادوب عنده الرفرف فيه حاجه مش جامده قوي

ماهو يعني بالعقل

حتى لو العربية مش لادا لو اضعف عربية صيني صاجها ورق

و اكصدام اللادا اكيد انة بارز عن الكبوت و كون الخبطة طالت الكبوت و تنتة بشكل 8 يبقى الاكصدام دة اكيد دخل في ضهر الميجان لغاية شبر لأن الكبوت دة مش حايتتني كدة من الهواء والفراغ انما اكيد دخل في شنطة الميجان وساعتها الاتنين حايبقوا بشكل 8

هل الكبوت الصاج بما فية من عضم حايتتني و يبقى عامل 8 و صاج و اكصدام المحروسة الميجان دي ماتلمسش يادوب خربوش صغير في الدهان و اللمبة بتاعه النمرة اتشرخت يا حرااام

لية العربية صاج مصفح ضد الثني وللا فية عفريت فرنساوي بينزل مع العربية قاعد عالشنطة ورا و بيصد الخبطات

يا جدعان قولوا كلام يعقل احنا في اكبر منتدى سيارات في الشرق الاوسط مش في مجلة ميكي

واحترموا عقليات الناس اللي بتقرا

-

الموضوع: عملت حادثه ، وشوفوا فايدة الفبر في العربيات ، موضوع للفتتايين فقط

LinkBack

أدوات الموضوع

عرض

العرض المتطور

- انشر الموضوع فى :

-

-

-

المواضيع المتشابهه

عملت حادثه

انا عملت حادثه..

عملت حادثه قبل كده؟؟

عملت حادثه حادثه

عملت حادثه او اتعمل فيه حادثه

الكلمات الدلالية لهذا الموضوع

المفضلات

المفضلات

ضوابط المشاركة