القرار الأول والأخير ليك , بس ما تنساش انك متجوز و فاتح بيت و عليك إلتزامات

و الإلتزامات دايماً فى زياده , ده غير لما ان شاء الله ربنا يرزقك بطفل ( حيبقى ليه مصاريف لواحده و ميزانيه تانيه )

و من أول ما يتولد حتعرف ان انتوا بقيتوا 3 افراد مش فردين

ده غير ان الاطفال كلهم لازم بيعيوا و يروحوا لدكاتره و ادويه و فيتامينات , و الدكتور مش عاجبكوا و عايزين تروحوا لدكتور تانى و الدكتور التانى كتبلكوا على أدوية تانيه حتشتريها و ترمى الأدوية الأولانيه , ده طبعاً غير انك حتعمل ميزانية للبامبرز

نسيت أقولك بقه ان الطفل دايماً مقاسه بيتغير و حتبقى محتاج انك تشتريله هدوم كل شهرين تلاته و لازم لبس كتير عشان خاطر الاطفال دايماً بيبهدلوا هدومهم و دايماً بيغيروا , و الغريبه بقى انك تلاقى ملابس الأطفال أغلى من ملابس الكبار مع انها بتاخد قماش أقل بكتير ( و حتلاقى نظرتك لأصحاب محلات ملابس الأطفال اتغيرت )

و اوعى تفكر ان اللى بكلمك فيه ده لسه بدرى عليه , و إن شاء الله سنه بالكتير و حتلاقى نفسك فى الدوامه دى

و ما تنساش تحوش مبلغ على جنب عشان مصاريف الولاده و السبوع

خلاصة القول : بلاش تزنق نفسك , عشان انت مش بطولك

موضوع العربيه بقى نبقى نتكلم فيه مره تانيه

اسف إذا كان حاجه فى كلامى ضايقتك , بس انا اختصرت كلام كتير عشان مش عايز أزود الاحباط اللى عندك