انطباعات خاصة عن الشارك والجيتا

**explorist** · 28-09-2010 09:20 PM

تسمحو لى اصدقائى الاعزاء ان احكى تققيمى الخاص عن لانسر شارك اول فئة فتيس عادى وجيتا برضه اول فئة فتيس عادى وده انطباعى شخصى عن تجربة قيادة السارتين وليست تقييم او مقارنة لاتى اعتقد ان المقارنة تحتاج الى متخصص فى امور السيارات"
اولا . الشكل الخارجى
الشارك سيارة رياضية بها روح الشباب والمغامرة
الجيتا سيارة كلاسيك بها روح بالفخامة و الرقى
ثانيا.الشكل الداخلىى و خامات الصالون
صالون الشارك اكثر اتساع من الجيتا بينما الخامات الداخلية للجيتا افضل واشيك , الشارك بها كاسيت عادى والجيتا سى دى , اماكن التخزين تقريبا متساوية , يوجد تبريد فى درج طابلوه الجيتا بينما الشارك بها مخدع يتوسط الكنبة الخلفية
ثالثا.وسائل الامان
يوجد فرامل abs السيارتين , الشارك بها ( one air bag) الجيتا بها ( 8 air bag)

رابعا . الموتور
موتور الشارك 1500 و 109 حصان بينما موتور الجيتا1600 و 102 حصان لكن عزم الموتور فى الجيتا اكبر
خامسا . التسارع والثبات
السحب والتسارع فى الشارك افضل وخاصة حتى سرعة 60 كم/س بينما الثبات فى الجيتا افضل واعتقد ان الثبات على السرعات العالية ميزة تنفرد بها السيارات الالمانية .
سادسا . امور متنوعة
الشارك تتميز بارتغاعها عن سطح الارض ولذلك مع اقصى حمولة للسيارة لا تتاثر بالمطبات التى تملا شوارع مصر بينما اكثر عيب فى الشارك هو صغر حجم الشنطة والصاج خفيف نوعا ما ةالاكصدامات بتقع مع اى خبطة خفيفة ( عيب تنفرد به لانسر فى جمبع موديلاتها , بها تصفيح اسفل الموتور فقط.

الجيتا واطية فتحتاج الى معاملة خاصة مع المطيات ولازم تحك مع التحميل لكن الصاج اكثر متانة .
الجيتا بها تنك بنزين احتياطى وتصفيح اسفل السيارة بالكامل , يوجد وحدات رفع لزجاج الابواب , اشارات بالمرايات الجانبية
ده كان تفييم سريع للسيارتين من خلال التجربة وانا على استعدات لاى استفسارات

**power** · 28-09-2010 09:47 PM

مشكوووووووووووووووووووووو ووور

**PoweRPassioN** · 29-09-2010 11:02 AM

تسلم على المشاركه القيمه

**kemoelord** · 29-09-2010 02:48 PM

ازيك يا ابو زياد والف مبروك طبعا السيارة الجديدة وربنا يباركلك فيها وكنت عاوز اعرف منك بعض الاستفسارات :_

1- ما سبب بيع اللانسر شارك ؟
2- حضرتك ممكن تقولنا الفرق بين ركوبة الشارك والجيتا زي الفرق بين اي سيارتين موجودين بالفعل في السوق المصري ؟
3- هل فعلا الجيتا تقارن بالسيارات الياباني الاعلي في الفئه زي الكورولا والهوندا سيفك ولا من الممكن ان تقارن بالشارك ال
" الكاملة " على سبيل الحصر ؟
4 - حضرتك شايف واذا كنت قد قمت بالتجربه ثبات الجيتا والشارك متساوي لحد سرعة كااااام بالتحديد ؟

* معلش اسف طولت على حضرتك بس احب اعرف اجابات الاسئلة دي لانها مهما جدا لانها هتكون ناتجه عن تجارب حقيقه وليس عن طرق السمع كما يحدث مع معظم الناس في جمهوريه مصر العربيه !!!

**explorist** · 29-09-2010 05:03 PM

المشاركة الأصلية كتبت بواسطة kemoelord

ازيك يا ابو زياد والف مبروك طبعا السيارة الجديدة وربنا يباركلك فيها وكنت عاوز اعرف منك بعض الاستفسارات :_

1- ما سبب بيع اللانسر شارك ؟
2- حضرتك ممكن تقولنا الفرق بين ركوبة الشارك والجيتا زي الفرق بين اي سيارتين موجودين بالفعل في السوق المصري ؟
3- هل فعلا الجيتا تقارن بالسيارات الياباني الاعلي في الفئه زي الكورولا والهوندا سيفك ولا من الممكن ان تقارن بالشارك ال
" الكاملة " على سبيل الحصر ؟
4 - حضرتك شايف واذا كنت قد قمت بالتجربه ثبات الجيتا والشارك متساوي لحد سرعة كااااام بالتحديد ؟

* معلش اسف طولت على حضرتك بس احب اعرف اجابات الاسئلة دي لانها مهما جدا لانها هتكون ناتجه عن تجارب حقيقه وليس عن طرق السمع كما يحدث مع معظم الناس في جمهوريه مصر العربيه !!!

الله يسلمك ويبارك فيك
1- بعت الشارك بهدف التغيير فقط ( مفيش عربية استمرت معايا اكتر من سنة ) لكن العربية ممتازة بالفعل وانا من عشاق لانسر ولى تجارب سابقة مع الكريستالة والبومة وعن تجربة الشارك بها ميزتين مهمين مي موجدين فى عربيات كتير وهى الارتفاع عن الارض فلا تتاثر بالمطبات حتى مع اقصى حمولة واستهلاك البنزين رائع حوالى 270 كم /20 لتر داخل القاهرة .
2-ركوبة اى سيارة لابد ان تختلف عن الاخرى وحالة الاعجاب والانبهار بموديل معبن تختلف من شخص الى التانى
3- طبعا سيدى الفاضل يمكن مقارتة الجيتا بالشارك الكاملة وممكن تلقى مميزات كمان فى الشارك مش موجدة فى الجيتا مثل اتساع الصالون
4 -الشارك ثباتها ممتاز انا جريت بيها حتى 170 كم مفيش مشكلة لكن الاحساس بالثبات فى الجيتا اعلى من الشارك
وتقبل تقديرى واحترامى

**M!SHO** · 30-09-2010 04:11 PM

مبروك على الجيتا يا فندم

ربنا يباركلك فيها ويديك خيرها

**tito_1980** · 30-09-2010 04:22 PM

تقييم ممتاز جدا

**islamaboelnaga** · 30-09-2010 04:59 PM

متحكمش على الجيتا دلوقتى .....بعد 5000 كم هتلاقى عربيه تانيه خالص غير اللى كانت فى الاول...

**medo_2060** · 30-09-2010 08:10 PM

شكرا على الموضوع القيم

**M_Marwan** · 01-10-2010 11:28 AM

تقييم ممتاز ومحايد جدا أشكرك

الموضوع: انطباعات خاصة عن الشارك والجيتا

LinkBack

أدوات الموضوع

عرض

انطباعات خاصة عن الشارك والجيتا - انشر الموضوع فى :

-

-

-

-

-

المواضيع المتشابهه

مقارنه بين الأوكتافيا والجيتا

ارجو مساعدة عاجلة من اصحاب الانسر و خاصة الشارك !!!!!

اخبار ثبات الشارك ايه - برجاء الرد من ملاك الشارك

انطباعات اولية عن الفانتازيا.

أتحاد محبى الشارك(كفاية على البومة الشارك مظلومة)

الكلمات الدلالية لهذا الموضوع

المفضلات

المفضلات

ضوابط المشاركة