حصريا اول سلسله لسيراتو كوبيه متظبطه فى مصر بالصور,الفيديو(الجزء الاول)موضوع خمس نجوم

Click on people's faces in the photo to tag them.

[OVERLINE]السلام عليكم
ارجوا ان التعديلات تحوز على اعجابكم
مرفق صور و فيديو فى اخره مجموعه من الدريفتات و التخميس و .............. ارجوا استكمال مشاهدة الفيديو حتى الدقيقه السابعه
انا بصراحه بقالى فتره بدور على حد مظبط سيراتو سيدان او كوبيه تظبيط غير اعتيادى و ملقتش حد فى مصر عنده اى اكسسوارت زى اللى فى موضوعى الثانى .
و بالصدفه خارج احد المطاعم شاهدت سيراتو كوبيه بيضاء اللون و الفانوس الامامى فيه شغل حلو اوى بنفس لون العربيه, رحت لصاحب العربيه و سالته و متكسفتش خالص ,و هو الحمد لله طلع محترم نزل و سلم على و قالى التعديلات اللى فيها و الشخص اللى معدلها ليه بالشكل ده و اخدت رقم تليفونه.
و بعد كده بكام يوم قابلت الشخص ده و اخدت منه الصور دى و 3 فيديوهات و قمت بدمجهم والصور ايضا فى ملف واحد مع الموسيقى.
و ان شاء الله اول ما يتم تصوير باقى العربيات السيراتو كوبيه هرفعهم فورا .
و سيتم ذلك على اجزاء كل عربيه على حده فى جزء منفرد ,و الا اه رايكوا؟؟
بالنسبه للعربيه دى:هحاول اذكر التعديلات اللى انا فاكرها ,لانى مش فاكرها كلها بصراحه ,و ايضا فى تعديلات مش فاهمها خالص و مش فاهم اه فائدتها, و ارجوا من اللى فاهم يفهنى, و اكون شاكر ليه.
1-متور 2400cc بتاع السيراتو ايضا و لكن اللى فى امريكا, و طبعا فيها مثبت السرعه و مانع الانزلاق esp
2- الجنوط زى انتوا ما شايفين 17 و فى صور جنوط 18 اللى هى ورده او متفرعه .
3- الفرامل :2d اللى فهمته انها لازم تتعمل فرامل شديده زى دى عشان العربيه بقت سريعه اوى فلازم يبقى فيها فرامل تقدر تسيطر عليها زى دى, لان اللى فيها القديمه مش هتعمل حاجه مع السرعه الشديده الجديده عليها و لانها مصممه على اد الموتور 1600 فقط .
4- الفلتر : مش فاكر نوعه اه بس هو عامله cai , لو تلاحظوا انه فعلا بالشكل اللى فى الصور لازم يجيب هوا ساقع طبعا .
5- العفشه : ودى بقى اللى مش فاهم ازاى عملها كده (هو قالى ان العفشه الجديده دى بتنعم و تنشف و تعلى و تهبط) انا بصراحه مش فاهم , هو قالى سهله بتتظبط من الكبوت بتاع العربيه عادى من غير مجهود.....؟؟؟
6-الشكل الخارجى:طبعا مفيم الزجاج بفاميه ملون و حرارى فى نفس الوقت,
و راشش الجنوط احمر(على فكره اللى عنده كوبيه ممكن يفك الجزء الفضى لانه بلاستيك و يبقى الجنط كله اسود من غير رش)

شاشه lcd فى الشبكه الاماميه بريموت تكتب اسمك او اى كلام انت عايزه
فى حاجه كده فى الشبكه زى المروحه بيقولى بتدخل هوا على الفلتر سريع و ساقع و كمان بتعمل صوت جميل
طبعا الفوانيس الاماميه و الخلفيه فيها سخانات و فانوس الاشاره الامامى مرشوش اسود من جوا .و رينجات و عدسات.
طبعا كاربون على الكبوت و عند الشبكه و عند الفوجات كمان
الاسبويلر الجامد زى بتاع المتسوبيشى الايفوليوشن
طبعا الابواب بتفتح لفوق
وش الموتور القديم ال 1600 كان مرشوش احمر و سلفر نيكل من تحت بحيث يبقى 3 الوان اسود فى احمر فى نيكل.
شكل منظر للتربو موضوع فى الشبكه الاماميه من اسفل
7-هو عامل تعديل فى الشكمان مش فاهمه بيعمل صوت التربو بالظبط (هو مغيرش الشكمان و لا ركب ديفل, هو مجرد عمله زى ماسوره المسدس "الشخشنه,او الششخنه"مش فاكر)
و يا رب يكون مجهودى و تعبى وصل ليكوا و استفدتوا بيه زى ما انا استفدت كتير منكوا قبل كده.
اسم الشخص اللى معدل العربيه هو محمود ديزاين .

[/OVERLINE]

modification : ma7moud design
mix and music : Mohamed mostafa
engine : 2400cc
air filters : cold air intack
rims:17 ,18
more options: esp ,cruise control
brack :2d
suspension :new suspension (u control it "softer ,harder,lower,higher)
body kit and appearance : lcd in front bumper,modification in front light ,
tail light ,tinted glass,carpon hood, ...........
and more i cannot remember ........

http://www.youtube.com/watch?v=CrmJQePx9iU



http://sphotos.ak.fbcdn.net/hphotos-..._2979655_n.jpg

Click on people's faces in the photo to tag them.

http://sphotos.ak.fbcdn.net/hphotos-..._3180230_n.jpg



Click on people's faces in the photo to tag them.

http://sphotos.ak.fbcdn.net/hphotos-...4_158416_n.jpg



Click on people's faces in the photo to tag them.

http://sphotos.ak.fbcdn.net/hphotos-..._2114241_n.jpg

Click on people's faces in the photo to tag them.

http://sphotos.ak.fbcdn.net/hphotos-..._5282747_n.jpg



Click on people's faces in the photo to tag them.

http://sphotos.ak.fbcdn.net/hphotos-..._3995120_n.jpg

Click on people's faces in the photo to tag them.

http://sphotos.ak.fbcdn.net/hphotos-..._6908072_n.jpg

• 
  

Click on people's faces in the photo to tag them.

http://sphotos.ak.fbcdn.net/hphotos-..._1384967_n.jpg

Click on people's faces in the photo to tag them.

http://sphotos.ak.fbcdn.net/hphotos-..._2941228_n.jpg

Click on people's faces in the photo to tag them.

http://sphotos.ak.fbcdn.net/hphotos-..._5583242_n.jpg

Click on people's faces in the photo to tag them.

http://sphotos.ak.fbcdn.net/hphotos-..._6226944_n.jpg

Click on people's faces in the photo to tag them.

http://sphotos.ak.fbcdn.net/hphotos-..._2067484_n.jpg

Click on people's faces in the photo to tag them.

http://sphotos.ak.fbcdn.net/hphotos-..._1104850_n.jpg

Click on people's faces in the photo to tag them.

http://sphotos.ak.fbcdn.net/hphotos-..._2597962_n.jpg

Click on people's faces in the photo to tag them.

http://sphotos.ak.fbcdn.net/hphotos-..._6891151_n.jpg

Click on people's faces in the photo to tag them.

http://sphotos.ak.fbcdn.net/hphotos-..._7702145_n.jpg

Click on people's faces in the photo to tag them.

http://sphotos.ak.fbcdn.net/hphotos-..._4671921_n.jpg

Click on people's faces in the photo to tag them.





http://sphotos.ak.fbcdn.net/hphotos-..._1706727_n.jpg Click on people's faces in the photo to tag them.

http://sphotos.ak.fbcdn.net/hphotos-..._5175922_n.jpg

Click on people's faces in the photo to tag them.

http://sphotos.ak.fbcdn.net/hphotos-..._6969199_n.jpg

Click on people's faces in the photo to tag them.

http://sphotos.ak.fbcdn.net/hphotos-..._6475187_n.jpg Click on people's faces in the photo to tag them.

http://sphotos.ak.fbcdn.net/hphotos-..._4749830_n.jpg

Click on people's faces in the photo to tag them.

http://sphotos.ak.fbcdn.net/hphotos-..._5153709_n.jpg

Click on people's faces in the photo to tag them.

http://sphotos.ak.fbcdn.net/hphotos-..._6418709_n.jpg

Click on people's faces in the photo to tag them.

http://sphotos.ak.fbcdn.net/hphotos-..._1365875_n.jpg

Click on people's faces in the photo to tag them.

http://sphotos.ak.fbcdn.net/hphotos-..._4068264_n.jpg

Click on people's faces in the photo to tag them.

http://sphotos.ak.fbcdn.net/hphotos-..._2196704_n.jpg

Click on people's faces in the photo to tag them.

http://sphotos.ak.fbcdn.net/hphotos-..._5490294_n.jpg


http://sphotos.ak.fbcdn.net/hphotos-..._2208457_n.jpg
Click on people's faces in the photo to tag them.

http://sphotos.ak.fbcdn.net/hphotos-...3_489340_n.jpg


http://sphotos.ak.fbcdn.net/hphotos-..._5272805_n.jpg
Click on people's faces in the photo to tag them.

http://sphotos.ak.fbcdn.net/hphotos-..._3384363_n.jpg

ماشاء الله جامده اوى

بس دا اكيد صرف عليها اد تمنها مرتين :)

كفايه الموتور ال 2.4 دا 173 حصان صباح الافترا :)

ايه الافترا و قله الادب دى انا ذهلت من كميه التعديلات ربنا يباركله فيها

جامدة موووووووووووووووووت

العربية ما شاء الله عليها تحفة فنية بس هو إزاي جاله قلب يعمل فيها كده وهي لسة زيرو

اقتباس:

---

المشاركة الأصلية كتبت بواسطة hosam_optrawy

ماشاء الله جامده اوى

بس دا اكيد صرف عليها اد تمنها مرتين :)

كفايه الموتور ال 2.4 دا 173 حصان صباح الافترا :)

---

صباح الفل يا كبير
منور الموضوع و كنت حاسس انك اول واحد هترد فى الموضوع
هو فعلا صرف عليها و كمان قالى انه كمان غير البور خلاه كهربه
و يا ريت تكون عجبتكوا

اقتباس:

---

المشاركة الأصلية كتبت بواسطة joliat

جامدة موووووووووووووووووت

---

منور يا جوليت و الحمد لله انها عجبتكوا

اقتباس:

---

المشاركة الأصلية كتبت بواسطة tameraast

ايه الافترا و قله الادب دى انا ذهلت من كميه التعديلات ربنا يباركله فيها

---

امال لو عرفت انه بيحول عربيه 128 الى عربيه سباق لامبورجينى
و حاطط فيها جنوط 19 و كوتش 295-30 او 35 كوتش ضد الرصاص و كمان رن فلات
و دى تحت التجهيز و شفتها بعينى و هيكلها حديد مش فيبر كمان

اقتباس:

---

المشاركة الأصلية كتبت بواسطة brainstorm

العربية ما شاء الله عليها تحفة فنية بس هو إزاي جاله قلب يعمل فيها كده وهي لسة زيرو

---

ربنا يخليك بس هو راجل فاهم ماشاء الله و محترم
يعنى مبيحطش قرش فى حاجه الا لما هتكون هتشتغل و تبقى تمام
حتى عمل عربيات ماركات تانيه كتير اوى و دى بقى فى موضوع تانى ان شاء الله

حاجة تعقد
اية يا عم الجمود و الافرتا دة ..

بعيداً عن المرمطة اللى مرمط العربية فى الدريفتات .. العربية ماشاء الله تحفة .. بس اللى عاجبنى او و بجد نفسى اعملة عمل الفوانيس اللى قدام فيــــــــــــــــــــن .. هاموت واعرف.. شكلها جامد اوى بس اكيد غالية اوى :36_1_1[1]:
و كمان انا راضى عن اداء العربية جدا ف عمرى م افكر انى اسقت موتور ولا الكلام دا .. بس اللى حسيتوا فعلا اهانها فيها جدا فك التابلوة كلة !!!!!!!!!!!!:8954[1]::8954[1]::8954[1]::beatdeadhorse5::beatdeadhorse5::120146b:120146b: O_stupid[1]: حقيقى مزهول :E_braces[1]:.. و كمان لون الجنط الاحمر مش لايق معى العربية بصراحة .. لو كان العربية سودا كانت عدت اكتر ما هى :36_1_1[1]: ما شاء الله :)

اقتباس:

---

المشاركة الأصلية كتبت بواسطة moha4tec

ربنا يخليك بس هو راجل فاهم ماشاء الله و محترم
يعنى مبيحطش قرش فى حاجه الا لما هتكون هتشتغل و تبقى تمام
حتى عمل عربيات ماركات تانيه كتير اوى و دى بقى فى موضوع تانى ان شاء الله

---

أنا مستني الموضوع التاني ده على احر من الجمر
بس بجد مجهود تشكر عليه :S_thum1[1]:

المشكلة انا مش فاهم اية اللى قبل مين ولية يعنى؟؟؟؟؟
صور الباب لامبو وصور تانية الباب عادى
والشبكة الامامية اللى محطوط عليها صعب اوى شيلة ياراجل جة معطر
والاضاءة صعبة بردة
والجنوط انهى اللى راكب دلوقتى
على العموم مجهود رائع وقلب ميت انك تسقطلها ماتور

اقتباس:

---

المشاركة الأصلية كتبت بواسطة max_ziro

حاجة تعقد
اية يا عم الجمود و الافرتا دة ..

---

ربنا يخليك دى وحده من السبعه و كل وحده شكل غير التانيه

اقتباس:

---

المشاركة الأصلية كتبت بواسطة shod90

بعيداً عن المرمطة اللى مرمط العربية فى الدريفتات .. العربية ماشاء الله تحفة .. بس اللى عاجبنى او و بجد نفسى اعملة عمل الفوانيس اللى قدام فيــــــــــــــــــــن .. هاموت واعرف.. شكلها جامد اوى بس اكيد غالية اوى :36_1_1[1]:
و كمان انا راضى عن اداء العربية جدا ف عمرى م افكر انى اسقت موتور ولا الكلام دا .. بس اللى حسيتوا فعلا اهانها فيها جدا فك التابلوة كلة !!!!!!!!!!!!:8954[1]::8954[1]::8954[1]::beatdeadhorse5::beatdeadhorse5::120146b:120146b: O_stupid[1]: حقيقى مزهول :E_braces[1]:.. و كمان لون الجنط الاحمر مش لايق معى العربية بصراحة .. لو كان العربية سودا كانت عدت اكتر ما هى :36_1_1[1]: ما شاء الله :)

---

الفانوس ده شكل من سبع اشكال حسب لون العربيه و حسب حجات تانيه انا شفته على البيضاء كان فاجر مووووت
و لو عايز تفاصيل و رقم الراجل اللى عمل كل التظبيط ده ممكن على الخاص
بالنسبه لاداء العربيه هو فعلا ممتاز بس ده تعديل واحد داخل اوتو كروس هههههههههه امال لو حطلها تربو هتروح فين بقى هههههه
التابلوه متهنش لانه عارف يفك و يركب ازاى من غير ما يبوظ حاجه زى التوكيل يعنى و الموضوع ده ليه عده و ادوات خاصه عشان ميجرحش .و هو عمل كده عشان يقدر يوصل التكييف و( الفتاس الجديد ) ده بيشغل عجله و عجله كمان مش فاهم ازاى . و عشان يركب زراير مثبت السرعه و ال esp كمان و باقى التوصيلات.(الموضوع معقد شويه و مفيش ناس كتير بتفهم فيه.)
انا معاك ان لون الجنط الاحمر اوفر شويه ممكن لون تانى او الاصلى يبقى كويس.
و ربنا يديم الموده و الفائده للكل.

اقتباس:

---

المشاركة الأصلية كتبت بواسطة brainstorm

أنا مستني الموضوع التاني ده على احر من الجمر
بس بجد مجهود تشكر عليه :s_thum1[1]:

---

ان شاء الله عن قريب لما ارجع من السفر.
الشكر لله يا باشا و شرفت الموضوع

ماشاء الله , انا مش هكتب اى تعليق تانى الا لما اتفرج على الفيديو

اقتباس:

---

المشاركة الأصلية كتبت بواسطة medo_sirion

المشكلة انا مش فاهم اية اللى قبل مين ولية يعنى؟؟؟؟؟
صور الباب لامبو وصور تانية الباب عادى
والشبكة الامامية اللى محطوط عليها صعب اوى شيلة ياراجل جة معطر
والاضاءة صعبة بردة
والجنوط انهى اللى راكب دلوقتى
على العموم مجهود رائع وقلب ميت انك تسقطلها ماتور

---

تقريبا منظمه فى الفيديو و هو اكيد اخر حاجه عملها الباب, الصور فعلا عايزه تتنظم معلش
بالنيبه للى على السبكه الاماميه دى ازواق (ممكن متعجبكش و تعجب حد تانى)و انا معاك فى الراى بس انت قصدك على اللى شبه المروحه و الا الشاشه ال lcd
بالنسبه اصد حضرتك للون الاضاءه بيتغير من عربيه للتانيه على حسب لونها .انا شوفت البيضاء كان الاضاءه بيضاء مع نفس الرسمه بدل الاحمر و لكن شغل تانى مختلف
و الجنوط الاول كان الاحمر بتاع الكوبيه و عجيب واحد صحبه فادهوله و جاب غيره و كل لما يجيب جنط جديد حد يطمع فيه

متشكر لمشاركتك و زوقك و نقدك و رايك البناء و انت معاك حق فى كل اللى قلته
على فكره دى مش عربيتى دى عربية الراجل اللى بيظبط العربيات .و هو اكيد قلبه ميت لانه فاهم و عارف هيعمل اه بالظبط ,و مش بيهرج لان ده شغله و فاهم هو بيعمل اه بالظبط
و دى مش اول عربيه يعملها
ده طلع فى التليفزيون و الجرايد كذا مره (جامد جدا و كمان مشهور)
و السلام ختام

اقتباس:

---

المشاركة الأصلية كتبت بواسطة moha4tec

الفانوس ده شكل من سبع اشكال حسب لون العربيه و حسب حجات تانيه انا شفته على البيضاء كان فاجر مووووت
و لو عايز تفاصيل و رقم الراجل اللى عمل كل التظبيط ده ممكن على الخاص
بالنسبه لاداء العربيه هو فعلا ممتاز بس ده تعديل واحد داخل اوتو كروس هههههههههه امال لو حطلها تربو هتروح فين بقى هههههه
التابلوه متهنش لانه عارف يفك و يركب ازاى من غير ما يبوظ حاجه زى التوكيل يعنى و الموضوع ده ليه عده و ادوات خاصه عشان ميجرحش .و هو عمل كده عشان يقدر يوصل التكييف و( الفتاس الجديد ) ده بيشغل عجله و عجله كمان مش فاهم ازاى . و عشان يركب زراير مثبت السرعه و ال esp كمان و باقى التوصيلات.(الموضوع معقد شويه و مفيش ناس كتير بتفهم فيه.)
انا معاك ان لون الجنط الاحمر اوفر شويه ممكن لون تانى او الاصلى يبقى كويس.
و ربنا يديم الموده و الفائده للكل.

---

7 اشكال يا ما شاء الله !!!!!!!!:ma: ... طب بس متعرفش سعرة كام الفنوس دا !! .. انا لسة معيش نكلة من فلوسو لسة هحوش :36_1_8[1]::ma::ma: .. بس يستاهل بصراحة !:Ta_clap[1]:

اقتباس:

---

المشاركة الأصلية كتبت بواسطة blackknight

ماشاء الله , انا مش هكتب اى تعليق تانى الا لما اتفرج على الفيديو

---

ازيك يا بشمهندس اسلام
انا عايزك تشرحلى ازاى الراجل ده بيخلى عجله تدور و التانيه ثابته .كيف يعنى ؟؟؟؟؟؟؟
شغل عفاريت ,هو قالى ان ده فتاس جديد مسقطه على العربيه و ممكن تشوف الكلام ده فى الفيديو فى نهاية الدقيقه الرابعه و بداية الدقيقه الخامسه و هتلالقى خط ماشى ورا العجله اليمين فقط
و هو قالى ده ممكن بيتعمل فى اى عجله يمين او شمال و قالى ان ده فايدته للناس اللى بتاخد غرز جامده و ده للناس اللى جمده اوى فى السواقه و عرفه خطورته لانه مش اى واحد عادى ياخد غرز بعجله وحده لازم محترف عشان يبقى فاهم هو بيعمل اه
و ارجوا الشرح و المتابعه
و ذلك لانك مهندس فاهم و متعمق ذى يوكو كده .هو فان صحيح و محمد شوقى و عتريس و زواوى و ابو ليلى و كل الناس الحلوه و معلش لو نسيت اى حد من الزملا و شيكو و عمر سمسم راس و كل الناس الحلوه

اقتباس:

---

المشاركة الأصلية كتبت بواسطة shod90

7 اشكال يا ما شاء الله !!!!!!!!:ma: ... طب بس متعرفش سعرة كام الفنوس دا !! .. انا لسة معيش نكلة من فلوسو لسة هحوش :36_1_8[1]::ma::ma: .. بس يستاهل بصراحة !:ta_clap[1]:

---

على فكره الراجل ده ممكن يعملك اى حاجه فى دماغك عايز تعملها و بالنسبه للسعر انا معرفش انت ممكن تكلمه و تتفق معاه و يا ريت تعمل لينا دسكونت للمنتدى و تتكلم باسمنا كلنا عايزين نظبط العربيه (تبقى عملت واجب و ممكن اقابلك و نروحله كمان بس بعد يوم 9/10/2010 ان شاء الله اكون رجعت و انا تحت امرك
او ممكن نعمل مقابله و اكلمه ييجى و يتكلم معانا او نجمع بعض و نقابله
شوفو اللى يريحكوا و ردوا عليا

اقتباس:

---

المشاركة الأصلية كتبت بواسطة moha4tec

على فكره الراجل ده ممكن يعملك اى حاجه فى دماغك عايز تعملها و بالنسبه للسعر انا معرفش انت ممكن تكلمه و تتفق معاه و يا ريت تعمل لينا دسكونت للمنتدى و تتكلم باسمنا كلنا عايزين نظبط العربيه (تبقى عملت واجب و ممكن اقابلك و نروحله كمان بس بعد يوم 9/10/2010 ان شاء الله اكون رجعت و انا تحت امرك
او ممكن نعمل مقابله و اكلمه ييجى و يتكلم معانا او نجمع بعض و نقابله
شوفو اللى يريحكوا و ردوا عليا

---

حوارات الديسكونت و الكلام دا انا معرفش اعملها اصلا :ma: لو حضرتك تيجى معايا و اتفرج اكتر على شغلة و يخش فى دماغى كمان و كمان يبقى احسن :ma: و بعد 9/10 مش مشكلة و يولع مشروع التخرج مقابل ماى كوب :s1[1]::ma::ma:

ايييييييييييييييييييييييي ية الشغل دة ماشاء الله
بس الواحد يجلوا قلب منين يعمل كدة ::ddd
بس ليا سؤال رفيع نفسى اتعلم الحركة الى بيعملها فى الدقيقة ال5 بتتعمل ازاى ؟؟؟؟؟؟؟ وتتنفع تتعمل بلسيدان؟؟؟؟؟

لا تعليق ..... أنا منبهر جدا لدرجة اني مش مصدق الي أنا شايفة
الراجل ده جامد جدي وبردوا مش مصدق
انه عمل كل دة في مصر تحياتي لي
ومستني الجزء التاني
وشكرا على التعقيد الوهمي

موضوع هايل وعربية اصلا تحفه من غير تعديل , تخيل بقى وهي متعدله ؟
والكوبيه المفروض من وجهة نظري انها تنزل مصر بمحرك 2400 سي سي مش 1600.

انا شفت العربية ده من حوالي 4 شهور في تريامف
روعة
جنااااااااااااااان

جاااااامده جدا
الراجل بصراحه دماغ أوى وجرىء أوى أوى
والعربيه تحفه من جميع الجهات
شكرا يا محمد على المواضيع المميزه دائما
شكراً على المجهود

بجد بجد رغم انى زعلان منك اوووووووووى. عشان الاتفاق الى مابنا

بس الموضوع الجامد ده يشفعلك ويخلينى اصالحك علطول. حبيبى يا moha

ياريت تعرفلنا بس المحل بتاعه اسمه ايه وليه اكونت على الفيس ولا لأ

المكن بتاع امريكا مكن عزم مش مكن جري عشان كده معداش ال200 حصان و بتخلع الاسفلت ع الواقف وربنا يباركله فيها ان شاء الله

شغل ومجهود رائع
بس عندى تعديل صغيررر
الخط الاحمر الموجود اخر الفانوس الامامى كان ممكن يكون ابيض زاى بتاع ألاودى عشان لون الرنج مش مبينة

اقتباس:

---

المشاركة الأصلية كتبت بواسطة shod90

حوارات الديسكونت و الكلام دا انا معرفش اعملها اصلا :ma: لو حضرتك تيجى معايا و اتفرج اكتر على شغلة و يخش فى دماغى كمان و كمان يبقى احسن :ma: و بعد 9/10 مش مشكلة و يولع مشروع التخرج مقابل ماى كوب :s1[1]::ma::ma:

---

خلاص احنا كده عيزين ابو ليلى معانا او حسام ابتراوى او اى حد بيفهم فى التعديل و يعرف الاسعار و بيكون بيعرف يفاصل عشان نعمل شغل عنده كتير مقابل تخفيض معين على الشىء الفلانى مثلا
و ممكن نتقابل فى اى وقت لما اجى من السفر و انا كمان عايز اعمل عربيتى (بعض الحجات زى الموضوع التانى بتاعى ليدات الاودى و غيرها و حجات تانيه فى اللزيز بسيطه و حلوه فى نفس الوقت مش زى الكميه الرهيبه دى
و ربنا يوفقك فى مشروع التخرج , لان هو الاهم من اى عربيه.

اقتباس:

---

المشاركة الأصلية كتبت بواسطة waleedelpiloot

ايييييييييييييييييييييييي ية الشغل دة ماشاء الله
بس الواحد يجلوا قلب منين يعمل كدة ::ddd
بس ليا سؤال رفيع نفسى اتعلم الحركة الى بيعملها فى الدقيقة ال5 بتتعمل ازاى ؟؟؟؟؟؟؟ وتتنفع تتعمل بلسيدان؟؟؟؟؟

---

مشرف الموضوع يا باشا انت فاكرنى من المقابله بتاعة الرحاب
دى مش حركه لو انت قصدك انه بيمشى بعجله وحده و التانيه ثابته ده اوبشن فى الفتاس الجديد اللى ركبه
انما لو بتتكلم على الامريكانى دى بسيطه سهله
لو مانيوال تدوس دبرياج و تكبس بنزين و مره وحده تشيل رجلك من على الدبرياج و تكون على الاول طبعا .و الله اعلم
انما على الاوتوماتيك فى ناس بتعملها بس مش عارف ازاى يا ريت حد يقول لنا

السيدان نفس متور الكوبيه العادى ال 1600 و اى عربيه ممكن الامريكانى تتعمل فيها عادى مفيش مشكله .

اقتباس:

---

المشاركة الأصلية كتبت بواسطة hazemhassan

شغل ومجهود رائع
بس عندى تعديل صغيررر
الخط الاحمر الموجود اخر الفانوس الامامى كان ممكن يكون ابيض زاى بتاع ألاودى عشان لون الرنج مش مبينة

---

كلامك صح بس هو عامل التعديل كله احمر فى احمر
لكن انا شفت كوبيه تانيه هو عاملها العربيه لونها ابيض و لاعب فى الفانوس بردو شغل ابيض جمده موت و هو ده سبب المعرفه اصلا.

اقتباس:

---

المشاركة الأصلية كتبت بواسطة rammar

لا تعليق ..... أنا منبهر جدا لدرجة اني مش مصدق الي أنا شايفة
الراجل ده جامد جدي وبردوا مش مصدق
انه عمل كل دة في مصر تحياتي لي
ومستني الجزء التاني
وشكرا على التعقيد الوهمي

---

منور الموضوع يا رمار
هو عمل الكلام ده فى مصر فى الحرفيين
ان شاء الله متجدد و الجزء التانى اول ما نعرف نقابل اصحاب العربيات التانيه هنصورهم علطول بس انت عارف الدراسه ابتدت و حجات كتير شغلا الناس بس فان .انا وراهم لحد اما اصورهم و ارفق الصور على المنتدى .
الشكر لله
و انا عربيتى سيدان و ان شاء الله هعملها عنده
على فكره هو كمان بيعمل شغل فى تابلوه العربيه يجنن بس ده فى عربيات تانيه عشان الكوبيه اصلا لونين و حركات فمش محتاجه اوى ,هو كمان ممكن يعمل اى حاجه تتخيلها.

اقتباس:

---

المشاركة الأصلية كتبت بواسطة mahmoud_afifi

موضوع هايل وعربية اصلا تحفه من غير تعديل , تخيل بقى وهي متعدله ؟
والكوبيه المفروض من وجهة نظري انها تنزل مصر بمحرك 2400 سي سي مش 1600.

---

بشكرك بشده و ارجوا ان العربيه تكون على زوقكوا ,و المفروض حاجه و الامر الواقع حاجه تانيه

اقتباس:

---

المشاركة الأصلية كتبت بواسطة eng.geo

انا شفت العربية ده من حوالي 4 شهور في تريامف
روعة
جنااااااااااااااان

---

يا بختك انا شفتها صور و كليبات بس
انا شفت الكوبيه البيضاء فقط قدام عنيا
شرفت الموضوع بشمهندس

اقتباس:

---

المشاركة الأصلية كتبت بواسطة normal

جاااااامده جدا
الراجل بصراحه دماغ أوى وجرىء أوى أوى
والعربيه تحفه من جميع الجهات
شكرا يا محمد على المواضيع المميزه دائما
شكراً على المجهود

---

حبيبى يا نورمال عامل اه نفسى اشوفك انت و بقات الشله الكياويه انتوا بقاتوا تعملوا المقابلات و انا مسافر ...
صدفه طبعا . بس انتوا بجد وحشتونى اوى .
هو الصراحه الراجل ده فعلا فاهم فى حجات كتير , و اللزيز انه بيكلمك ببساته ,و مبيخبيش عنك حاجه و لا سر صنعه و لا حاجه
بس فعلا محدش هيقدر يقفل الشغل بنضافه زيه ,الراجل اسمه محمود ديزاين . و هو معروف و مشهور زى اسلام مشهور و كان زمان بيخش اوتو كروس و بطل عشان اتشغل بالبيت و الشغل و الاطفال.
الشكر لله يا نورمال
و الحمد لله انها عجبتكوا (كده مجهودى الحمد لله مضعش هدر)
و السلام ختام

اقتباس:

---

المشاركة الأصلية كتبت بواسطة smsmrace

بجد بجد رغم انى زعلان منك اوووووووووى. عشان الاتفاق الى مابنا

بس الموضوع الجامد ده يشفعلك ويخلينى اصالحك علطول. حبيبى يا moha

ياريت تعرفلنا بس المحل بتاعه اسمه ايه وليه اكونت على الفيس ولا لأ

---

سامحنى بس انا بعتلك على الخاص لينك الموضوع فعلا بس متاخر 5 دقايق تقريبا مش فاكر لانى شفت رسالتك متاخر لان النت عندى خربان خالص.
و انت كمان حبيبى من زمان يا سمسم
هو فعلا ليه اكونت على الفاس بوك باسم محمود ديزاين .اكتبها بالانجليزى , و انت هتلاقى الاكونت بتاعه مليان صور عربيات متعدله و كمان فيديوهات دريفتات و كل حاجه و هتلاقى صفح الجرنال اللى طلع فيها كلها و كمان حلقه البرنامج اللى طلع فيه فى التليفزيون على النيل سبورت تقريبا
و السلام ختام

اقتباس:

---

المشاركة الأصلية كتبت بواسطة kamalsalem

المكن بتاع امريكا مكن عزم مش مكن جري عشان كده معداش ال200 حصان و بتخلع الاسفلت ع الواقف وربنا يباركله فيها ان شاء الله

---

شكلك فاهم يا نصه . انت فهمت من الفيديو صح ان المتكحت ده هو الاسفلت صح كده (لان انا فهمت الاول العكس افتكرت الكاوتش هو اللى اتبرى اتاريه الاسفلت)
و ربنا يباركله فيها