مين مهتم بالدراجات (البسكلتة)؟؟

**amr mokhtar** · 29-09-2010 09:32 PM

السلام عليكم

بقالى فترة مهتم جدآ بالعجل و بقى عندى معلومات كويسة عنه
ده طبعآ غير إنى إشتريت عجلة و بقيت بنزل بيها فى الصبح على الكرنيش و روحت كرنفال العجل بتاع يوم الجمعة مرتين كده

فحبيت أسأل مين مهتم بالعجل ؟؟
و هل فيه حد بيروح الكرنفال يوم الجمعة و تبقى فرصة للتعارف

**Eng.Geo** · 29-09-2010 10:11 PM

لغاية ما عملت حادثة بالبايك
بقيت مبسوقش العجل غير في المصايف
انا من عشاق ركوب العجل .... متعة كبيرة جدا ... كان عندي عجلة مظبطها علي الأخر ... بس خلاص

**A7MED_PHARMA** · 29-09-2010 10:19 PM

أجمل حاجة في العجل
إنك ممكن تخلي العجلة سبووور ..فول أوبشن..وتخليها تحفة
بما لايزيد عن 20 - 30 جنيه
هههههههههههههههههه

**elpasha009** · 29-09-2010 10:38 PM

فكرتني بالذي مضى:)
أنا بركب عجل من وأنا عندي 4 سنين لحد أولى ثانوي وكنت فعلا محترف جداااااااااااااااا لدرجة إني بعمل أي حركة ممكن تتخيلها في بالك:)

أحلى حاجة بقى إننا كنا بنمشي بيها على سرعات تتجاوز 90 كيلو.تتخيل ذلك؟؟!!!!
أنا مش سوبرمان طبعا :) القصة ومافيها اننا كنا بنروح البلد بالعجلة وفي الطريق كنا بنقف عند أي مطب ونستنى جرار زراعي أو عربية نص نقل وهي بتهدي بنمسك فيها من ورا ونعيش بقى لحد لما يوصل سرعة عالية قوي نسيب ونفضل بقوة الدفع شوية محترمين على مانعرف نجاري البدال تاني:)
على فكرة كانت المسافة من طنطا لحد البلد 25 كيلو بالظبط.وكنا بنروح كل 3 أو 4 أيام.تخيل بقى عضل الرجل كان عامل ازاي ساعتها:)

بسبب العجلة ديه وتقويتها لعضلات الرجل أنا أخد مراكز على مستوى الجمهورية في ألعاب القوى - مشى في فترة الإعدادي.
كانت أيام والله.

**otefa** · 29-09-2010 10:43 PM

رياضة رائعة..........تقوية لعضلات الرجل وليونتها وتقوية الجهاز الدوري كله............واظبت علي العجل مش أقل من 10 سنين وكنت ساعات بروح بيها الكلية كمان وكنت بأوصل بيها ل 60 كيلو /ساعة(عجلة سباق بعداد)

**amr mokhtar** · 29-09-2010 11:00 PM

المشاركة الأصلية كتبت بواسطة eng.geo

لغاية ما عملت حادثة بالبايك
بقيت مبسوقش العجل غير في المصايف
انا من عشاق ركوب العجل .... متعة كبيرة جدا ... كان عندي عجلة مظبطها علي الأخر ... بس خلاص

الف سلامة عليك
السواقة فى وسط الشوارع بتتطلب خبرة كبييرة
انا جربت أمشى فى الشارع و بعد كده بقيت بحترم جدآ الراجل اللى شايل العيش على راسه و عارف يمشى فى وسط العربيات

المشاركة الأصلية كتبت بواسطة a7med_pharma

أجمل حاجة في العجل
إنك ممكن تخلي العجلة سبووور ..فول أوبشن..وتخليها تحفة
بما لايزيد عن 20 - 30 جنيه
هههههههههههههههههه

صدقنى تبقى فاهم غلط خالص
دنيا العجل دى بقت واااسعة جدآ
و الأسعار بقت عالية
انت عشان تركب عجلة نضيفة و فيها سرعات كويسة و جنوط الومينيوم ... انت كده بتتكلم فى 700 جنيه بالميت

ده غير الإكسسوارات... لو عايز تجيب حاجات نضيفة و أصلية ممكن تدخل فى 500 جنيه مستريح

انا شارى عجلة فاضية من غير سرعات و كلها حديد ب350 جنيه

انا كنت فاكر زيك كده لحد ما عرفت الحقيقة

المشاركة الأصلية كتبت بواسطة ghada_zaky

حاولت قبل كده ويشهد عليا اسفلت اسكندرية كله
بس لسه الموضوع فى دماغى ومصممة عليه انى اتعلمه واروح الكرنفال
اول مرة اركب فى حياتى عجلة كانت فى الكرنفال ده ..ههههههههههههه
كنت متخيلة انى حركب العجلة امشى بيها عادى جدا
وكنت بسأل نفسى ياترى حقدر اكمل لبحرى وانا مش متمرنة على المسافات الكبيرة ......هههههههههههه
الا يعنى المشكلة فى المسافة .............

ههههههههه شكلك حاولتى كتير
هم دلوقتى بقوا بيخلوا الكرنفال لحد مكتبة الإسكندرية لإن المسافة كانت بتبقى كبيرة لحد بحرى
المشوار يعتبر طويل بس بالتدريب بيتعمل يعنى فيه ناس بتاخد عجل من جليم و يكملوا لحد المكتبة

**amr mokhtar** · 29-09-2010 11:06 PM

المشاركة الأصلية كتبت بواسطة elpasha009

فكرتني بالذي مضى:)
أنا بركب عجل من وأنا عندي 4 سنين لحد أولى ثانوي وكنت فعلا محترف جداااااااااااااااا لدرجة إني بعمل أي حركة ممكن تتخيلها في بالك:)

أحلى حاجة بقى إننا كنا بنمشي بيها على سرعات تتجاوز 90 كيلو.تتخيل ذلك؟؟!!!!
أنا مش سوبرمان طبعا :) القصة ومافيها اننا كنا بنروح البلد بالعجلة وفي الطريق كنا بنقف عند أي مطب ونستنى جرار زراعي أو عربية نص نقل وهي بتهدي بنمسك فيها من ورا ونعيش بقى لحد لما يوصل سرعة عالية قوي نسيب ونفضل بقوة الدفع شوية محترمين على مانعرف نجاري البدال تاني:)
على فكرة كانت المسافة من طنطا لحد البلد 25 كيلو بالظبط.وكنا بنروح كل 3 أو 4 أيام.تخيل بقى عضل الرجل كان عامل ازاي ساعتها:)

بسبب العجلة ديه وتقويتها لعضلات الرجل أنا أخد مراكز على مستوى الجمهورية في ألعاب القوى - مشى في فترة الإعدادي.
كانت أيام والله.

ههههههههههه
على فكرة كنت ممكن تدخل موسوعة جينيس من أوسع أبوابها
لإن أعلى سرعة لمتسابق كانت 84 كم/س
بس إزاى كنت تقدر تسيطر عليها على السرعة العالية دى؟

المشاركة الأصلية كتبت بواسطة otefa

رياضة رائعة..........تقوية لعضلات الرجل وليونتها وتقوية الجهاز الدوري كله............واظبت علي العجل مش أقل من 10 سنين وكنت ساعات بروح بيها الكلية كمان وكنت بأوصل بيها ل 60 كيلو /ساعة(عجلة سباق بعداد)

هى رياضة رائعة فعلآ
و بجد ليها جو مختلف تمامآ .. بتحس إن بقه عندك إمكانيات مكنتش موجودة فيك قبل كده
و على فكرة بما إنك بايكر ... انا من ساعة ما بقيت بخرج بالعجلة و فكرة الموتوسيكل دى بتلعب فى دماغى

بس انا نفسى أجيب عجلة سباق محترمة .. قريبآ إن شاء الله

**icehearted girl** · 29-09-2010 11:11 PM

بصراحة.. انا بحسدكم فموضوع كرنفال الجمعة دا

ولولا العادات الغبية

انا كنت كل يوم الصبح اروح الشغل بعجلة

وسيلة نضيفة ورياضية وسريعة وغير مكلفة

انا تقريبا مبركبش عجل غير ف اليكس بس

واجري بقي واخمس

اياااااااااااااااااااااام

الموضوع: مين مهتم بالدراجات (البسكلتة)؟؟

LinkBack

أدوات الموضوع

عرض

مين مهتم بالدراجات (البسكلتة)؟؟ - انشر الموضوع فى :

-

-

-

-

-

-

المواضيع المتشابهه

مهتم جدا بالبروتون

فرصه لكل من هو مهتم بالبورصه

محدش مهتم بالسبارك

محدش مهتم بالبيكانتو

سؤال مهم:ليه عز مش مهتم بالبروتون؟

الكلمات الدلالية لهذا الموضوع

المفضلات

المفضلات

ضوابط المشاركة