المعروف إن أي شاب بيدورصح على زوجة بيدور على ذات الدين وذات الاخلاق و أكيد مبينساش المستوى المتقارب ثقافيا واجتماعيا بغض النظر عن الماديات دلوقتي و أكيد طبعا على مستوى معقول من الجمال
لكن اللي بيحصل دلوقتي إن ولا حاجة من دول بتتحقق
البنات زي مايكون مش عايزه تتجوز أو عاوزه تتجوز لمجرد اللقب وبعدها يحلها ربنا مش مشكلة لان بالمنظر اللي ببيعملوه ده مش هيبقى في وفاق لزواج صحيح لبيت اساسه صحيح
الاخلاق ضاعت بين الشيشة والسجاير و ودول مش المشكلة المشكلة إن دول علامات البنت واخدها في معظم الحالة للتحرر و ماخفي كان أعظم '' أكيد مش كلهم لكن اللي ظاهر لشاب بيدور هو ده ''
الحجاب مبقاش مقياس لأدب البنت ولا حتى النقاب في بعض الحالات '' شفت بعيني '' وده لا يمس البنات المحترمات المنقبات لان دول عار عليهم وعلى النقاب في الاساس
حتى الجمال كله صناعي وعمليات التجميل بين البنات بقت على ودنه
مبقاش فاضل إلا المستوى الثقافي والاجتماعي ويا فرحتي بيه بدون اخلاق ولا دين
يمكن أنا وجهة نظري متحاملة بعض الشيء لكن أنا كتبت الموضوع ده بعد ماشفت مواقف تفقع
أكيد في بنات بيكون السماحة في وشهم ولبسهم لكن الشاب لما يشوف واحدة زي دي مش هيجري وراها تقولها أنا عاوز اتعرف عليكي علشان اتجوزك ,
و محدش يقول الأم ترشح ولا الجيران يرشحوا حد , لان الأم أو الجيران ممكن ينخدعو باسهل من السهولة في ابنة وييجي الشعب المسكين على اساس إن دي اختيار الوالدة بعد تدقيق وتمحيص و يلبس في حائط خرساني
صحيح الواحد يكون عبيط وعامل زي القطة المغمضة في الزمان ده أحسن حاجة علشان يتجوز وهو مبسوووووووط و و لامواخذه!!
أتمنى تكون وجهة نظري وصلت بدون اساءة لحد
وصدق رسول الله ( صلي الله عليه وسلم ) لما قال : '' اظفر '' بذات الدين تربت يداك !!
المفضلات