اصعب قرار_ومش هاتعرف تختار!Peugeot 405_Vs_Fiat Tempra.ايطاليا_Vs_فرنسا.

**heshamzaky** · 29-09-2010 11:35 PM

المشاركة الأصلية كتبت بواسطة i_am_legend

عايزين نبعت _مرسال_لنور بيجو_ورجالة ال405_علشان يشاركونا.

بص يا ابو حميد حا اقولك بجد حاجة انت عارف انا على المنتدى بشوف ناس بتعمل مقارنات و ساعات بيحصل شد و جذب بين الاعضاء انا شخصيا بجد لا أميل للمشاحنات دى نهائيا بس ممكن كل رجالة البيجو الجدعان ينزلو صور للعربيات و بجد يبقى الموضوع جميل و حلو فعلا

**JUVENTUS** · 29-09-2010 11:46 PM

اعتقد افضل حاجة نثبت اوجه معينة للمقارنة او خصائص معينة و اللي معاه التمبرا او ال 405 يدخل يتكلم عن النقط دي وحدة وحدة بالترتيب على حسب وجهة نظره طبعا و لو مدعومة بالصور يبقى تمام و اعتقد كده مش هيكون فيه اي خلافات و في نفس الوقت اللي عايز يقارن بين العربيتين و ميعرفش عنهم حاجه هيقدر يعمل ده بسهولة

**mohamedadelemam** · 30-09-2010 12:01 AM

السلام عليكم...مبدئيا هى فعلا مقارنة قوية جدا بين سيارتين ممتازتين..أنا جربت التمبرا بس مش كتير..كانت مع أخويا...عربية واسعة ومريحة جدا وبجد فعلا ثابتة أوى...أما عن ال405..أيضا واسعة أوى وثابتة قمة الثبات......بالنسبة لجانب القوة تتميز فيها ال405 من ناحية الأمان...والتمبرا تتميز برخص قطع الغيار..الإتنين قطع غيارهم متوفرة جدا.....البيجو تتفوق فى علوها عن الأرض ...ومسألة الشكل متروكة للأذواق....إستهلاك بنزين أعتقد أحسن للتمبرا بس عمر مواتير تتفوق فيه البيجو لأن ليا واحد صاحبى معاه 405 عاملة 268 ألف كيلومتر وموتورها لسه بخيره أما التمبرا بتاعة أخويا إحتاجت عمرة على 190 ألف....نعومة العفشة ممتازة فى الإتنين...وطبعا حضراتكم ليكم طبعا خبرة أكتر منى

**heshamzaky** · 30-09-2010 12:22 AM

مواتير التمبرا معمرة جدا بجد

**yoko** · 30-09-2010 12:29 AM

التمبرا عشان مبحبش شكل ال405 مش عارف ليه

**JUVENTUS** · 30-09-2010 12:48 AM

انا بصراحة هتكلم عن التمبرا بس لاني معرفش حاجة عن البيجو ولا حتى عمري ركبتها
التمبرا عربية تتميز بأنها عربية قوية و ناعمة في نفس الوقت
الشكل طبعا دي مسألة ازواق
العربية واسعة جدا من جوة و مريحة و الصالون يتمتع بوجود كماليات زي فتحة تكييف عتد الكنبة ورا و كمان تحت الكرسيين اللي قدام
في منها بعدادات ديجيتال و كمان تكييف تتش
شنطة العربية برضو واسعة بس عالية و ده بيعيق الرؤية الخلفية شوية في الركن ولكن مع الوقت بتاخد عليها
الموتور صوته ناعم جدا و قوي ميفرقش خالص عن العربيات الجديدة و فيه منو 1600 و 1400 cc و العربية دفع امامي و السحب بتاعها كويس اوي و في منها انجكشن و كربيراتير
استهلاك البنزين كويس مش عالي
العفشة قوية بس انا بعتبرها وسط يعني مش ناشفة ولا ناعمة و مسألة المطبات دي بتحك لما تكون محملة 4 اشخاص مثلا بس انا ركبت علايات و نسيت الموضوع ده خالص
الثبات بتاع العربية ممتاز و انا كنت مجرب بيها لحد 140 لكن مزدتش عن كده عشان مش بحب السرعة لكن هي ثايتة لبعد كده كمان
بالنسبة لقطع الغيار متوفرة بس مش كل حاجة هتلاقيها عند كل الناس و في ناس هتلاقي عندهم كل حاجة و الاسعار كويسة
و طبعا ليها قطع غيار استيراد من عزبة شلبي او الوكالة
عيوب السيارة من وجهة نظري

التكييف بيأثر شوية في السحب
مش اي ميكانيكي يقدر يشتغل فيها كويس
الشنطة عالية بس انا شايف ان ده بيديها وسع و كمان مديها شكل حلو
لو مكانتش حالتها نضيفة هتتعبك

**heshamzaky** · 30-09-2010 01:21 AM

المشاركة الأصلية كتبت بواسطة i_am_legend

يا ترى فى 405 بتنزل بفتحة سقف!!_اصل معظم التمبرا فيها.

لا التمبرا الى بفتحة سقف دى استيراد مش منتجة فى مصر

-

-

-

الموضوع: اصعب قرار_ومش هاتعرف تختار!Peugeot 405_Vs_Fiat Tempra.ايطاليا_Vs_فرنسا.

LinkBack

أدوات الموضوع

عرض

-

-

-

المواضيع المتشابهه

اصعب قرار ومش هاتعرف تختار!. Honda Civic 92_(Vs)_Bmw E30

أصعب قرار!ومش هاتعرف تختار!..سيفيك 92 vs فيكتراا a&b....

أصعب قرار!ومش هاتعرف تختار!.بروتون ويرا 2000_vs_لانسر بطة_فرق 8 سنين ونفس السعر!

اصعب قرار ومش هاتعرف تختار!.. بيجو 205_رينو 5سوبر سينيك_ريتمو ريجاتا85...

أصعب قرار!ومش هاتعرف تختار!... سيفيك vs كريستالة....

الكلمات الدلالية لهذا الموضوع

المفضلات

المفضلات

ضوابط المشاركة