السلام عليكم
انا بسمع عن قياس كبس الموتور و 70% وبتاع كنت عايز اعرف بيتعمل فين وازاى بيعملوا ايه ويوصلوا ايه وبكام وهل فعلا النتيجة دى حقيقية والاهم مين فى اسكندرية بيعمل الحوار ده ؟؟؟
عرض للطباعة
السلام عليكم
انا بسمع عن قياس كبس الموتور و 70% وبتاع كنت عايز اعرف بيتعمل فين وازاى بيعملوا ايه ويوصلوا ايه وبكام وهل فعلا النتيجة دى حقيقية والاهم مين فى اسكندرية بيعمل الحوار ده ؟؟؟
فى محطة بنزين كويسة ممكن موبيل و كالتكس و بيبقى ب 40 جنية تقريبا او 45 جنية و طبعا نتيجة مظبوطة لانة بالكمبيوتر و بيقيس العادم و بيرك فيش و يلوك على سلوك البوجيهات بس معرفش فى الاسكندرية فين لانى من القاهرة
و هو فين في القاهرة ياريت برده؟
يعنى النتيجة مظبوطه مع العربيات القديمة برضه ولا ايه
وبعدين هما بيعملوا ايه بالظبط بياخدوا عينة من العادم ولا ايه يا ريت تفاصيل
بص فى محطة كالتكس أخر شارع عباس العقاد دى مشهورة جدا جدا لانها قريبة نسبيا من سوق السيارات و كالتكس الى فى مساكن الشيراتون بداية طريق المطار و موبيل الطريق الدائرى بين مساكن الشيراتون و مدينة نصر و القصة ببساطة بيركب أسلاك الكمبيوتر الكبير على سلوك البوجيهات و بيضع حاجة شبه مضرب البيص السلك فى الشمان من الخلف و بيزود بنزين و الكمبيوتر باخد القراءات دى و بيطلع تقرير بيها بس الراجل بيكتبة يدويا مش بيطبعة بالكمبيوتر انا كشفت هلى سيارة قبل الشراء فى كالتكس اول طريق المطار
وفي محطه عند نادي السكه
طب حد يعرف الأرقام دي دلالاتها ازاي ؟
يعني من كام لكام كويس ؟
من كام لكام نص نص ؟
من كام لكام تعبان ؟
كده يعني
و هل حالة البوجيهات بتفرق في اختبار زي ده ؟
كلام جميل يا ريت تفاصيل اكتر يا رجالة
متابع باهتمام ياريت فعلا تفاصيل اكتر
تحياتي
انا اللى اعرفه ان قياس العادم حاجة وقياس كبس الموتور حاجة تانية
قياس العادم بيقيس اول اكسيد الكربون في العادم عشان يظبط الكربراتير ويدى افضل اداء واقل نسبة بنزين وكربون في العادم
وممكن برضه يعرف حالة الموتور عن طريق وجود زيت في العادم
انما قياس كبس الموتور ده بيشوف احكام الموتور من جوة
يعنى بيشوف فيه تفويت بين البساتم و الشمايز ولا لا
وده بيكون عبارة عن جهاز بيقيس الضغط بيركب مكان البوجيه
ويفصل الكهربا عن بقية البوجيهات
ويدى مارش ويقيس الضغط في السلندر اللى هو فيه
ويكرر العملية مع كل السلندرات
طبعا كل ما كان الضغط جوة السلندر اعلى كل ما كان حالة الموتور احسن ومفيش تفويت والشنابر والبساتم سليمة
كلام جميل طيب لو عامود الكرنك والسبايك وعمود الكامات فيهم حاجة تظهر معاه ولا ده بيبين الشنابر والبساتم والسبيكة بس ؟؟
و مين اقرب حد فى اسكندرية بيعمل الكلام ده علما بانى فى سيدى بشر والمندرة
انت عملت ايه فى الموتور بتاعك
وبنزينه موبيل بتاعه سموحه اكيد عندها اختبار كبس
ياعم انا ماعنديش موتور انا عندى حلة فول مدمس وبسال علشان لو غيرته اعرف اقيسه
ودى اقرب حاجة ولا فيه حد عندنا فى سيدى بشر مثلا وهل الزرانى عنده الكلام ده ؟؟
موضوع جميل ومتابع باهتمام المعلومات المفيدة دى
لغاية دلوقتى مش فاهم حاجة
ههههههههههههههههههههه كوهانا اية الى مش فاهمة بس دة انت لازم تعرف دة علشان لما تيجى تخلص و تشترى ممكن تاخد العربية العربية لمحطة البنزين و تقولة عاوز اكشف على العربية الكشف الشامل ب 85 جنيةبيكشف على العفشة و الشاسية و التكيف و بيقيس كبس الموتور و بيكتب تقرير بيها لو مش عاوز كبس الموتور بينقص 40 جنية من السعر و كلمة كبس الموتور يعنى قوة الموتور و على فكرة الموتور بيقاس الكبس بتاعة و من المفترض ان اقصى قوة لة هى 90 بالمائة مش مية فى المية
كشف الكبس فى الموتور بيتم فى حالة انك بتشترى عربيه مستعمله عاوز تعرف حالة المتور ايه
او فى حالة انك عندك عربيه وحاسس الموتور بتاعها بقى ضعيف غير الاول فبتعمل الاختبار ده عشان تبقى عارف حالة موتورك ايه وخصوصا لو بتسافر كتير
طيب لو حاجة البساتم والشمايز كويسة وبقيت الموتور متبهدل بيبان ولا ده كبس البساتم بس؟؟
لا ابالحلال اللى بعلى العربية عاطيهالى الموتور عشرة على عشرة فى الجرى والسحب والمطالع انما لما فتحته لقيت البلوك ضايع مشرخ والسبايك مسلخة واعامود الكرنك مبوش ودى الحاجة الغريبة !!
موضوع جميل ومتابع باهتمام المعلومات المفيدة دى