يا ترى ايه اقصى سرعه وصلت لها عربيتك وايه كان احساسك ساعتها
ولو فى حد مصور عداد السرعه يا ريت يفرجنا
واهو ادينا بنتهور
قصدى ادينا بنتفرج :eek::eek::eek:
عرض للطباعة
يا ترى ايه اقصى سرعه وصلت لها عربيتك وايه كان احساسك ساعتها
ولو فى حد مصور عداد السرعه يا ريت يفرجنا
واهو ادينا بنتهور
قصدى ادينا بنتفرج :eek::eek::eek:
200 كم بالفيرنا على الاسكندرية الصحراوى
بصراحه احساس ممتع جدا
240 كم بمرسيدس بس مش بتاعتي م 220 بسيفيك 93 على طريق القاهرة بورسعيد و احساس جميل و ممتع جداااا تحس انك فعلا alive بس لو اترددت او اعصابك اتهزت ثانية ممكن يحصل كارثة
يعنى انت دلوقتى مين أبو ملاك ولا ام ملاكاقتباس:
abomalek سابقا
وبعااادين فين ملاك هى مش بتجى معاكوا ليه
اقصى سرعة كانت 160 كم /ساعة على طريق أبوظبي - دبي بس ده تعتبر سرعه عااادية لان الطريق مسموح بيه لحد 140 وفيه ناس بتمشي على 180 و 200
بس انا ملتزم 140 - 150 مش بذود عن كده
180 على طريق الجيش الجديد بتاع الكريمات - بصراحة طريق جميل جدا يشجع على الجرى ومتحسش انك بتجرى من حلاوتة وممكن اسرع من كده بس انا بصراحة خفت ازود تانى :d:d .
140 بعربيتنا تويوتا ستارليت 1000 سى سى و دة مكنش اخرها بس مكناش عاوزين نزود علشان حرام :)
225 بي ام 3205سيسي تيربو + اوتوماتيك + كرونه لوك .. و كان فيها تاني كتير بس الطريق مش مساعد و بنعمل احتياطات ... طريق مصر اسماعيليه ... (ايام المنكه القديمه ..)
المكنه الجديده لسه بتركب و يا مسهل ... تست درايف تاني .. بس المره دي الواحد قاعد ورا الدريكسيون و عنيه في نص دماغه .. و غير كده السيت اب اختلف ..
قفلت موتور + فتيس + كرونه .. الموتور 3450 سيسي 218 حصان + فتيس مانوال كلوز ريشيو + كرونه عاليه لوك .. كده انا عامل علي الاكسليريشن و مش شاغل دماغي بالتوب سبيد كتير .. المهم العربيه تجمع معايا سرعه بسرعه ...
و لسه هتشوفي السرعات بتاعة باقي الاعضاء
حاجة تفرح !!!!!!!!
بصي انا اكتر سرعة كانت على طريق العلمين كان معايا مامتي و خالتى و بنت خالتي ..
طول الطريق كنت ماشية على 100 او 120 و ارجع تانى 100 ..اول بس ما
مامتى و خالتى نامة قمت جايبة على 150 بس العربية مكانتش stable خالص
الدركسيون كان قاعد يترجرج فى ايدي كدة .. و كانت فيات سيننا 2003 و مكانتش
بتاعتي
و انتى يا ام ملك جبتي كام؟؟؟
160 على الطريق الساحلى الدولى باوبترا اوتوماتيك و كان لسة كتير عليها و الصراحة كانت ثابته جدا بس الصراحة مازودتش علشان الكلام ده كان بالليل
احب اوضح بس السرعه 225كم/ساعه احسن حاسس انها مش باينه ...
200 علي طريق اسكندرية الصحراوي بس احساس جااااااااامد جدا كأني في نيد فور سبيد
170 او 180 اسكندريه الصحراوى قبل ما اركب جنوط....كنت خايف بصراحه بس قلت اجرب
220 كم/ساعة على طريق رأس غارب الزعفرانه كما هو موضح بالشكل المرفق;)
شعور فظيع ...الأدرنيالين ده مش طبيعي
انا علشان با سافر كتير ساعات كتيره اقفل العداد علشان الواحد يفوق ..750 كيلو برضه كتير
عربيتي البلونيز جبت اخرها 180 كيلو في منزل نفق كلية الشرطة
عربية اسلام شاهين 180 طريق الاسكندرية يوم مقابلة "دينا"
عربية واحد صحبي لانوس فوق 190 برضه طريق القطامية
عربية واحد قريبي ستروين اكسارا 220 طريق "الكريمات "الجيش من عند مارينا لغاية بوابات القاهرة
واخيراً الطيارة بوينج مش عارف موديلها كام 780 كيلو من القاهرة لاسوان :D:D
235 بعربيه نيسان بلو بيرد علي طريق ابو ظبي _ دبي :)
200 بكرولا 2006 1800 سي سي
208 علي نفس الطريق ب هوندا سيفيك 2007 1800 سي سي
200 علي طريق الساحل باوبل فيكترا 97 والكلام دا سنه 97
ها عاوزين كمان :)
يا محمد باشا الطرق دي انا حافظها بكاميراتها و بكل (شيشه بترول :)) فيها كنت بقفل الامبير مرتاح .اقتباس:
اقصى سرعة كانت 160 كم /ساعة على طريق أبوظبي - دبي بس ده تعتبر سرعه عااادية لان الطريق مسموح بيه لحد 140 وفيه ناس بتمشي على 180 و 200
بس انا ملتزم 140 - 150 مش بذود عن كده
و لعلمك الطريق دا داخل حدود ابو ظبي مسموح معاك ل 160 و من اول حدود دبي مسموح 140 فقط و دا عن تجربه.اي خدمه :)
انا انا بتاع كونتاكت ايام الكيا ريو اللي عملت انقلاب في المنتدي هناك لما قولت ان رخصتي اتسحبت بالريو على 192
وقالولي بطل هجص ودي تنعر وتجيب اخرها لو جابت 160
وواحد فاكرة قوي لما قاللي باللفظ (لييييه هيا مرشيدس)
ها ها ها
وماسكتوش الا ما وريتهم الصور
اقصى سرعة جبتها والله مش فاكر
بس اثبت عربية سوقتها في حياتي كانت مرسيدس 94 موديل E230I
ودي بتنزل مواصفات خاصة للطرق المصرية وقليلة شوية
220 جايبهم بيها ولا كاني سايق على 120
عربيتي الكرولا الحالية موتورها ما بيجبش اكتر من 180 هيا طاقتها كدة ومش بتزيد عن كدة الا بتعديلات بقي فلتر هواء على بوجيهات على شكمان محترم وممكن قدام شوية اعمل كدة اصلها لسة زيرو
--------------------
اوننا السسينا بتجري بس ثباتها وحش ولما جبت بيها قبل كدة 160 كنت حاسس انها هاتتقلب
واحنا عندنا في الشغل عربيات سيينا كتير بتاعت المشاوير والماموريات واكتر عربيات جبناها اتقلبت في تاريخ الشركة
هاهاههااقتباس:
وواحد فاكرة قوي لما قاللي باللفظ (لييييه هيا مرشيدس)
قريت التعليق دا فعلا و ضحكت عليه موووت لانه مش عارف يكتب اسمها :)
185k.m lancer 1.6 model 2008 old shape alex cairo road
مش عاوز ضحك
انت عاوزين الصراحه وانا مش هقول غيرها
اقصى سرعه سوقت بيها
احم...60 كم\ساعه:D
اصل انا متهور جدا وقلبى ميت:rolleyes:
العربيه الماسوف على شبابها كانت 128
الاحساس : و الله مش فاكر بس اكيد كنت حاسس بحاجه هى ايه ؟الله أعلم :rolleyes:
وكل سنه وانت طيبين
لأ ال 128 دي اخرها 80 وبترقص :D
160 بهيونداي اكسيل على طريق السويس
كنت شايل 4 غيري فكانوا مثبتين العربية شوية
اصلي كنت بجري ورا ابن عمي علشان انا عارف
انة لو غاب عن نظري مكنتش هشوفة تاني:(
سؤال بس ياجماعة
انتوا ازاى بيجلكوا قلب تزودوا لبعد 120 كم/س
يعنى المفروض الواحد يكون واخد باله من أخطاء الغير أو مفاجآت الطريق أو انفجار الاطار ومع السرعات اللى انتم كاتبينها 140 و 160 و 180 مش هتقدر تسيطر على عربيتك
وربنا قال ولا تلقوا بأيديكم الى التهلكة
أنا عن نفسى فى الشاهين و النوبيرا مابزودش عن 120 كم/س والوالد كذلك
لان الطرق عندنا فى مصر مش معمولة للسرعة ده اولا
وثانيا (( أخطـــاااااااء الغير )) المفاجئة ركزوا ياجماعة على النقطة دى
وربنا يسترها معانــا دايمــا يارب
بالـ 127 اقصى سرعة .....
واخدين بالكم بقول سرعة ......
كانت 107 ك في طريق القاهرة الاسكندرية الصحراوي ,
ودا كان بسبب منزل في الطريق ,
و بعدها لقيت كمين و سحبوا الرخصة :) :) :)
و باللانوس اقصى حاجة 130 و مش عارف ازود علشان مسافرتش بيها و دا على الدائري .
لكن بعربية واحد قريبي جبت 170 ك .
170على طريق القهره -الاسكندريه الصحراوي بال504 موديل 75
على فكره احساسي ساعتها
كنت حاسس اني طاير
255km/h with volvo v70 2007model 2,400cc on high way from norway to sweden:)
and 235km/h with bmw325i from cairo to alex in 2001
and 185km/h with peogout 306 sport editin in oslo too 1800cc
and i will try my new mazda5 2000cc turbo diesl soon
أنا شخصيا بالـ 128 الله يمسيها بالخير جبت 145 و و الله كانت مكلبشة في الارض و ثابتة و زي الفل بس مقدرتش ازود عشان حسيت الموتور هينط برا العربية
الريجاتا 155 على طريق القاهرة بورسعيد
معلش بقى سؤال رغم
ايه هى السرعه القصوى للعربيه؟الى بنقراها فى الكتالوج بتاع العربيه(مثلا 185كم/س)
يعنى العداد بيجى عند السرعه دى بيقف ولا ايه؟ ولو بيقف ...فى ناس بيقولو احنا قفلنا العداد ؟
ومعلش على المداخله الغلط
لا يا باشا لو العربية مكتوب فى الكتالوج انها اقصى سرعة 190 مثلا حتلاقى العداد اخرة 200 - 220 كدة يعنى متلاقيش ان اخر سرعة العربية هى اخر العداد بس فى ظروف خاصة تخليك تقفل العداد مثلا كان الهواء معاك و كنت نازل منزل كدة يعنى او عامل تعديل فى العربية
انا اقصى سرعه كانت 190 بعربيه سبيرو موديل 94 الله يمسيها بالخير و كان على طريق العين السخنه و كان معايا 4 في العربيه