-
يا جماعة انا بقول نفس الى انتم بتقولو بس لكل منا اسلوبة انا بقول انهم فى المرحلة الاولى عاوزين الى يتعامل معاهم يعنى يشرح ويخلى بالة طويل عشان الاطفال مش بيفهم من ابويهم ابدا وبيفهمى من الاغراب لاسف دة يمكن عشان بيخافو شوية من ابويهم المهم مرحلى kg وما بعدها محتاجين ام متعلمة وبتعرف تقرى وتكتب عربى وانجليزى وانا كلامى عن الغير جامعة هو كلامى عن النوذج السابف يعنى متكنش لا تقرى ولا تكتب واقول انها متدينة مثلا لا لا لا التعليم مهم جدا فى الجواز مش كدة ولا اية
-
انا شايفة ان صعب فى الزمن اللى احنا فيه يحصل تكافؤ بين اتنين مختلفين فى المستوى التعليمى مش عشان حد احسن من التانى لا سمح الله
بس خلينا نشوف مستوى التعليم الجامعى دلوقت هباب للاسف وعليه مستوى التعليم المتوسط هبابين خاصة مع النظرة المتخلفة للتعليم الفنى اللى بتخلى كتير من الشباب يدخلو لمجرد انه مضطر وده وضع خاطىء بس ظروف بلدنا كده فبقت الفجوة اكبر يعنى اى حد فى العشرينات جامعى لو جيت قاعدت مع واحد او واحدة من سنك تعليم فنى هاتلاقى فروق فى التفكير تخليكو اصحاب لكن عشرة وجواز لا ماظنش على عكس زمان كان ممكن يحصل التوافق ده
-
نوووووووو - واااااااااااااااااااااااا ااااااااااى
-
لأ مش ممكن .
الا لو تفكيرها عالي اوي و دماغها حلوة و مستواها الاجتماعي عالي
ممكن افكر
-
تعليقا علي كلام الاعضاء الافاضل
ايوا التعليم الجامعي بيفرق في حاجات كتير جدا جدا .....
و نادرا ما حتلاقي واحده اجتماعيا متوافقة معاك و هي لم تكمل دراستها الجامعية
اذا كان الجامعيين ملهومش فاللحلاااااااااح اساسا يبقي الي معاهم ثانوي حيبقوا ايه !
-
طبعا اه اوافق
فيه حاجات كتير اهم من الشهاده
ويعنى الى دورو على الشهاده اخدو ايه
الست ست
اهم حاجه الراحه النفسيه والتوافق مش حقولك الحب
-
في خريجات جامعية أجهل من الجهل، المهم ان يكون مخها نضيف و عندها استعداد تتعلم و ثقافة عامة و تكون ملمة بالدنيا اللي حواليها
الكلام ده سواء جامعية او لأ
-
فى الايام السوده دى
خد واحده مش جامعيه قاعده فى بيتهم مابتخرجش الا بالعافيه ومعاها حد
احسن ماتاخد واحده جامعيه قعدت اربع سنين فى الجامعه كل سنه تمشى مع واحد ولا اتنين وشافت اكتر من اللى انت شوفته يمكن
وانت عارف احنا شوفنا ايه
-
ومال الجواز بالشهاده الجامعيه بس !!
هو احنا هنتجوز و لا هنعمل دراسات عليا مع بعض ..
-
والله الموضوع محتاج تحليل شويه , وهو انه هناك اسس لاقامه حياه زوجيه ناجحه , بمعني انه لو انا رجل او امرأه و ارغب في تكوين حياه اسريه ناجحه يجب ان تتوافر في ومن سأرتبط به شروط و صفات معينه , من او لها التوافق الاجتماعي و الثقافي و حسن التربيه و الخلق , يتبعها الصفات الشخصيه مثل القدره علي تحمل المسؤوليه و التضحيه
بعض الشيء و العفو و التسامح ....الخ , و بلاش نصدق كلام الأفلام العربي بتاع ان العامل يتجوز بنت صاحب المصنع و الكلام الفاضي ده , لان ده ضد الطبيعه الانسانيه التي تتطلع للارتقاء و التقدم , و هذا حاشا لله ليس تكبر او نظره طبقيه او احتقار لاحد , و لكن سنه الحياه ان الناس تكون طبقات و اللي عاوز يطلع لطبقه اعلي يجب عليه الاجتهاد المشروع للوصول اليها و ليس التسلق و الزيف الكاذب , لان كل طبقه ليها نسقها القيمي و الثقافي المختلف عن الأخري و افضل الوسائل و اسلمها لضمان الانتقال لطبقه اعلي و ضمانا للصحه النفسيه و عدم حدوث تشوهات نفسيه و عقد يصعب علاجها هي الوصول بالاجتهاد الذاتي و التعب , يعني انا لو راجل حرفي مثلا وشايف ان امكانياتي اكبر من كده و عايز ابقي دكتور جامعه مثلا , يبقي الحل اني ادرس عشان اوصل الي ما ابتغي مع التسلح بالايمان بالله لان هذا اجتهاد مشروع احله الله طمعا في امتلاك اسباب العزه و القوه طالما في الخير , و ليس الحل اني اروح ازور شهاده جامعه و امثل اني دكتور و اضحك علي دكتوره جامعه و اجوزها مثلا عشان تبقي البوابه للدخول لهذه الطبقه التي اتمناها !!! لان هذه العلاقه ستصبح علاقه مشوهه و سبل غير مشروعه للوصول للهدف لا يباركها الله لأنها غش و نصب و تدليس !!!. و حتما ستنتهي بالفشل الزريع و ان كان لهذه العلاقات ان تستمر فسوف تستمر و ابطالها ممياوات بلا روح و كلما طالت المده كلما كان التشوه اكبر و التدمير اشد !!!
من هذا المفهوم ننظر لموضوع الزواج بمن هم اقل من مستوانا التعليمي , لو نظرنا للتعليم علي انه احدي المميزات الثقافيه للشخص يعني يندرج تحت بند التوافق الثقافي في شروط الزواج , الأول نشوف الطرف الذي / التي نريد الارتباط به , و نشوف سجل كام درجه من الشروط التي ذكرناها , و نضرب مثل لو انا رايح اتقدم لواحده ووالدي دكتور في التأمين الصحي مثلا و امي مدرسه و ابوها موظف كبير في التأمينات الاجتماعيه مثلا و امها موظفه معاه و كلا الأسرتين يسكنوا في نفس الحي او المنطقه , وطبعا انا اعرف اخلاق و تربيه البنت انها كويسه و التي هي انعكاس لأخلاق اسرتها , بس الحلو ما يكملش , البنت معاها معهد سنتين او ثانوي تجاري !!! كارثه .
الحل الموضوعي العقلاني اني اشوف السبب الذي لم يجعلها تكمل تعليمها , فجاوبت ان والدتها كانت وقت ما كانت البنت بتدرس في 3 اعدادي جالها مرض عضال و اضطرت نظرا لحبها لوالدتها و ارتباطها بها ان تمرضها طوال فتره العلاج نظرا لانها البنت الكبري و اخواتها صغيري السن , و رغم توبيخ والدها لها و ارغامه ان يتولي مسؤوليه تمريض والدتها اثناء تواجده بعد العمل او الراحات الرسميه و انها يجب الالتفات لدراستها طوال فتره تواجده , الا انها لم تستطع التركيز نظرا لارتباك حاله المنزل ماديا و معنويا و بالتالي لم تستطع ان تتحصل علي مجموع يؤهلها لدخول الجامعه !!!! و انه الان بعد استقرار الأحوال تسعي للحصول علي شهاده جامعيه !.
اعتقد ان واحده زي دي تنطبق عليها شروط الزواج الناجح , فهناك توافق اجتماعي و تربيتها الحسنه و تحمله المسؤوليه و التضحيه الا ان شرط التوافق الثقافي لم ينطبق عليها , لكن الذي يشفع لها انه رغما عنها .
نفس السيناريو بس رد البنت كان مختلف ! جاوبت لما سألتها( انها شايفه ان التعليم الجامعي ما لوش لزمه و ان ابوها نفسه كان مؤهل متوسط و ساوي بالجامعه في الشغل و مرتبه زاد شويه , و ايه يعني ما احنا زي ما احنا مفيش حاجه زياده , يبقي اتعلم و اتعب نفسي و آخد حته ورقه , ده حتي انا ابو صاحبتي عنده مصنع و مشغل ( تحت منه) بكالوريوسات و هو بيفك الخط و يا ريتهم فالحين ده يفضل يهزق فيهم عشان يتعلموا , ( العلم في الراس مش في الكراس ) .) طبعا بعد الرد ده ما ينفعش اني اكمل ليه .؟ لان الشرط الثقافي مش متوافق لان في اختلاف جذري , و الاختلاف ده لو حصل ارتباط بينكم سيتحول لصراع لان هي في قراره نفسها تدرك جيدا ان التعليم الجامعي يعود علي صاحبه بالخير الا انه نظرا لانها انسانه لا تتحمل المسؤوليه و بتستسهل الأمور و لا تريد ان تتعب نفسها بل بالعكس تحاول ان تضحك علي نفسها بالأمثله الي ذكرتها عن ابو صاحبتها و ذكرها لفظه ( تحت منه) لتدل عن مدي حقدها تجاه الجامعيين الذي استطاعوا للوصول الي لم تستطع هي الوصول اليه . يبقي كده هتبق علاقه غير متكافئه , و مهما حاولت او تقنع نفسك انك ممكن تغيرها بعد الزواج فده شبه مستحيل لان دي ثقافه بل بالعكس قد تتحول لصراع بينكم و المعبد يتهد علي ساكنيه .
الخلاصه زي ما ذكرنا , ان اركان الزواج الناجح لها شروط اولها ان يكون الطرف الراغب بالارتباط يرغب في تكوين علاقه ناجحه تستمر , و بالتالي يبحث عن شريك لديه نفس الرغبه , و بعد ذلك يبحث عن المرحله القادمه و هي اولا التوافق الاجتماعي و الثقافي , يليه حسن الخلق و التربيه و التدين الصادق بغير تظاهر , يليه الصفات الشخصيه التي تؤهل الشخص للركوب في قارب الزواج و هي تحمل المسؤوليه و التضحيه بعض الشئ و التسامح و الصفح ...الخ . اذا حدث عدم توافق في الشرط الثقافي باعتباره شرط مرن ينبغي دراسته بتمعن لانه قد يكشف حقيقه الشخصيه و سماتها الحقيقيه . دي وجهه نظري , و ارحب بالمناقشه و الاختلاف .
Content Relevant URLs by
vBSEO 3.6.0 PL2