الحمد لله من شهر اتخلصت من عقدة الكوري و جبت نيسان صني مستعملة ، بس بصراحة احسن من اي كوري ركبتها ( دايو ، كيا ) بس موضوع السيور قالقني ، عرفت ان سير الكاتينة جنزير فهل دا مبيتغيرش خالص ؟؟؟؟ و لا حتي بيتعملوا صيانة ؟؟؟
عرض للطباعة
الحمد لله من شهر اتخلصت من عقدة الكوري و جبت نيسان صني مستعملة ، بس بصراحة احسن من اي كوري ركبتها ( دايو ، كيا ) بس موضوع السيور قالقني ، عرفت ان سير الكاتينة جنزير فهل دا مبيتغيرش خالص ؟؟؟؟ و لا حتي بيتعملوا صيانة ؟؟؟
انا من رأيي حضرتك انك تشوف العربية عاملة كام كيلو و تروح تعملها صيانة في التوكيل علي الكيلوات الموجوده في العداد عشان تكون بتسوق العربية و انت واثق من نفسك ان العربية مش هتعمل حاجه في الطريق
طبعا بيتغير انا محتاج اغيره بس بعد 112 الف كيلو وعلى حدخبرتى المفروض يتغير كل 80 الف كيلو
سير الكاتينه الجنزير لا يتم تغييره الا اذا عمل صوت عالى جدا وواضح وانا بعت عربيتى الصنى القديمه موديل 99 وهى عامله 281 الف كم بدون تغيير سير الكاتينه الجنزير ودى ميزه كبيره فى الصنى عن الانسر ( اللى لازم كل 40 الف تغير سير الكاتينه بتاعها والا تبقى مهدد بان العربيه تجيب صبابات )
الخلاصه
لو العربيه عامله اكتر من 150 الف كم روح اعمل صيانه فى التوكيل واكشف عليه للاطمنان فقط لاغير
الصوت المقصود موش ارتفاع فى صوت الموتور ولكن الجنزير ده شبه جنزير العجلة شوية وهو جديد بيبقى مشدود مع الوقت بيترخى شويه فبتسمع صوت شبه صوت الشخشخة الناتج عن دوران الجنزير ده وهو مرخى وفى الغالب موش هتعرف تميز صوته غير لما يتغير وتحس بفرق صوت الموتور كان فى حاجة كانت بتعمل صوت وبطلت وممكن تشترى عربية وتمشى بيها فترة طويلة وتبعها من غير ماتغير جنزير الكاتينة بس فى المقابل الجنزير اامن من سير الكاتينة الكاوتش على الرغم من ان الكاوتش صوته اهدى
على فكره الصوت دا بيكون واضح على السلانسيه وانت فاتح الكبوت بيكون عباره عن نئرزه فى الموتور وهو معايا من سنه ولابيزيد ولابيقل . محتار اغير السير ولا لما الصوت يعلى قوى
الجنزير مبيتغيرش غير لما يعمل صوت زي"تكتكه "كده بيبان ع السلانسيه
وفي ناس بتشده وتسيبه لأنه جنزير مبيقطعش