جنزير الكاتينة بيتغير و لا

**essamfarid** · 30-09-2010 03:06 PM

الحمد لله من شهر اتخلصت من عقدة الكوري و جبت نيسان صني مستعملة ، بس بصراحة احسن من اي كوري ركبتها ( دايو ، كيا ) بس موضوع السيور قالقني ، عرفت ان سير الكاتينة جنزير فهل دا مبيتغيرش خالص ؟؟؟؟ و لا حتي بيتعملوا صيانة ؟؟؟

**Bishoy.Girgis** · 30-09-2010 03:20 PM

انا من رأيي حضرتك انك تشوف العربية عاملة كام كيلو و تروح تعملها صيانة في التوكيل علي الكيلوات الموجوده في العداد عشان تكون بتسوق العربية و انت واثق من نفسك ان العربية مش هتعمل حاجه في الطريق

**aboamr** · 30-09-2010 06:59 PM

طبعا بيتغير انا محتاج اغيره بس بعد 112 الف كيلو وعلى حدخبرتى المفروض يتغير كل 80 الف كيلو

**noon_eg** · 01-10-2010 10:20 AM

سير الكاتينه الجنزير لا يتم تغييره الا اذا عمل صوت عالى جدا وواضح وانا بعت عربيتى الصنى القديمه موديل 99 وهى عامله 281 الف كم بدون تغيير سير الكاتينه الجنزير ودى ميزه كبيره فى الصنى عن الانسر ( اللى لازم كل 40 الف تغير سير الكاتينه بتاعها والا تبقى مهدد بان العربيه تجيب صبابات )

الخلاصه
لو العربيه عامله اكتر من 150 الف كم روح اعمل صيانه فى التوكيل واكشف عليه للاطمنان فقط لاغير

**essamfarid** · 02-10-2010 11:45 AM

المشاركة الأصلية كتبت بواسطة noon_eg

سير الكاتينه الجنزير لا يتم تغييره الا اذا عمل صوت عالى جدا وواضح وانا بعت عربيتى الصنى القديمه موديل 99 وهى عامله 281 الف كم بدون تغيير سير الكاتينه الجنزير ودى ميزه كبيره فى الصنى عن الانسر ( اللى لازم كل 40 الف تغير سير الكاتينه بتاعها والا تبقى مهدد بان العربيه تجيب صبابات )

الخلاصه
لو العربيه عامله اكتر من 150 الف كم روح اعمل صيانه فى التوكيل واكشف عليه للاطمنان فقط لاغير

العربية ماسية 230 الف و الصوت بعلى فوق rmp 2500 لكن تحت كدة مفيهاش صوت تقريبا

**mahmoud5777** · 02-10-2010 12:05 PM

المشاركة الأصلية كتبت بواسطة essamfarid

العربية ماسية 230 الف و الصوت بعلى فوق rmp 2500 لكن تحت كدة مفيهاش صوت تقريبا

الصوت المقصود موش ارتفاع فى صوت الموتور ولكن الجنزير ده شبه جنزير العجلة شوية وهو جديد بيبقى مشدود مع الوقت بيترخى شويه فبتسمع صوت شبه صوت الشخشخة الناتج عن دوران الجنزير ده وهو مرخى وفى الغالب موش هتعرف تميز صوته غير لما يتغير وتحس بفرق صوت الموتور كان فى حاجة كانت بتعمل صوت وبطلت وممكن تشترى عربية وتمشى بيها فترة طويلة وتبعها من غير ماتغير جنزير الكاتينة بس فى المقابل الجنزير اامن من سير الكاتينة الكاوتش على الرغم من ان الكاوتش صوته اهدى

**noon_eg** · 02-10-2010 04:03 PM

المشاركة الأصلية كتبت بواسطة mahmoud5777

الصوت المقصود موش ارتفاع فى صوت الموتور ولكن الجنزير ده شبه جنزير العجلة شوية وهو جديد بيبقى مشدود مع الوقت بيترخى شويه فبتسمع صوت شبه صوت الشخشخة الناتج عن دوران الجنزير ده وهو مرخى وفى الغالب موش هتعرف تميز صوته غير لما يتغير وتحس بفرق صوت الموتور كان فى حاجة كانت بتعمل صوت وبطلت وممكن تشترى عربية وتمشى بيها فترة طويلة وتبعها من غير ماتغير جنزير الكاتينة بس فى المقابل الجنزير اامن من سير الكاتينة الكاوتش على الرغم من ان الكاوتش صوته اهدى

كلام مضبوط 100% اوافقك عليه تماما

**aboamr** · 03-10-2010 12:32 AM

على فكره الصوت دا بيكون واضح على السلانسيه وانت فاتح الكبوت بيكون عباره عن نئرزه فى الموتور وهو معايا من سنه ولابيزيد ولابيقل . محتار اغير السير ولا لما الصوت يعلى قوى