ازاي واحد يلف عربية هدية؟؟؟ نرجو سرعة الردود

**Eng.Geo** · 01-10-2010 12:26 AM

المشاركة الأصلية كتبت بواسطة ecybrarian

شكرا يا على الأفكار..بس أنا عندي سؤال خارج الموضوع..ليه الرجالة لما بتكلم عن الرومانسية بياخدو الموضوع بشيئ من الاستخفاف..او نقول الهزار؟!!!!!

يمكن حضرتك تقصدني ؟
كفكرة رومانسية نفسها فأنا لا أستخف خالص
بس في الوضع ده مش رومانسية ولكن مفاجئة
المفاجئة لازم يكون فيها نوع من الحاجة الغريبة اللي لا يمكن تتوقعها
الرومانسية بقي بعد المفاجأة وتجرب العربية وكدة
انما وقت المفاجأة نفسه مينفعش فيه رومانسية ( معلش في اللفظ بحسها شحاتة )

**ecybrarian** · 01-10-2010 12:37 AM

المشاركة الأصلية كتبت بواسطة eng.geo

يمكن حضرتك تقصدني ؟

لا ابدا يا هندسة..أنا باتكلم على العموم..دا وضع عام وليس خاص في الموضوع..أنا آسف لو اتفهمت غلط..وآسف على الخروج عن الموضوع...سيبك انت فكرة العلبتين دول عاجباني..وابقى اعزمنا في المجرة :-)))

**Eng.Geo** · 01-10-2010 12:49 AM

المشاركة الأصلية كتبت بواسطة ecybrarian

لا ابدا يا هندسة..أنا باتكلم على العموم..دا وضع عام وليس خاص في الموضوع..أنا آسف لو اتفهمت غلط..وآسف على الخروج عن الموضوع...سيبك انت فكرة العلبتين دول عاجباني..وابقى اعزمنا في المجرة :-)))

انا اللي اسف
منور المجرة

**sarah5** · 01-10-2010 12:52 AM

فعلا احسن حاجة انه يديها المفتاح في ميدالية شيك بس اهم حاجة انه يكون مفأجاة كده هتفرح اكتر لكن موضوع لف العربية كهدية ده مبيحصلش عندنا في مصر وهيلفت نظر الناس والناس عندنا مابيصدقوا يتكلموا علي اي حاجة وانا لو مكانها مش هبقي عايزة حد يعرف حاجة خاصة زي دي وربنا يوفقهم

**medo_2060** · 01-10-2010 01:02 AM

المشاركة الأصلية كتبت بواسطة shiko85

يعزمها على العشاء فأى مكان و يتفق مع حد معرفه يجيب العربيه الجديده و ياخد عربيته و لما يطلعوا هتبقى مفاجأه ساره جدا

1+
او بسيناريو اخر
يتعشوا فى مكان رومانسى ويكون سايب العربيه الهديه فى بارك المطعم او قريب منه وهما خارجين يديها المفتاح...
بس... معرفش ممكن يغمى عليها ولا حاجه

من غير لف ورود ولا حاجه بس يركنها فى مكان فى اضائه حلوه... لما يكون جايلك عربيه هديه مش هتبص على ورود ولا قلب احمر ولا الكلام دا هتقول فييييييييين المفتاح

**azmeralda** · 02-10-2010 01:45 PM

المشاركة الأصلية كتبت بواسطة funnymickey

واحد ساكن في مجره درب التبانه
حيقول ايه غير كده
افكار فضائي فضائي يعني

افرض طلعت عصبيه ومن اول قفل مصدي راحت مطلعه الطبنجه بقي
وطااخ

يعملوا فيك ايه
:) :)

اسمع بقي
حيشتري عربيه صغننه بالريموت كنترول
ويزوقها عند اي واحد بتاع هدايا ويربط فيها المفتاح
وكارت فيه كلمتين حب

ويخليها في اي اوضه ولا حاجه ويشغل العربيه

حتروح العربيه رايحالها وفيها المفتاح
تقرا الكارت
يغمن عليها
يشيل بقي مش هوا بتاع مفاجات

حلوة فكرة العربية اللى بالريموت كونترول دى

**Soma_Sooma** · 02-10-2010 01:55 PM

المشاركة الأصلية كتبت بواسطة ecybrarian

شكرا يا على الأفكار..بس أنا عندي سؤال خارج الموضوع..ليه الرجالة لما بتكلم عن الرومانسية بياخدو الموضوع بشيئ من الاستخفاف..او نقول الهزار؟!!!!!

ميفهمش ايه معنى الرومانسية الا الشخص الرومانسى وانا كبنت واحط نفسى مكان الزوجة دى هحب انة يقدمها بشكل حلو ملفت دة بالنسبة ليا هيفرحنى قوى اكتر من العربية نفسها تقديم الهدية اهم من الهدية نفسها

ومش هفكر ساعتها فى الناس هفكر فى حبيبى اللى بيحاول بسعدنى الناس كدةكدة بتتكلم هقعد بقى اعقدنفسى عشان فلان وفلانة ولو خايفة لا نتحسد ممكن يعملها فمكان بعيد عن البيت

**mahmoud_afifi** · 02-10-2010 02:13 PM

انا عندي فكره مش بطاله. يجيب ورد ويفرشه في العربيه من جوه وعلى الطابلوه ويكتب ورقه كده في كلمتين حلوين ويحطها على الطابلوه. ويغطي العربيه عشان ماتعرفش نوع العربيه وكمان ماحدش يشوف الي هو عامله (عشان في ناس مش لاقيه عربيه اصلا والحسد يشتغل يامعلم). ويعمل برضه موضوع الميدليه بحرف من اسم مراته او يعمل ميدليه مخصوص مكتوب عليها اسمها. وطبعا مع طريقة تقديم الهديه (دي الي يفرق فيها شخصية صاحب الموضوع).

وربنا يوفقهم ويسعدهم يارب.

**aif** · 02-10-2010 02:23 PM

تجربة شخصية
اول عربية جبتها لزوجتي
اول ما استلمت العربية وطبعا هي كانت مش عارفة اي حاجة
كلمتها ع الموبايل وقولتلها انا جاي دلوقتي .... بصي عليا م البلكونة وقوليلي ايه رأيك في العربية
طبعا هيا فاكراني باتكلم على عربيتي انا .... وتوقعت اني ركبت فيها زينة او حاجة جديدة
وطلعت تنتظر في البلكونة ..... واول ما جيت ع الناصية قدام البلكونة ..... انوار وكلاكسات بقى ....هي عارفة طريقة الكلاكس بتاعي .....مش عاوز اقولكم انها كانت ح تنط م البلكونة ..... مع انها كانت 128 مش زي اللي ف الصورة
لكن لغاية دلوقت مش ناسية اللحظة دي ودايما تفكرني بيها
انت اللي تقدر تختار الطريقة اللي تعجب الشخص اللي ح تهاديه .... اكيد انت عارف هيا بتحب ايه
لكن الفاجأة بتبقى عامل مؤثر جدا في هذه اللحظات

-

الموضوع: ازاي واحد يلف عربية هدية؟؟؟ نرجو سرعة الردود

LinkBack

أدوات الموضوع

عرض

-

-

-

-

-

-

المواضيع المتشابهه

هدية بسيطة لكل اللى معاه e36 وإدعولى أكون واحد منكم

هام جدا..نرجو سرعة ابلاغ الجيش والداخلية قبل تنفيذ هذا العمل الارهابى

قدامي عربية نوبيرا 2004 نرجو الافاده

السلام عليكم...خطوات شراء عربية جديدة.نرجو المساعدة

كوبونااااااااات بنزين هدية على كل قرض عربية

الكلمات الدلالية لهذا الموضوع

المفضلات

المفضلات

ضوابط المشاركة