هل ممكن اى كاسيت يركبلة Aux ؟

**fahd_628** · 19-03-2008 08:36 PM

السلام عليكم

انا عاوز بس اسأل هل ممكن اى كاسيت يركبلة AUX ولا لأ انا الكاسيت الى عندى عتيق شوية بس شغال اسمة Kenwood krc-289

و دية صورتة

انا مش عاوز اجيب كاسيت CD علشان مش عاوز اصرف جامد على العربية علشان فى خطة للتغير عن قريب ان شاء الله

فا عاوز حل بديل غير الأدابتور الى على شكل كاسيت لأنى جبت واحد و الأصول انة نضيف و كان ب 50 جنية و صوتة سئ

و كمان حاجة غير ال FM TR. لأنة شكلة حيبقى صوتة مش حلو برضة

انا عاوز اسمع صوت نقى بس كدة

و شكرا ليكم ! :)

**farahat** · 19-03-2008 09:27 PM

فهد باشا ، لو الكاست بتاعك فيه CD changer ، يبقى أكيد فيه الكونيكتور المدور بتاع توصيل ال-changer ،
في الحالة دي ممكن تستخدم الدخل بتاع الصوت من ال CD على إنه AUX ، و أماكن توصيل الصوت على ال-left وال right ذي الصورة دي ، و طريقة تشغيل ال-AUX نفسه أكد هتلئيهة في المنوال بتاع الجهاز لو عندك (قصدي يعني طريقة انك تخلي زرار ال-source يقلب عليه ذي الراديو والكاسيت )

**fahd_628** · 19-03-2008 09:29 PM

فعلا يا باشا انا عندى Cd Changer Control و حروح لأنى وحد بتاع كاسيت و اخلية يعملو الف شكر انت والله فرحتنى :)

**farahat** · 19-03-2008 11:37 PM

ربنا يوفقك إن شاء الله ، و لو في أي مشكلة أو سؤال أنا تحت أمرك :)

**ahmedateya** · 20-03-2008 01:29 AM

المشاركة الأصلية كتبت بواسطة farahat

ربنا يوفقك إن شاء الله ، و لو في أي مشكلة أو سؤال أنا تحت أمرك :)

اضافة جديدة لمنتدانا العزيز

و اضفت ليا اضافة جديدة برضه و اول مرة اعرف كده

**farahat** · 20-03-2008 11:01 AM

المشاركة الأصلية كتبت بواسطة ahmedateya

اضافة جديدة لمنتدانا العزيز

و اضفت ليا اضافة جديدة برضه و اول مرة اعرف كده

ربنا يخليك يا أحمد باشا ، و احنا تحت أمر المنتدى في أي جديد :)
و ربنا يكتر من الإضافات في منتدانا الجميل دة

**fahd_628** · 20-03-2008 04:37 PM

السلام عليكم

انا النهاردة رحل ل 2 بتوع كاسيت و قالولى حيتكلف 275 جنية قلتلهم لية يعنى دة بتمن كاسيت تمام مستعمل قالولى هوة الوصلة دية غالية

هل الكلام دة صحيح ولا لأ

و ياريت اعرف متوسط السعر بتاع الوصلة دية كام !

و الف الف شكر ليكم

**farahat** · 20-03-2008 06:28 PM

بص يا فهد باشا ، لو الوصلة دي إلي هي الكونفرتر الأصلي بتاع Kenwood هتبقى غالية فعلا ، بس أنا شايف إن ملهاش لازمة ، لو حد شاطر شوية يوصلهالك على socket الموجود فعلا (يعني يعمل هو الوصلة عمولة )
أنا لو أعرف شكلها و مقاسها بالضبط ممكن أعملهالك

**fahd_628** · 21-03-2008 01:12 AM

بص يا فهد باشا ، لو الوصلة دي إلي هي الكونفرتر الأصلي بتاع Kenwood هتبقى غالية فعلا ، بس أنا شايف إن ملهاش لازمة ، لو حد شاطر شوية يوصلهالك على socket الموجود فعلا (يعني يعمل هو الوصلة عمولة )
أنا لو أعرف شكلها و مقاسها بالضبط ممكن أعملهالك

شكرا جدا يا باشا لردك و فعلا هوة قالى هية غالية علشان الأصلية

يعنى اروح لواحد بتاع كاسيت تانى و اقولة يعملهالى ؟ انا مش عاوز اتعبك معايا و كمان انا من الأسكندرية

**farahat** · 21-03-2008 11:33 AM

المشاركة الأصلية كتبت بواسطة fahd_628

شكرا جدا يا باشا لردك و فعلا هوة قالى هية غالية علشان الأصلية

يعنى اروح لواحد بتاع كاسيت تانى و اقولة يعملهالى ؟ انا مش عاوز اتعبك معايا و كمان انا من الأسكندرية

روح لواحد بتاع كاسيت و إسأل على ال-socket نفسه من غير الوصلة (ال-socket بتاع إل CD changer إلي بيركب في الكاسيت ) ، لو لقيت إل-socket دة اشتريه و اشتري وصلت صوت عادية ستريو بتاعة هيدفون (دي إلي هتركب في إل-MP3 ).

وديهم إلاتنين لواحد بتاع كاسيت شاطر و هو يعملهلك و هياخد حاجة بسيطة مصنعية ،( و لو مش عارف التوصيل وريل الصورة إلي بعتهالك قبل كدة )

الموضوع: هل ممكن اى كاسيت يركبلة Aux ؟

LinkBack

أدوات الموضوع

عرض

هل ممكن اى كاسيت يركبلة Aux ؟ - انشر الموضوع فى :

-

-

-

المواضيع المتشابهه

ممكن مساعده فى كاسيت كين وود

ممكن نوع افضل كاسيت كويس يركب مكان كاسيت الانوس بسهولة

هل ممكن اركب كاسيت سى دى بدل العادى فى ال a4

هو الصب لازم يركبلة صندوق

معاي 750 وعايز كاسيت cd ممكن

الكلمات الدلالية لهذا الموضوع

المفضلات

المفضلات

ضوابط المشاركة