السلام عليكم

اولا

انا معرفشي انا كاتب الموضوع في المكان الصح ولا لأ

ثانيا

انا هادخل في المفيد علي طول علشان مطولشي عليكم وبرجاء الافاده

انا النهارده كنت راكن عربيتي في شارع الثوره وكنت راكنها عمودي علي الرصيف والكلام ده كان الساعه 8 ص

الحمد لله رجعت من الشغل الساعه 6 م ولقيت العربيه واقفه موازي للرصيف انا وكام عربيه برده مع ان الرصيف كان كله عمودي بزاويه كده ,

سألت بواب كده كان قاعد قاللي انه لسه جاي وسأل محل قالوله ان الزفت الحكومه خلت العربيات موازي علشان في تشريفه منهم لله

انا عربيتي اوتوماتيك والحمد لله كنت معشقها علي ال n مش p , اخدت لفه حوالين العربيه الاول وملقتشي اي احتكاك او اي حاجه,معرفشي

بصراحه عملوها ازاي بونش ولا ايه؟؟؟ ,ركبتها ومشيت بيها كتير وحاسس ان الفتيس عادي بس في وسوسه رهيبه مش قادر عليها بحس اني

بسمع اصوات والعربيه مبتسحبشي واستهلاك البنزين زاد معرفشي كله كده مره واحده الله اعلم.

ممكن بعد اذنكم حد ينصحني اكشف علي ايه او اروح لمين واقوله ايه العربيه مكملتشي 2000 ك لسه ,حرام

حسبي الله ونعم الوكيل في اللي كان السبب وربنا يردهاله ان شاء الله فيه او في اي حد من اولاده

معلشي انا متعصب شويه بس كنت بقول مثلا لو العربيه كانت متعشقه كان ايه اللي هايحصل وبعدين هاتفرق

في ايه الزفت التشريفه تعدي والعربيات عمودي من موازي انا مش قادر افهم ؟؟؟