مشكلة ف الباور

**Diaby** · 01-10-2010 02:03 AM

السلام عليكم ورحمة الله وبركاته
اولا ومش هطول عليكو انا عندى العربية الباور بتعها تقيل اوى تحس انها من غير باور وسايق عربية لادا بس لما بتمشى بيخف فرحت اول مرة لمكانيكى غيرلى الزيت بتاع الباور ومفيش فرق روحتله تانى قالى المكنة عايزة تتغير فرحت لواحد تانى قعد ف العربية وحرك الدريكيون بص ودور قالى المكنة سليمة طب ازاى قالى لو فيها حاجة كانت صفرت وعملت صوت وانت بتحرك الدريكسيون قالى روح لحداد ينضف لك الاسكاترا ومش عارف يغير ايه فيها فانا معرفش مين الصح فيهم وخايف اجيب مكنة بالشىء الفلانى وتطلع مش منها ولسه مروحتش للحداد فهل الكلام اللى قالو صح
وكمان يا جماعة انا عندى الدريكسيون مش مظبوط يعنى لو جبته ف النص بالظبط العربية تحود شمال لازم اجيبه ناحية اليمين شوية حوالى 20 درجة فكنت عايز اعرف اوديها لمين وهيعمل فيها ايه

**cayman69300** · 01-10-2010 02:13 AM

روح عند واحد عفشجى محترم
و عادى جدا انك ممكن تشترى طرمبة باور او اسكاترة او اى حاجة و لو طلع العيب مش منها يبقى ترجعها تانى
دة لية لانك بتشترى استيراد مش جديد
لكن لو اشتريت قطعة غيار جديدة و اتركبت يبقى كدة اتشربت و بالهنا و الشفا
اما بالنسبة لحودة الدركسيون اللى بتكون فارقة 20 درجة دى عادى جدا و هتتظبط معاك من الراجل بتاع الزوايا بعد ما تعمل شغل العفشة بتاع الزوايا يظبط الزوايا و يظبطلك الطارة بتاع الدركسيون على العدل
و يا ريت تقولنا السبب اية و بكام و اجرة الباشمهندسين كام علشان نتعلم من حضرتك و نكتسب خبرة
و ربنا يكرمك

**rompo10** · 01-10-2010 03:13 AM

مكنه باور ياباشا ماتصرفش كتير وتلف كان عندي نفس المشكله

**فادى محمد** · 01-10-2010 12:24 PM

الاسكاترا ملهاش دعوه ..انا شاكك في مكنه الباور ,اما عوجه الطاره فبسبب كاوتش الاسكاترا .2 كاوتش مصمتين كده ومش شبه بعض بيركبوا علي العمودين بتوعها .

**tananybasha** · 01-10-2010 10:57 PM

ضغط مكنة الباور ضعيف
و مبيعلاش الا لما تعلى السرعه بتاعت الموتور
غير الطرمبة

**Diaby** · 02-10-2010 03:32 PM

المشاركة الأصلية كتبت بواسطة tananybasha

ضغط مكنة الباور ضعيف
و مبيعلاش الا لما تعلى السرعه بتاعت الموتور
غير الطرمبة

والله ممكن يا باشا ليه لأ ومتشكرين ع المعلومة يا طنانى باشا

المشاركة الأصلية كتبت بواسطة islambana

مكنه الباور ضغطها ضعيف
واتأكد كمان ان خراطيم الباور عندك اصليه مش مكبوسه لان الخرطوم بتاع الباور بتاع الفيكترا بي لو مكبوس هيخلي الدريكسيون تقيل
علي فكره مكنه الباور جديده ب900 جنيه واستيراد في حدود 300 الي 350 جنيه
وخرطوم الضاغط ب300 اسيتراد وب350 جديد برازيلي
والراجع ب125 استيراد
وعلبه الدريكسيون من 600 الي 800 اسيتراد
(اسعار العفشه كلها اهي اي خدمه ياباشا )
شوف عفشجي كويس وقولنا ايه الاخبار

ههههه والله مش عارف اودى جمايلك فين يا اسلام باشا
طب بجملة الكلام محدش يعرف عفشجى كويس هنا ف اليكس

**islambana** · 02-10-2010 07:07 PM

المشاركة الأصلية كتبت بواسطة med

والله ممكن يا باشا ليه لأ ومتشكرين ع المعلومة يا طنانى باشا

ههههه والله مش عارف اودى جمايلك فين يا اسلام باشا
طب بجملة الكلام محدش يعرف عفشجى كويس هنا ف اليكس

المشكله مش في العفشجي الكويس المشكله بجد انك تلاقي حد عنده قطع غيار اوبل استيراد نمره واحد واسعاره حلوه عندك

**tananybasha** · 02-10-2010 11:00 PM

يا عم العفشجى موجود
بس هات انت الحاجة

-

-

الموضوع: مشكلة ف الباور

LinkBack

أدوات الموضوع

عرض

مشكلة ف الباور - انشر الموضوع فى :

-

-

-

-

-

-

المواضيع المتشابهه

مشكلة في الباور

مشكلة الباور

مشكلة فى سير الباور !!!

مشكلة الباور فى 505

مشكلة في الباور

الكلمات الدلالية لهذا الموضوع

المفضلات

المفضلات

ضوابط المشاركة