عاوزة حد يعمل لي مقارنة بين اسعار قطع غيار البيكانتو والi10

**A.Saad** · 01-10-2010 07:16 PM

المشاركة الأصلية كتبت بواسطة nonetta

شكرا يا اخي تعبتك معايا بس فعلا اسعار نار وخراب بيوت الواحد بيجيب عربية صغيرة عشان تبقى اقتصادية بس كدة جنان خالص
يعني انت لما قارنت المقارنة كدة بقت لصالح البيكانتو
اه

طيب هيا عاملة ايه معاك مريحاك وايه نقط الضعف اللي فيها والعفشة بتاعتها عاملة ايه انا قريت هنا عالمنتدى بيقولوا انها ناشفة

اغلب العربيات الغيرة عفشتها ناشفة علشان تديها ثبات
بنتغلب على الموضوع ده شوية باننا نملا العجل نيتروجين
ده بيقلل الاحساس بالعفشة الناشفة شوية
عشان ان شاء الله لو ربنا راد وجبتها هتكون سيادتك مرجع ليا دة بعد اذنك يعني
دى مسئولية وامانة وربنا يوفقنى واكون قدها
والتوكيل والصيانة الدورية نظامها ايه؟
التوكيل الحمد لله كويس حتى الان
مقارنة بغبور
المهندس خالد فاروق فى ابورواش هو مدير الصيانة ومش بيحيب ان الفرع يقصر مع الاعضاء فى حاجة
القطامية looly136 العضوة معانا بتذلل عقبات كتير فيه
روكسى ابعدى عنه
قطع الغيار موجودة فى كذا مكان بس مش كتير للاسف
فيه قطع غيار بتجى بالطلب وده برده فى غبور

ياريت تنقل لي خبرتك معاها دة لو ما كانش فيها تتقيل عليها
العربية شافت منى بهدلة
انا مشىدلوقتى بقى دائرى ومحور وصحراوى اسكندرية
وحسب احوالهم زحمة ولا كوييسن
السرعة : ممكن تجيبى لحد 140 عادى
المشكلة انها فى الاول وانتى واقفة بتحسى انها بتجمع السرعة ببطء شوية
جايز لصغر الموتور
المقارنة فى نفس الفئة
ال I10 نفس الشاسيه والمحرك كمان قريب جدا
اللانوس والفيرنا
قطع غيار ارخص بس تكنولجيا وشكل قديم
اللوجان : جايز الميزة فيها الفرامل لانها اشد من البيكانتو ، لان انا من النوع اللى بيحي فرامل تكلبش اول ما تفكرى تدوسى
واى سؤال تانى تحت امرك
بس انتى عايزة خليجى ولا توكيل
لو توكيل ممكن اساعدك فى الحجز

**A.Saad** · 02-10-2010 03:25 AM

المشاركة الأصلية كتبت بواسطة nonetta

ياريت والله يا استاذ انا تعبتك معايا انا رحت انهاردة اوتو سمير ريان عشان اتفرج عالعربيتين واحسم امري والله الشكل الجديد 2011 روعة احلى من الi10
بس ما لقيتش معروض الفاضية اللي انا عاوزاها لقيت الفول اوبشن والاوتوماتيك والخليجي اللي بصراحة كانت رهيبة بس الاتوماتيك وكانت ب80000
انا هاجيب اللي على ادي الفاضية قال لي انها ب61500 وهيحسبهالي على 61000 وكنت اتصلت بواحد من التوكيل قال لي ب61000
انا الفلوس هتكمل معايا على اخر الشهر ان شاء الله واروح احجز على طول لو حضرتك تعرف حد ممكن يسهل لي اي حاجة يبقى كتر خيرك
متشكرة جدا لتعبك معايا

لا مفيش تعب

انصحك لوتقدرى تجيبى اللى فيها تكييف
لان اى كماليات تانية ممكن تركب بعدين
لكن التكييف صعب
وفعلا فى الزحمة فى الحر بيفرق كتير