عرض للطباعة
السلام عليكم ورحمة الله
مشكلتي يا رجاله ان الفتره دي بطبع ورق كتير اوي :8954[1]::8954[1]:. وعندي طابعه اتش بي جيت فبضطر كل شويه اروح اعبي الحبر الاسود تاني :fun_36_3_4[1]:
فانا قريت على النت ان الواحد ممكن يشتري حبر اسود ماركه نضيفه زي باركر مثلا ويعبيه فيها :11::11:؟؟؟ فمش عارف حد عنده فكره انا خايف تكون تكوين الحبر نفسه يختلف بعدين يحصل مشكله في الطابعه :O_stupid[1]::O_stupid[1]:, لو مينفعش ممكن الواحد يشتري حبر مخصوص للطابعه ويعبيه:colsmil::colsmil: ؟؟؟؟
ياريت أسمع تجاربكم وشكرا ليكم
الحبر هتشتريه من بتوع صيانة الطابعات و ملء الحبر و كده. حبر الطابعة ال ink jet سائل طبعاً و مش عارف الكيلو الأسود بكام و هتحقنه بسرنجة. كان عندي طابعة انك جيت من 9 سنين بس الله يرحمها
ممكن تنزل شارع الخليفة المأمون أمام سوق العصر هتلاقي محلات لحبر الطابعات فقط واحد منهم اسمه "أحبار اليوم" :POINTIy2[2]:
رأيي الشخصي لو هتطبع كميات كبيرة + من غير ألوان يبقى تجيب طابعة ليزر لأن تكلفة تشغيلها أقل + اعتمادية أكثر
هاحكي لك تجربتي الشخصية اشتريت طابعة HP 1005 ليزر من اللي كانت منتشرة جداً من سنة و 4 شهور و طبعت بالكارتريدج الأصلي بتاعها أول مرة حوالي 700 ورقة و بعد ما خلص رحت لواحد صاحبي يملاها قدامي، بعدين طبعت حوالي 1100 صفحة فأحرجت أروح لصاحبي تاني لأنه مش هياخد فلوس
رحت اشتريت نصف كيلو حبر (حبر بودرة) و بدأت الشغل
لاحظ أني حسبت تكلفة ملء الكارتريدج بنفسي بيكلف 4.5 جنيه في المرة الواحدة
في حين أن أقل واحد برة بياخد 30-35 جنيه و ماتعرفش عمل إيه (هل ملأه للآخر؟ هل استبدل قطع غيار؟هل هيرجع لك في الميعاد اللي اتفقت عليه؟)
في ثالث مرة احتجت أعمل تنظيف للكارتريدج من الداخل و اتعرفت على مكوناته و ضبط و وظيفة كل حاجة فيه و مع الوقت أنا و واحد صاحبي عملنا تعديل في الكارتريدج الأصلي كمان عشان يتقل الحبر أكتر (الكتابة أصبحت بارزة و تحسها بإيدك)
و لتسهيل عملية الملء فقط (لو مش محتاج تنظيف من الداخل) عملنا فتحة في الكارتريدج من برة :E_braces[1]:
في مرة اتخدش جزء داخل الكارتريدج اسمه الدرم rotating drum و غيرته لوحده بـ 50 جنيه من عند بتوع الصيانة
بعدين اشتريت كيس كيلو حبر ب، 90 جنيه و قسمته أنا و صديقي و شغال بيه لحد دلوقتي
مع الوقت احتجت أعمل تزييت لبعض أجزاء الطابعة نفسها من الداخل (عشان صوت تزييق خفيف) لكن احذر التزييت لو مش عارف بتعمل ايه في مقولة بتقول resist the urge to oil your printer
صاحبي اشترى كارتريدج جديد تقليد بـ 170 جنيه خلصه بعدين استعمل مكوناته كقطع غيار للأصلي، و الأصلي كان بـ 320 جنيه
المحصلة:
طبعت كمية ورق و كتب طبية كاملة (وش و ظهر طبعاً) تكفيني سنين قدام و عرفت مطبعة بتجلد الكتب hard cover بشكل احترافي و رخيص (8 جنيه للمجلد حتى 1000 صفحة ، و 10-14 جنيه لو هتكتب على الكفر بالمذهب)
طبعت بنفس الكارتريدج الأصلي من يوم ما اشتريته 12376 صفحة :8954[1]:
http://img811.imageshack.us/img811/3762/photo854.jpg
منا مشكلتي فعلا الكتب الطبيه وللاسف انا موجود بره مصر ومش عارف الحبر اللي هشتريه ده هجيبه منين هنا . شكرا ليك يا باشا
هتلاقي لو انت في بورسعيد، أنا اشتريت من الزقازيق قبل كده موجود عند بتوع الصيانة و الطابعات بس اسأل
اقتباس:
المشاركة الأصلية كتبت بواسطة abo_hosni
يا باشا ربنا يخليك على تعبك انا حاليا في السعوديه ومش عارف هنا ممكن الواحد يجيب الحبر منين كل اللي اعرفه الناس اللي بتعبي دي وهما هنا كام واحد فاكيد مش هيديوني الحبر اللي بيعبو بيه ده :I_angr1[1]::I_angr1[1]:
هتلاقى هناك المصريين والهنود بيملو حبر بس خلى الواد يجرب يطبع بية علشان ساعات بيبجبوا نوع بيسيح على الورق
يعني يا رجاله حبر الاقلام زي الباركر مثلا ما ينفعش ؟؟؟
انت استاذ و رئيس قسماقتباس:
المشاركة الأصلية كتبت بواسطة abo_hosni
يا ريت تفيدنا من خبرتك بشوية معلومات اكتر
يعنى منين البودرة او اسمها ايه لان انا فى الفترة الحالية لا اسافر القاهرة كثيرا
و يا ريت لو صور للعبوة
و صور للتغيير
و يا سلام لو فيه فيديو
منتظرينك :b4_033:.
الحبر البودرة هتشتريه من بتوع الأحبار و صيانة الطابعات، هو مش نوع أو ماركة معينة بس هما بيبقوا كاتبين عليه hp. يباع بالكيلو و في منه أكياس و زجاجات بلاستيك. انت ادخل على البياع قول له "عايز نص كيلو حبر ليزر بتاع hp" في نفس واحد و بسرعة :)
آخر مرة اشتريت كان الكيلو بـ 90 جنيه و زي ما قلت لك تقريباً الكمية اللي بتطبع 1000 ورقة حسبتها بحوالي 4.5 جنيه
هتحتاج قمع صغير عشان تملأ بيه الحبر (ممكن تعمل ورقة قرطاس)
دي الطريقة اللي عملتها عندي و عند 3 أصدقائي توفيراً للوقت لو ناوي تملأ حبر بس من غير تنظيف الأجزاء الداخلية، و عملت الفتحة في نفس المكان باستخدام سكينة حامية (مسخنة على النار للاحمرار) و بعد ما تملأ تقوم قافل الفتحة بشكرتون نوع محترم و كان الله بالسر عليم
بعد مرة أو مرتين من إعادة ملء الحبر هتلاحظ على الورق المطبوع أعراض معينة معناها أنك محتاج تنظف الكارتريدج من الداخل (بالعربي هباب على أجناب الصفحات)
يعني محتاج تفك الكارتريدج لو قلبك جامد و مرة في مرة هتتعود على الموضوع و تعرف تنظفه و تضبطه صح زي ما انت عايز
[youtube]http://www.youtube.com/watch?v=1eUhHa9wzJQ[/youtube]
حضرتك نوع الطابعة أية الأول للأنك قولت جيت من غير ما تحدد إنك جيت ولا ليزر جيت عموماً لو إنك جيت بتروح أي محل مستلزمات طباعة ومكن تصوير وصيانة وهتسألة على علب حبر إنك مان Ink Man ودي شركة كورية عملاقة لصناعة الأحبار ودة موقعها على النت Inkman - Toner Cartridges and Ink Cartridges at Inkman
أنا كنت بطبع كتير وأشتريت الحبر من محل بيع مستلزمات الكمبيوتر وماكينات التصوير جبت الأربع ألوان الأساسية ومفيش غيرهم ( أسود - أزرق - أحمر - أصفر ) .
السر بقى هنا مش الحبر السر في طريقة أستخدام الحبر عشان تملى الكارتريدج ودي الخطوات الأساسية :
1- هتدور على الكيت المخصصة لملأ الحبر حسب نوع الطابعة وهتلاقيها في محلات مستلزمان الطباعة يعني بتختلف لو أتش بي أو كانون أو أي ماركة تانية والكيت دي بتبقى عبارة عن جسم بلاستيك وفي آخره قطعة كاوتش عشان تملأ الحبر بشكل جيد .
2- أفتح الصفحة دي هدية مني ليك فيها طريقة ملأ الحبر لكل نوع مكنة بالكود بتاعها بأسمها بكود الكارتريدج بكل حاجة والمفاجأة أنه فيه شروحات باللغة العربية حاجة كدة زي المانيوال بتاع الأجهزة الجديدة اللي بتشتريها يعني شرح مبسط الصور وكمان هتلاقي شرح بالفيديو لكل نوع يعني هتفهم الطريقة هتفهمها www.InkTec.com أتبع التعليمات بدقة وهتلاقي أنك لازم متملاش الحبر أكتر من كمية معينة حسب حجم الكارتريدج وهتلاقي أنك بتملاً الحبر ببطء ولازم ما ينزلش منك حبر كتير برة الكارتريدج والأهم أنك بالحقة اللي هتملا بيها هتسحب من الكارتريدج حوالي 1 سم من الحبر القديم لتحسين جودة الطباعة ودي نقطة مهمة جداً .
الخلاصة هات باكيتات الحبر الأربعة وهات الكيت بتاعة المكنة بتاعتك وأدخل على الموقع وأختار نوع الماكنة ونوع الكارتردج وأتبع التعليمات والنتيجة رائعة وفعلاً دي خلاصة تجربة 4 سنين مع مكن الطباعة ولولا كدة كان زماني فلست من أستغلال المحلات بتاعة أعادة ملأ الحبر .
نسيت أقولك أسعار باليتات الحبر وهي 55 جنيه لكل باليته والباليته 500 مللي يعني شوف في السعودية هتبقى في الحدود دي ويمكن أرخص على أساس ان مستلزمات الكمبيوتر عندهم أرخص من عندنا بنسبة بسيطة يعني تلاقيها على 40 ريال الواحدة وأتأكد من أنها متبرشمه وأتأكد من تاريخ صلاحيتها .
أيوة كده! :S_thum1[1]: بقى عندك معلومات عن إعادة ملء طابعات الليزر و الإنك جيت. أحسن ما كل مرة تروح لحد يملاها لك و تضيع وقت و فلوس
الف شكر ليك يا AshTurbo بجد انته جبت من الاخر في موضوع الاحبار . وبعدين تطلع البتاعه ب 55 جنيه يعني حوال 37 ريال وانا لسه ماليها ب 30 ريال !!!!!
ابو حسني شكرا على معلوماتك عن الليزر وطريقه تعبيتها , الاموضوع ده بقه متكامل شكرا يا رجاله