No Way
:beatdeadhorse5:
عرض للطباعة
No Way
:beatdeadhorse5:
كلام سيادتك بيايد كلامي! قانون المرور هوا نقطه رقم 1 بس بدون نقطه رقم 2 ملهوش لازمه!
أنا اقولكوا انا وجيراني عملنا ايه... الشارع تحت البيت كان اتملى زبالة لدرجة انها قربت توصل للدور الاول
اجرنا لودر وعربية نقل بمبلغ محترم جه شال الزبالة كلها... بس ده مش الحل لأن الناس الزبالة كانت اتعودت ترمي الزبالة في المكان ده.... الحل اتنين غفر صعايدة اقفال من اللي أأمر تطاع اياً ما كان الأمر (مش بتريق والله بس هما فعلاً كده ونفعونا ربنا يباركلهم في صحتهم) كل واحد فيهم بيشتغل شيفت 12 ساعة... ولو شاف حد بيرمي زبالة بيجري وراه يضربه... وانا شخصياً قلتله لو نزلت لقيت زبالة في الشارع اليوم ده عليك (كنت بديله فلوسه باليوم) ولو نزلت بالليل لقيتك نايم بالسلامة برضه اليوم ده... يومين او تلاتة وبالسلامة ترجع بلدك وييجي الف غيرك نفسهم يشتغلوا اي حاجة في القاهرة
وقد كان.. كمية ناس انضربت ستات ورجاله ودكاترة ومهندسين وعمال وفلاحين.. وكله يرمي الزبالة ياخد بالشومة ويشيل زبالته ويمشي... الحمد لله الشارع فل دلوقتي.. وقدمنا طلب في الحي وجم سفلتوه كمان عشان الريحة
قانون المرور فيه بندمخالفة للى يرمى مخلفات من العربية
تسلم و الله كلامك هو اللي علي بالي بالظبط
يا ريت يا جماعة نبتدي بنفسنا و اللي حوالينا و لما نتصلح اكيد البلد حتتغير ، و زي ما بيقولوا مشوار الالف ميل يبدأ بخطوة ، المهم لا نيأس بسرعة و افتكروا اننا في جميع الاحوال حناخذ ثواب من عند الله علشان النظافة من الايمان و كمان احنا بنبعد الاذي عن الطريق
يا ريت يا جماعة نطلع من المناقشات دي بقرار و ننفذ حاجة بدل ما نعمل زي القادة العرب اللي بقالهم سنين بيشجبوا و خلاص
ارجو من كل واحد يشارك او يقرأ انه يبتدي بنفسه و يعمل الاتي :
1- مايرميش حاجه من العربيه
2- يرمي الزباله في الصناديق بس او بمعني اصح في مكان و احد في الشارع
3- نشجع كل اللي حوالينا
و يا ريت اي حد عندة حاجة زيادة يقولها و انا اول واحد حاعملها علشان بلدنا تنظف شوية:E_braces[1]:
كلام حضرتك سليم لو عايز منظومة للبيوت
طيب نعمل ايه لسلوك الافراد في الشارع :
1- رمي المخلفات من السيارات و هي ماشيه
2- انا شفت موقفين قريب من مواقف كثيره كان هاين عليه امسك اللي عملوها اضربهم ، الاول واحد شكلة ابن ناس و بيشرب قزازة ميه معدنيه و فجأه رماها في وسط عربيات راكنة و الثاني في رمضان واحد هندي والا باكستاني رمي علبة كشري في وسط الشارع ، ما هو لو شايف اهل البلد نضاف عمره ما كان حيعمل كدة و اللي يتف في الشارع و حاجة تأرف
صدقني البلد بقت مقلب زبالة كبييييييييييير مش بس من زبالة البيوت اللي مش بيلموها من البيوت و لكن من زبالة المشاة و راكبي السيارات
يا جماعة معظم الناس ملتزمة ونفسها فى النظافة ... لكن نعمل ايه مع الحكومة اللى بتاخد على فانورة الكهرباء 5 جنيه على الأقل للزبالة وبرغم كده بندفع كمان للزبال ؟؟؟
لما ادفع 5 جنيه شهرياً غصب عنى واشوف عربية الزبالة بتيجى مرة واحدة كل شهر بعد تكوين جبل الزبالة حول الصندوق ... ويا ريتهم بيشيلوها كلها
وفى نفس الوقت اشوف شوارع تانية عمال النظافة بيكنسوها بفرشاة البلاط والشوارع بتلمع من النظافة با حس انى باخد على قفايا من الحكومة النظيفة دى