دلوقتى أنا بفكر فى شراء شقه فى حدائق الاهرام وكنت عايز رأيكم فى كام سؤال كده
- ايه اخبار المنطقه كسكن عائلي هل هى آمنه؟
- ايه اخبار المرافق هل هى متوفره ام لا
- افضل منطقه فى حدائق الاهرام
- أسعار المتر كامل التشطيب أو نصف تشطيب
- هل يوجد مدارس على مستوى علمى وأدبى مناسب واسعارها مناسبه (يعنى متوسطه أو فوق المتوسطه بشويه)
- هل يوجد مكان أفضل من حدائق الاهرام وفى نفس الفئه السعريه
عفوا لو اسئلتى كتير بس انا فعلا محتاج منكم القول الفصل فى الموضوع ده.
أيه يا شباب 15 واحد شافوا الموضوع
ولا واحد عنده رد يفيد بيه أخوه !!!!!!!!!!!!!
بص ياباشا حدائق الاهرام مدينه جميله جدااا وبن خالتي اخد شقه هناك وكنت بدور هناك من فتره كبيره بس مش عارف الاسعار هناك دلوقتي بس اخر حاجه شوفتها كانت 1800 للمتر بس خلي بالك هناك مناطق ومناطق يعني هتلاقي سماسره هناك هيقولك تعالي المتر 1300 وكمان 1100 للمتر تروح هناك في منطقه محدش بيشتري فيها اسمها منطقه الضغط العالي جنب الضغط علي طول والاسعار جنبها في الارض عشان محدش بيرضي بيها وانت اوعي تاخد جنب الضغط برضه عشان غلط لكن بشكل عامه هي منطقه جميله وبدأت تتطور ويكون فيها خدمات كتير
دي معلوماتي فقط
ألف شكر لاهتمامك وانا بالفعل فى ناس كتير نبهونى على منطقه الضغط العالى دىاقتباس:
المشاركة الأصلية كتبت بواسطة meero_boy2000
لان والعياذ بالله بتكون سبب رئيسى فى الاصابه بمرض السرطان
شكرا للمعلومه يا استاذ ميرو
اشتريت هناك ولا لأ لان انا كنت عاوز اشتري ومتردد؟
اخويا ساكن هناك وعايز يسيبهااقتباس:
المشاركة الأصلية كتبت بواسطة tamer2020
مفيش جراجات والأرض مش ممهده ومفيش غاز
لكن بالنسبه لأماكن كتير هي افضل
و افضل منطقه في الحدائق هي البوابه الأولى بس هتكون اغلى في السعر
مدينه مستقبلها ممتاز
فيها مستويات كتير و كلها فلل و اسكان فاخر وصلت نسبه اببناء فيها 70% وده معناه انها هتسفلت كلها فريب جدا
فيها غاز فى بعض المناطق و هيوصل للمادينه كلها هى اقرب منها لكمبوند بس على واسع شويه العمرات كلها اهالى بس قمه فى الشياكه فيها 4 بوبات و بيعملو فيها 2 كمان يعنى 6 بوبات من اول اكتوبر لحد ميدان الرمايه
كان فيه منقصه من شهر على بناء سور كامل لها
كامله المرافق ياعنى فيها ميه و نور و صرف صحى و نسبه فيها غاز و هيوصل للباقى بعد كل كومبندات حدائق اكتوبر لسه مفهاش اى مرافق
فيها مدارس انترناشونال
اغلى شارع فيها شارع الثوره المعدنيه و شارع الجيش و ارخص منطقه منطقه الضغط العالى
المتر فيها بيبدا من 1200 واجهه و 1100 فى الضهر كاش و فيها قسط على سنتين او 3 حاسب المالك ده المتوسط فيه متر بيوصل 2000 جنيه و فيه متر ب 3000 كمان
مستقبلها جامد جدا و خصوصا بعد متسكن كلها و تتسفلت
فيها نسبه سكان كبيره و فيها مولات و فيها اسواق
الشوارع مكسره شويه بس ده علشان المعدات التقيله و توصيل الغاز
فيها بعض التجوزات ياعنى مفروض هى كولها 4 و جراج فى ناس طلعت 6 لاكن قليل
فيها مسحات خضراء كتير
هى السكن المناسب لاى حد ساكن فى الهرم و فى فيصل و فى اكتوبر و قريبه من الدائرى جدااااااا و من مصر الفيوم كمان
ده كل الاعرفو عنها معتقدش فيه حاجه بنفس المميزات فى سعرها و اعتقد لو دخلت مدينه الفردوس هتشوف الفرق بنفسك و تعلرف ان حدايق الاهرام افضل كتير
عيوبها بقا فيها تكاتك فيها نسبه عمال كتير لاكن لما تخلص مش هيكونو موجودين
فيها عيوب اى مدينه تحت الانشاء لاكن بتتقدم بسرعه
انا شايف انها صفقه رابحه لاى حد عايز يبتدى حياتو شرط انو يكون عندو عربيه
بصراحة انا شايف انها منطقة غالية علي الفاضي وانا مازلت بمر بفيصل والهرم والرماية سواء وانا داخل او وانا خارج
انا مش ساكن فيها ولكن كنت شغال فيها لمدة سنتين ونص والكلام دة كان من 6 سنين
هي اتعمرت اكتر دلوقتي لكن ساعة لما سيبتها في 2006 بصراحة كنت شايفها بيئة جمب التجمع الخامس ومليانة ناس معاها فلوس ومعندهمش ثقافة
الخدمات فيها قليلة جدا لعدم السماح بممارسة الأعمال التجارية في المنطقة السكنية
عاملة زي المتميز في اكتوبر ممكن تلف ساعة ونص بالعربية عشان كيس سكر او باكو شاي
محصلي الكهرباء علي سبيل المثال هيسيبك بال6 شهور ومرة واحدى يلسعك في مبلغ وقدره الا لو ساكن في منطقة أ او ب هيجيلك كل شهرين
دة رأيي الشخصي من وجهة نظري
تقبل مروري
والله المستعان
،
،