الموضوع: أيه رايكم فى حدائق الأهرام كسكن عائلي أرجو المشورة

أيه يا شباب 15 واحد شافوا الموضوع
ولا واحد عنده رد يفيد بيه أخوه !!!!!!!!!!!!!

بص ياباشا حدائق الاهرام مدينه جميله جدااا وبن خالتي اخد شقه هناك وكنت بدور هناك من فتره كبيره بس مش عارف الاسعار هناك دلوقتي بس اخر حاجه شوفتها كانت 1800 للمتر بس خلي بالك هناك مناطق ومناطق يعني هتلاقي سماسره هناك هيقولك تعالي المتر 1300 وكمان 1100 للمتر تروح هناك في منطقه محدش بيشتري فيها اسمها منطقه الضغط العالي جنب الضغط علي طول والاسعار جنبها في الارض عشان محدش بيرضي بيها وانت اوعي تاخد جنب الضغط برضه عشان غلط لكن بشكل عامه هي منطقه جميله وبدأت تتطور ويكون فيها خدمات كتير

دي معلوماتي فقط

المشاركة الأصلية كتبت بواسطة meero_boy2000

بص ياباشا حدائق الاهرام مدينه جميله جدااا وبن خالتي اخد شقه هناك وكنت بدور هناك من فتره كبيره بس مش عارف الاسعار هناك دلوقتي بس اخر حاجه شوفتها كانت 1800 للمتر بس خلي بالك هناك مناطق ومناطق يعني هتلاقي سماسره هناك هيقولك تعالي المتر 1300 وكمان 1100 للمتر تروح هناك في منطقه محدش بيشتري فيها اسمها منطقه الضغط العالي جنب الضغط علي طول والاسعار جنبها في الارض عشان محدش بيرضي بيها وانت اوعي تاخد جنب الضغط برضه عشان غلط لكن بشكل عامه هي منطقه جميله وبدأت تتطور ويكون فيها خدمات كتير

دي معلوماتي فقط

ألف شكر لاهتمامك وانا بالفعل فى ناس كتير نبهونى على منطقه الضغط العالى دى
لان والعياذ بالله بتكون سبب رئيسى فى الاصابه بمرض السرطان
شكرا للمعلومه يا استاذ ميرو

مدينه مستقبلها ممتاز
فيها مستويات كتير و كلها فلل و اسكان فاخر وصلت نسبه اببناء فيها 70% وده معناه انها هتسفلت كلها فريب جدا
فيها غاز فى بعض المناطق و هيوصل للمادينه كلها هى اقرب منها لكمبوند بس على واسع شويه العمرات كلها اهالى بس قمه فى الشياكه فيها 4 بوبات و بيعملو فيها 2 كمان يعنى 6 بوبات من اول اكتوبر لحد ميدان الرمايه
كان فيه منقصه من شهر على بناء سور كامل لها
كامله المرافق ياعنى فيها ميه و نور و صرف صحى و نسبه فيها غاز و هيوصل للباقى بعد كل كومبندات حدائق اكتوبر لسه مفهاش اى مرافق
فيها مدارس انترناشونال
اغلى شارع فيها شارع الثوره المعدنيه و شارع الجيش و ارخص منطقه منطقه الضغط العالى
المتر فيها بيبدا من 1200 واجهه و 1100 فى الضهر كاش و فيها قسط على سنتين او 3 حاسب المالك ده المتوسط فيه متر بيوصل 2000 جنيه و فيه متر ب 3000 كمان
مستقبلها جامد جدا و خصوصا بعد متسكن كلها و تتسفلت
فيها نسبه سكان كبيره و فيها مولات و فيها اسواق
الشوارع مكسره شويه بس ده علشان المعدات التقيله و توصيل الغاز
فيها بعض التجوزات ياعنى مفروض هى كولها 4 و جراج فى ناس طلعت 6 لاكن قليل
فيها مسحات خضراء كتير
هى السكن المناسب لاى حد ساكن فى الهرم و فى فيصل و فى اكتوبر و قريبه من الدائرى جدااااااا و من مصر الفيوم كمان
ده كل الاعرفو عنها معتقدش فيه حاجه بنفس المميزات فى سعرها و اعتقد لو دخلت مدينه الفردوس هتشوف الفرق بنفسك و تعلرف ان حدايق الاهرام افضل كتير
عيوبها بقا فيها تكاتك فيها نسبه عمال كتير لاكن لما تخلص مش هيكونو موجودين
فيها عيوب اى مدينه تحت الانشاء لاكن بتتقدم بسرعه
انا شايف انها صفقه رابحه لاى حد عايز يبتدى حياتو شرط انو يكون عندو عربيه