بص يا بااشا السوبر فيورا 950 سي سي و 5 غيار
الفيورا بتكون 903 سي سي
عرض للطباعة
بالنسبة لرأيي المتواضع في العربيه أنا شايف انها الأصلح لشوارع مصر المحروسه .. معاك هيه مش فخمه ومفيهاش اي وسائل رفاهيه وزي الميداليه جنب الباقيين .. بس عمليه جدا جدا .. تركنها في أضيق مكان .. استهلاكها في البنزين معقول جدا .. قطع غيارها بخمسه جنيه وعشره وخمستاشر .. في اي مكان بتلاقي اكسسواراتها وقطع غيارها حتى اني حاسس اني هلاقيها عند البقالين .. اي صنايعي يعرف فيهم .. شكلها لذيذ .. دمها خفيف وسواقتها سهلة جدا وخاصة للمبتدىْ زي حالاتي كده .. وبعدين لوخبطتها متزعلش عليها قوي لأن سمكرتها بسيطه ورخيصه .. متهيألي دي أسباب منطقيه علشان احبها
وجهة نظري انها افضل من ال 128!
العربية ملمومة ومش بتفتح في الشاسيه زي ال 128 ولكن لاتصلح لشوارعنا بس حنعمل اية !!
قطع غيار حلوة مع ان الفيورا غالية شوي في قطع الغيار مش زي ال 128
المرايات الاصلي مش موجودة
والعربية سابقة لوقتها نازلة بعداد ديجتال للبنزين وساعة ديجتال وشكلها افضل مليون مرة من 128
عشان كدة بدور علي واحدة نضيفة
بس هية ضيقة شوية ؟
العربية ظريفة و ديناميكية بس المشكلة انها بقالها أكتر من 20 سنة ومحتاجة صيانة والصنايعية في مصر كلهم فهلوية وبتوع اشتغالات.
مثلا عربيتي بتقطع بقالها شهر غيرت البوجيهات و فلتر البنزين ونضفت الكاربيرتير ولسه بتقطع. انهارده غيرت الابلاتين و الكندنسر اتحسنت شوية بس حاسس ان مش ده السبب. المشكلة مفيش حد تفكيره منظم يطلع العيب فين من غير ما تقعد تغير حاجة حاجة و تجرب.
أظن ان العداد الديجيتال ده في السوبر فيورا مش في الفيورا ..
اةةةة فعلا في السوبر
طيب وساعة السقف موجودة في الفيورا ولا ؟
انا قلت رأيي على أساس ان عندنا هنا في المنصوره النوع ده يعتبر منتشر جدا جدا والصنايعيه محترفين 127 وفيه عربيات شفتها معمول لها شغل واضافت خرافه حتى ان شكلها بقى عامل زي الجولف والمرسيدس السبور ( صيغة مبالغه) .. ولو عايزين تجربوا ممكن تتفضلوا عندنا وتشوفوا .. وفيه شارع بالكامل زي شارع عبد العزيز كده متخصص في بيع قطع غيارها وبأسعار ممتازه
يا ريت يا باشاا صورر لو سمحت ويا ريت كمان لو تعرف منتدي اجنبي متخصص في الفيورا
برضه ساعة السقف دي في السوبر .. وبعدين دي كلها اضافات غير مؤثره في السياره او بمعنى أدق ممكن الأستغناء عنها