ماهو الفرق بين الدبرياج السلك والدبرياج الباكم ؟

**sherif_84** · 20-03-2008 12:49 AM

بسمع كتير عن دبرياج سلك أو دبرياج باكم وكنت عايز أعرف الفرق بينهم
وهل دبرياج الشاهين والنوبيرا سلك ولا باكم
وجزاكم الله خيرا ( :

**Xpert** · 20-03-2008 08:55 AM

ده شغال علي سلك .. و ده شغال علي باكم ....
اللي شغال علي سلك .. (افتكر و دور علي التوبيك اللي كنت شارح انا فيه طريقه عمل طقم الدبرياج ده) هاتلاقي ان فيه فٌرش .. الٌفرش بيدوس علي الدسك .. و الدسك بيفصل الحركه ...
ايه اللي بيدوس علي الفُرش؟ (fork) بس عادي .. انت عارف الشعب المصري لازم يفتكس في الاسم .. المهم .. لفرش ده بياخد الحركه عن طريق دواسه الدبرياج ..
طب ايه اللي بيوصل الحركه من الدبرياج للفرش ؟
يأما سلك واير راكب جوه جراب لونه غالباً اسود (اصلي شفت منه ازرق و حاجات دلع كده)
يأما نظام باكم و ده بيبقي شغال بنظام 2 دبرياج واحد تحت و واحد فوق .. انت بتدوس دربياج تضغط الزيت في اللي فوق .. الزيت يمشي مضغوط في المواسير .. يدي للماستر اللي تحت و هوه بالتالي يفصل الحركه
الدبرياج الباكم بيبقي اطري من السلك ..
دبرياج الشاهين علي سلك (علي حد علمي ) ..
بعدين انا ملاحظ ان انت اللي بتتعب و تسأل في القسم التعليمي اسئله الشرح المطول ... انت مابتقفش مع الميكانيكي و هوه بيصلحلك عربيتك ولا ايه :D

**sherif_84** · 20-03-2008 04:04 PM

ياباشا مشكور مشكور والله على الرد ربنا يخليك
وعموما انا بقف مع الميكانيكى وكل حاجة بس لفت نظرى وانا بتصفح الورشة حكاية الدبرياج السلك والباكم انما لما كنت مع الميكانيكى ماجاش فى بالى السؤال ده
وعموما لو مش عايز أسأل أسئلة مطولة خلاص أبقى أسأل الميكانيكى وابقى اسأل هنا الاسئلة المختصرة

**Xpert** · 20-03-2008 06:01 PM

نيهيهيهيهيه لاء سيب الميكانيكي الغلبان احسن يروح ينتحر ههععععع
اسال براحتك و احنا اللي مش عاجبنا مش هانجاوب عليه :d قصدي هانفيدك باللي نقدر عليه .. ;)

**hazem_khidr** · 20-03-2008 06:03 PM

جري ايه يا عم اكسبرت ما تسيب لنا حاجه نقولها يا جدع :)
كل ما اخش اجاوب سؤال الاقيك بتجاوب :)
بهزر معاك ما تزعلش.
بش يا شريف زي كا اكسبرت قالك كده.
الباكم بيبقي عامل زي الفرامل بالضبط و بيتحط ليه زيت باكم و ليه خزنتين و بيتاخد ليه هوا زيه زي دواسه الفرامل.

**Xpert** · 21-03-2008 12:53 AM

بس خلاص .. انا زعلت ههه بهزر طبعاً .. ههه
الراجل عاوز يفهم يا جدع .. بنفهمه العربيات ماشيه ازاي ;)

**SEATLOVER** · 21-03-2008 01:00 AM

ما نقفل بقى القسم التعليمى بالقفل و نخلى المفتاح مع expert
مفيش فايدة ...
مفيش فايدة ...
مفيش فايدة

:D:D:D

مش عارفين نقول كلمة مرة الاول فى القسم دةةةةة من من الراجل دة ..يا ساتر ..ههههه :D

**mohamed ibiza** · 21-03-2008 01:09 AM

اكسبرت ده راجل كفاءة هو بيقفل علينا صحيح بس برضه بنستفيد ده راجل بيمر كفاءه يعني ادي يا بيمر ادي يلا و اوعي تهدي ههههههههههههه

Ibiiiiiiiiiiiiiiiiiiiiiiiizzzzzzzzzzzzzzzzzzzzzzzz zzaaaaaaaaaaaaaaaaaaaaa For Ever