وعليكم السلام ورحمه الله وبركاته ...اهلا بيك يا هندسه ..
الفيكترا مصنفه كسياره عاءليه زات طابع رياضي فهي صالون واسع وشكل جميل وموتور حمول جدا جدا وقطع غيار متوفره جديد واستيراد ومعمره وابدا مش غاليه ..
الموديلات من 96 الي 2003 اسمها فيكترا بي (الفراشه)
=الجي ال اس كامله مانوال موتور 1600 سي سي 74 حصان موتور كامه واحده والموتور ده حمار شغل ونادر الاعطال انما طلعه العربيه بيه تقيله شويه لحد سرعه 60 وبعد كده انساة
=السي دي كامله اوتوماتيك موتور 2000 سي سي تقريبا 101 حصان كامه واحده موتور قوي جدا بس استهلاكه شويه ملحوظ في البنزين
=السي دي اكس كامله اوتوماتيك +كماليات جباره عاوزه موضوع لوحدها كراسي كهربا-سخانات للكراسي والمرايات -طي المرايه كهربا-نظام حمايه ضد السرقه-شاشه اعطال 4 سطور-حساسات لكل شئء حتي ميه المساحات -فتحه سقف طبعا كهربا-والاهم من كده موتور ايكوتك وده جيل جديد من المواتير الموفره للبنزين (ايكونوميكال تكنولوجي) 2000سي سي 137 حصان 2كامه علويه موتور جبار صاروخ جري
بالنسبه للمانوال الماتور ماتغيرش من 96 الي 2003 -الاوتو من 96 الي 99 اللي هو 101 حصان كامه واحده -الاوتو من 2000 الي 2003 نازل ايكوتك اللي هو 137 حصان ..مبلغ ال50000 يجيبوا جي ال اس حلوه وبصراحه العربيه دي معايا وممتازه ويارب اكون افدتك
المفضلات