هو احنا لازم نثق فى اى اخ ميكانيكى من اعضاء المنتدى ثقة عمياء

**roaahim** · 01-10-2010 11:15 PM

بس هو دة مجرد سؤال وياريت الاجابة تكون بشفافية وشكرا للجميع

**bishoy02010** · 01-10-2010 11:19 PM

لأ طبعا مش المفروض بس لو فيه عضو انته عارفة معرفة شخصية او قديم فى المنتدى ومعروف من زمان اكيد مش هيقول على حد حلو وهوه وحش وهكذا فبمنتهى البساطة إيه اللى مش هيخليك تثق فى كلامة ؟؟؟

**omaroof** · 02-10-2010 03:45 AM

المفروض انك لا تثق فى اى حد الا بعد الاحتكاك
والمفروض برضه ان اى ميكانيكى تابع للنايل موتورز لازم حايبقى احسن من كتير من الميكانيكيه اللى بره وحايعملك شغل ممتاذ باسعار منافسه لانه المفترض انه حايخاف على سمعته فى المنتدى وبما اننا اعضاء فى منتدى واحد يبقى ليه حق الاولويه احسن ماتروح عند ميكانيكى ماتعرفوش وبتبقى نسبة النصب عليك عاليه جدا

**بحري** · 02-10-2010 06:28 AM

مفيش حاجة اسمها ثقة عمياء في أحد بغض النظر عن المجال
وأعضاء المنتدى هم من عامة الناس..منهم ومنهم..فلماذا نخص أعضاء المنتدى بمزيد من الثقة التي تصل إلى أن تكون عمياء
عضو اليوم قد يوقف غدا وقد يطرد نهائيا كما حدث ويحدث
العبرة هنا بالتجربة ومعرفة الإنسان على حقيقته وطبيعته بعيدا عن التجمل المرسوم على صفحات الإنترنت