الموضوع: ناوى افك تانك البنزين افيدونى

السلام عليكم ورحمة الله وبركاته
انا ان شاء الله ناوى افك تانك البنزين علشان انظفه وفيه تقريبا خرم صغير علشان دايما بشوف نشع خفيف من تحته بس مفيش تنقيط وهلحمة بمادة الارنديد وده عباره عن انبوبتين فيهم مادتين واحده بيضه وواحده سودا بيتخلطوا ببعضهم ويلحموا الحديد وانا لحمت خرم كان ظاهر قدامى فى التانك والحمد لله زى الفل المهم انا دلوقتى اول مره افك التانك طبعا فيه اكيد ناس هتقول يا عم دى كل الحكاية 10 ولا 20 جنيه وتروح لميكانيكى وتريح بالك انا المشكلة عندى انى فى منطقه فيها 2 ميكانيكية شغالين بالفهلوة ولا فاهمين حاجه وممكن يبوظلك ويقولك هى كانت كده وجربتهم كتير فانا مجبر دلوقتى اعمل الموضوع ده بنفسى واللى ناوى اعمله ان شاء الله هو :
1 - افك الكويل اللى رابط زور التانك بفتحة التموين وافك سلكتين العوامه وخرطوم البنزين
2 - افك الصواميل بتاعه الحامل بتاع التانك من قدام وورا
3 - انزل التانك واغسلة كويس بالبنزين او بالميه واسيبه ينشف خالص فى الشمس
4 - اشوف مكان التسريب واصنفره كويس وانضفه واحط عليه اللحام واركب التانك
عاوز اعرف بقه هل فيه حاجه تانيه بتتعمل وازاى اظبط العوامه بتاعة البنزين علشان عندى بايظه
وبيقولوا ان المفروض التانك ما يدخلوش هوا ازاااااااااى علشان انا مش فاهم الموضوع ده خالص
وجازاكم الله كل خير واسف على الاطاله