ايهما افضل الأكسنت ام السيفيا !!

يا جماعه ارجو الأفاده ده اول موضوع ليا فى المنتدى و ارجوكم بلاش تكسفونى :11:


انا بعد ما بعت الفيات 124 الله لا يرجعها ايام بقى معايا 40 الف و محتار بين الأكسنت 1500 موديل 2000 ولا السيفيا 2002 وانا بصراحه ممكن ازود و اجيب السيفيا اوتوماتيك و ده حلم حياتى بس واحد صاحبى و بصراحه بثق فى رأيه جدا جدا لخبرته الجباره فى العربيات ما شاء الله قالى ابعد عن اى كورى اوتوماتيك علشان عيوب الفتيس كتييير و هاضطر انى اغيره او اغير فى حاجات كل فتره !! انا بصراحه كل اللى اتمناه منكوا تقولولى رأيكو عن تجربه لو سمحتوا علشان انا مش اقادر اتنازل عن السيفيا الأوتوماتيك بصراحه شايفه هاترايحنى جدا و ياريت تركزوا على نقطه مهمه انى عاوز عربيه تكون معمره و رخيصه فى قطع الغيار و تستحمل السفر و مش كل يومين اروح لميكانيكى بيها !!

ارجو الرد للأهميه !

هات سيفيا مانيول

طيب ياريت تقولى المزايا اللى تخلينى اختارها بدل الأكسنت !!!

ايه يا خبراااااااء المنتدى مفيش حد يقولى تجربته مع السيفيا او الأكسنت ولا ايه !!
انا بصراحه لغاية دلوقتى مستقر على السيفيا مانيوال بس مفيش اى افاده من حد مجرب !!!!!

انا لو مكانك اختار الاكسنت علشان

منتشره و محبوبه
سهله البيع
قطع غيار متوفره و رخيصه

الاكسنت عربية ممتازه

انا ارشحلك السيفيا مانيوال بصراحة عربية محترمة و تقفليها حلو و سحبها كمان جامد فهتريحك فالسفر و مع التكييف كمان اما الهيونداى انا راكب اكسيل العربية حلوة و كل حاجة بس ثبات منعدم و لازم ايدك فيها عشان متعملش معاك مواقف بايخة اما بصراحة قطع الغيار فالكورى كلو رخيص جدا و موجود ف كل حتى بس الاكسنت قطع غيارها ارخص من السيفيا بس السيفيا انا شيفها ركوبة احلى و برستيج اعلى من الاكسنت و نصيحة بلاش الاوتو فالكورى التسعينات و اوائل الالفينات كلو عيوب الا ما رحم ربى زى النوبيرا كدا و مشاكل الاوتو بتاعها

نسيت اقولك لو فى امكانية تزود من 5 الى 10 هات لانسر كرستيالة
بدون تفكير فيها كل اللى انتا عايزو قطع غيار رخيصة - حمارة شغل - كلو بيفهم فيها - بتبيع نفسها - ثابتة و مريحة فالسواقة احسن بكتير من السفيا اوتوماتيك

سيفيا طبعا...اكبر احسن شكل افضل وثابته عن الاكسنت

طيب انا كده شايف ان كل الناس اجمعت على السيفيا المانيوال و انا بصراحه مقتنع بيها جدا بس يا رب تطلع حماره شغل علشان انا خايف من النقطه دى و ربنا يكريمنى

أنا ركبت 2 عربية سفيا أوتوماتيك وماكانش عندي فيهم أي مشاكل ومن أحسن العربيات ,,,على الطريق ثابتة لحد 180 السحب بتاعها أكتر من رائع بتاكل بنزين مقارنتا بال اكسنت لو هتباشر الصيانة بتاعت الفتس كل 50000 كم تغير زة فتيس وتنضيف فلتر توكل على الله وهاتها
عيب السفيا الفرامل المستر بتاع الفرامل بيبوظ بسرعة وتطر تزود زة باكم كل شوية لحد ماتجيب مستر تاني على فكرة مش رخيص ومش موجود لو باظ منك هتلف عليه شوية
واسعة جدا من جوا موتور كبير ومحترم تكيف زي الفلل
بالتوفيق إنشاء الله ,,
لو أي استفسار أنا تحت أمرك
خبرتي في السفيا 4 سنوات اوتوماتيك

حضرتك خش على المواضيع فى توقيعى
و اى استفسار انا فى الخدمة

السيفيا المانيوال وحش على الطريق
كانت عندي الاوتوماتيك منها و اتعذبت فيها
بس اكشف على علبة الدريكسيون كويس

السيفيا سيارة محترمة وأفضل من الأكسنت طبعا أداء وشكل وصالون ولا أحبذ الأوتوماتيك فى الكورى الموديلات القديمة بلا إستثناء

سيفيا اوسع واقوى واكثر ثبات

اقتباس:

---

المشاركة الأصلية كتبت بواسطة tarek_cobra

طيب انا كده شايف ان كل الناس اجمعت على السيفيا المانيوال و انا بصراحه مقتنع بيها جدا بس يا رب تطلع حماره شغل علشان انا خايف من النقطه دى و ربنا يكريمنى

---

على فكرة حمارة شغل وعن تجربة وعمرها ماتهينك فى الشارع انا كان معايا منها المانيوال واحلى ايام لما كانت معايا العربية دى وحش فى السفر واسعة اوى من جوة قطع غيارها متوفرة جديد واستيراد حتى ماستر الفرامل كله موجود عند الجندى فى شارع دمشق او ابو زيد فى فيصل من الاخر ممتازة:vctry::vctry:

بناءا على تجربتي للعربيتين , السيفيا المانيوال احسن من الاكسنت , لانها اوسع وموتور اقوى وعربيه ثابته جدا على الطريق وانا شايفها قيمه اكتر من الاكسنت , وده مع كامل احترامي للاكسنت :-)

اقتباس:

---

المشاركة الأصلية كتبت بواسطة tarek_cobra

طيب انا كده شايف ان كل الناس اجمعت على السيفيا المانيوال و انا بصراحه مقتنع بيها جدا بس يا رب تطلع حماره شغل علشان انا خايف من النقطه دى و ربنا يكريمنى

---

السيفيا الاوتو و الانيوال حلوين و احسن من الاكسنت
و اقرا المواضيع الى ف توقيعى و اى استفسار انا فى الخدمة ..

انا معايا اكسنت 1300 موديل 99 ... مش بطالة .. ماشي حالها و الله . و جراية و بتشم البنزين . و قطع غيارها ببلاش الا ربع كمان.
اخوبا الصغير معاه سيفيا 2001 و جايبها في نفس وقت شرايا لعربيتي .. و وقفت بنفس التكلفة لان عربيتي كانت فعلا وحشة و صرفت عليها كتير ..
من الاخر انا باسوق دي و دي ... السيفيا تكسب بمراااااحل .
بس نصيحة من اخوك ..... افحص كويس جدا جدا .. معلش لما تخسر فلوس الفحص مرتين و لا حاجة ... احسن ما تصرف اضعافهم على الصيانة ..
و فعلا خليك في المانيوال في الكوري.
و ربنا يوفقك في بحثك يارب