سيارة 131 للبيع مو 1978 فى حلوان

السلام عليكم توجد سيارة فيات 131 للبيع فى حلوان ودى المواصفات : اللون ازرق بترولى / 2000سى سى / موتور sl المانى / عمرة موتور كاملة وحديثة جدا من شهر ونصف تقريبا / استخدام بنزين 92 من بعد العمرة / رادياتير جديد / شكمان جديد / 4 كاوتش تيوبليس جديد / جنوط اسبور ماليزى / مكيفة / باور / سنتر / وحدة رفع زجاج / زجاج كهرباء امامى / فتحة سقف كهرباء / زجاج ملون اخضر / كراسى bmw / تارة اسبور / فرش جلد / السيارة فابريكة دواخل / عفشة بحالة جيدة جدا / ولعدم تضييع وقتى ووقتكم السيارة فى حلوان والسعر النهائى المطلوب بما يرضى الله هو 27 الف جنيه لكل ماذكرته اعلاه / ولكن يمكن التفاوض البسيط جدا جدا / مرور الاميرية / رخصة سارية / والبيع لان الاولاد عاوزين شكل جديد او انا هااحقق امنيتى القديمة فى شراء بيجو 504 .. بمنتهى الامانة اللى هاياخدها مجرد هايشحن التكييف وهايعدل الفانوسين الاماميين بالشبكة او يغيرهم / الاتصال من فضلكم لظروف العمل يكون بعد 7 م او ترك رسالة فى النهار وانا ساقوم بتحديد موعد // ياجماعة من فضلكم ارجو الجدية فى الاتصال وعدم الاستغراب من سعرها العالى لان العربية بالفعل تساوى هذا المبلغ واكثر / محمد سعد : 0122449396

عاوز اعرف السعر مناسب ولا لأ؟

باشا السعر عالي ومبالغ فية

فية شاهين موديل 96 حالتها ممتازة جدا وسعرها 25 الف ............تشتريها ؟؟؟

استأذنك في صور

بالسعر دة ممكن نزود 5 الف وتجيب اكسنت ولا لانوس
السعر هيكون من 15 الى 18 ولو حد دفعلك اكتير يبقى مصلحة وربنا يبركلة ويبركلك

شكرا لردودكم والاستاذ احمد حسن هااحاول اجيبلك صورها قريب .. المشكلة انها عربية جوز اختى وهو مالوش تعامل مع النت والصور وموكلنى انا اتابعله الموضوع ده المشكلة بس انى بارجع من الشغل بالليل لكن ان شاء الله يوم الاربعاء 6 اكتوبر هايكون اجازة وهااحاول اصورهالك بالنهار وارفع الصور

هوت باشا بوجا اوافقك على نص كلامك الاول واختلف معاك فى التانى لان فيه ناس غاوية ال 131 وانا مش منهم ، بس نحسبها بالعقل انزل هات عربية 131 ب 18 الف وهاتكون 1300 سى سى مش 2000 واصرف عليها كل المواصفات اللى انا قلتلهالك دى واحسبها .. العربية النضيفة غالية وبتصرف احسب التكييف بكام .. والازاز الكهربا ووحدات الرفع وفتحة السقف .. الجنوط الاسبور والكاوتش الجديد والعمرة بتاخد كام .. اخويا معاه 131 وكنا شارينها من حوالى سنة وكانت اول يد 1600 سى سى مو 83 العمرة واخدة مننا 3000 جم لوحدها الاسبوع ده .. اعتقد ان حضرتك اخطات التقييم فى السعر واطلب منك تقرا المواصفات تانى وهااستنى ردك

اقتباس:

---

المشاركة الأصلية كتبت بواسطة ashohdy

شكرا لردودكم والاستاذ احمد حسن هااحاول اجيبلك صورها قريب .. المشكلة انها عربية جوز اختى وهو مالوش تعامل مع النت والصور وموكلنى انا اتابعله الموضوع ده المشكلة بس انى بارجع من الشغل بالليل لكن ان شاء الله يوم الاربعاء 6 اكتوبر هايكون اجازة وهااحاول اصورهالك بالنهار وارفع الصور

---

شكرا يا باشا علي الرد
ونا مستنيك بس اوعي تنساني :Oc_sun1[1]:

اقتباس:

---

المشاركة الأصلية كتبت بواسطة zizo_egypt

باشا السعر عالي ومبالغ فية

فية شاهين موديل 96 حالتها ممتازة جدا وسعرها 25 الف ............تشتريها ؟؟؟

---

بعد اذن صاحب الموضوع
واحترامي الشديد له
ممكن اسال صاحب التعليق ده فين العربية دي وممكن تليفونك للتواصل

الاخ بيبو سوبرفايزر اعتقد ان العربية الشاهين دى فى الاحلام ولو هى سليمة مية فى المية اكيد محتاجة حوالى من 6 الاف ل 8 الاف جنيه مابين عمرة وسمكرة ودوكو وازالة بارومة او كارونة وحكاية حالة ممتازة دى بتفرق من شخص لاخر يعنى مثلا لو انا رايح اشترى عربية ولقيت صاحبها مهمل فى تركيب اوكرة الازاز هااسيبها وامشى !!! شخصية صاحب العربية وعمله بتفرق فى البيع والشراء فعلا ولو تلاحظ انا ماعلقتش اساسا على حكاية الشاهين دى..معلش اذا كانت عربيتنا ظروفها خلت سعرها عالى فا الامور واضحة ليه سعرها عالى ؟؟ لكن السؤال الاهم ايه هى الظروف اللى تخلى فيه عربية شاهين ( ممتازة ) ب 25 الف !!!!!!

بعتزر علي موضوع الشاهين اذا كان زعلك صاحب الموضوع
بس الراجل عرض عربية وانا حبيت اشفها
يعني ادي الجمل وادي الجمال
وده ميقاش من عربيتك ربنا يباركلك فيها

لا خالص انا مازعلتش ولا حاجة .. بالعكس انت نورتنى فى صفحتى ومشاركتك فى موضوعى واثريته ( بلغة المثقفين ) وانت فعلا اتكلمت وقلت اللى جوايا بس مارضيتشى اكسفه بما انه جاء عندى مفيش شاهين سليمة وممتازة بالسعر ده .. الكرة الان فى ملعبه وانا كمان رغم انى مش من المهتمين بالشاهين لكن انا نفسى اشوفها .. على فكرة واحد زميلى فى الشغل معاه شاهين 99 بيضاء مرور فيصل تقريبا او بين السرايات مش فاكر عاوز يبيعها على 32 الف ومحتاجة سمكرة ( ماتقلقشى بدون حوادث ) وطبعا محتاجة بوية بعد السمكرة ، لكن لامانة ربنا العربية كويسة معاه وسبب البيع عاوز يرقى ويركب كورى او يابانى .. لو انت مهتم تشوفها ممكن المعاينة فى جاردن سيتى صباحا او فى فيصل مساءا .

حلو اوووى الكلام ده بس السعر غاااااااالى

اقتباس:

---

المشاركة الأصلية كتبت بواسطة ashohdy

لا خالص انا مازعلتش ولا حاجة .. بالعكس انت نورتنى فى صفحتى ومشاركتك فى موضوعى واثريته ( بلغة المثقفين ) وانت فعلا اتكلمت وقلت اللى جوايا بس مارضيتشى اكسفه بما انه جاء عندى مفيش شاهين سليمة وممتازة بالسعر ده .. الكرة الان فى ملعبه وانا كمان رغم انى مش من المهتمين بالشاهين لكن انا نفسى اشوفها .. على فكرة واحد زميلى فى الشغل معاه شاهين 99 بيضاء مرور فيصل تقريبا او بين السرايات مش فاكر عاوز يبيعها على 32 الف ومحتاجة سمكرة ( ماتقلقشى بدون حوادث ) وطبعا محتاجة بوية بعد السمكرة ، لكن لامانة ربنا العربية كويسة معاه وسبب البيع عاوز يرقى ويركب كورى او يابانى .. لو انت مهتم تشوفها ممكن المعاينة فى جاردن سيتى صباحا او فى فيصل مساءا .

---

على فكر ه السعر عالى اووووووووووووووووووووووى لان كان قدامى 131 موديل 79 و1600 وحالتها ممتازة وكان مطلوب فيها 19
وكان ليا جارى بيبيع شاهين مو 2000 ممتازة معاه من الزيرو واتباعت ب 28
اما الشاهين اللى حضرتك بتتكلم عليها وعايزه سمكره دى متكملش 25 الف مش 32 واضح جدا ان حضرتك مش متابع اسعار السوق :ma:

http://www.nilemotors.net/Nile/145222-a.html
:verygood: