الموضوع: اجيب حاجة اتوماتيك تناسب امكانياتى من هذه الاختيارات

انا بئة عاوز استفيد من خبرة خبراء المنتدى الجميل دة

انا ان شاء الله على شهر 12 الجاى عاوز اجيب حاجة اتوماتيك عندى 3 عربيات تناسب امكانياتى ------------

بروتون بيرسونا
الصنى اتوامتيك اى اكس
السيراتو

دول تقريبا الأختيارات ايلى حيران مابينهم دلؤتى ومخلى الصنى اخرهم لأن معايا منها المانيوال
عاوز العربية تكون بتتحمل الشغل قطع غيارها متوفرة برة التوكيل وتكون اسعارها معقولة تنصحونى اختار اية طبعا انا خطيت البرسونا لأن لائيت ناس بتشكر فيها كتير بس طبعا انا وضعى مختلف لأن العربية ايلى هاجيبها هشقيها واشغلهاااا

تنصخونى بأية ولو حد عندة عربيات تانية افضل ياريت يفيدنى وشكرا

المشاركة الأصلية كتبت بواسطة elkomi15

انا بئة عاوز استفيد من خبرة خبراء المنتدى الجميل دة

انا ان شاء الله على شهر 12 الجاى عاوز اجيب حاجة اتوماتيك عندى 3 عربيات تناسب امكانياتى ------------

بروتون بيرسونا
الصنى اتوامتيك اى اكس
السيراتو

دول تقريبا الأختيارات ايلى حيران مابينهم دلؤتى ومخلى الصنى اخرهم لأن معايا منها المانيوال
عاوز العربية تكون بتتحمل الشغل قطع غيارها متوفرة برة التوكيل وتكون اسعارها معقولة تنصحونى اختار اية طبعا انا خطيت البرسونا لأن لائيت ناس بتشكر فيها كتير بس طبعا انا وضعى مختلف لأن العربية ايلى هاجيبها هشقيها واشغلهاااا

تنصخونى بأية ولو حد عندة عربيات تانية افضل ياريت يفيدنى وشكرا

بيسان صنى بلا منازع لانها اداء وقوة تحمل وسهولة الصيانة بلا منازع والله اعلم

مشكلة البيرسونا فى توكيلها وقطع غيارها الغالية جدا مع عدم توافرها خارج التوكيل مع انها كعربية لا تقل عن الصنى فى الثبات والامان مع وجود افضلية كمان فى السعر
طبعا اسيراتو شياكة ووسع عن العربيتين ولكن اقل فى الاعتمادية وبرده قطع غيار غالية وخصوصا الاجزاء الخارجية وثبات اقل من البيرسونا والصنى وسعر اعلى بكتير ( فئة sx ) اعلى بمقدار 20 % من الصنى السوبر صالون طبع انا قارنت بين الفئتين دول علشان هما الاقرب من بعض ككماليات وامان وفرامل abs.
دى الرؤية كاملة , شوف انت حتختار ايه , وطبعا انا مقدر ان انت عايز تغير الصنى لانها معاك فعلا ( من باب التغيير يعنى ) لكن انا شايف ان سوبر صالون حتفرق عن العربية اللى معاك لان العربية كمالياتها ممتازة وشياكة عن ex.

بودي اقول الصني او البيرسونا و لكن
التجميع المحلي و التوكيل بوظ سوق العربيتين
فالاختيار الافضل هو السيراتو و برضه بص
علي الالنترا و الكروز حلوين برضه

المشاركة الأصلية كتبت بواسطة eng_ahmed_90

بودي اقول الصني او البيرسونا و لكن
التجميع المحلي و التوكيل بوظ سوق العربيتين
فالاختيار الافضل هو السيراتو و برضه بص
علي الالنترا و الكروز حلوين برضه

سبحان الله
انا قبل ما اجيب النيسان صنى بعام كامل وانا بلف فى المنتديات كلها علشان اشوف عيوب التجميع المحلى او المكونات المحلية فى العربية ( اللى هى لا تتعدى 10 % من العربية ) وما لقتشى اى مشاكل , كل اللى اسمعه ان التقفيل المصرى بوظ الدنيا
الصالون ضيق شوية عن السيراتو مثلا وليس له علاقة بالتجميع المحلى
مثلا لم اجد مشاكل فى الدهانات مع انها بتتم فى مصر .
البطارية مصرى ومافيش فيها مشاكل على الاطلاق .
كاوتش العزل بتاع الابواب طلعت اشاعة انه مصرى ومع الوقت حيسرب مياه وهواء ومش عارف ايه وعمرى ما لقيت حد بيشتكى من كده , والتوكيل قال ان كاوتش العزل يابانى 100 % .
دا حتى كاوتش العجل يابانى 100 % مش نسر ولا بريللى مع انهم انتاج تصدير محترم
اى مشكلة بتحصل بتتعمل فى التوكيل على طول ولو محتاجة تغيير بتتغيير بدون جدال ولا نقاش ( اظن اللى جرب منصور وغبور يعرف قوى قيمة التوكيل الكويس )
نقفيل العربية زى الفل ومن ملاك العربية القدامى زى المهندس سبعاوى السيارة لا يوجد اى اختلاف بينها وبين الموديل اليابانى تقفيل اليابان .
يا اخوانا فيه فرق بين ان وكيل يجمع , او الشركة الام بنفسها تحت اشراف مهندسيها اليابانيين واداراتها اليابانية تجمع .
انا مرة واحد قالى ان الصاج بتاع الصنى بيتعمل فى مصر !!!!!!!!!!!!!!!!!!!!!
ضحكت من قلبى بصراحة وعرفت ان احنا فعلا شعب بتاع قالى وسمعت من فلان واسمع اللى بقولك عليه .
ياريت اللى بيتكلم على عيوب التقفيل المحلى يذكر العيوب فين يمكن مش واخدين بالنا .

المشاركة الأصلية كتبت بواسطة hossam_gabre

سبحان الله
انا قبل ما اجيب النيسان صنى بعام كامل وانا بلف فى المنتديات كلها علشان اشوف عيوب التجميع المحلى او المكونات المحلية فى العربية ( اللى هى لا تتعدى 10 % من العربية ) وما لقتشى اى مشاكل , كل اللى اسمعه ان التقفيل المصرى بوظ الدنيا
الصالون ضيق شوية عن السيراتو مثلا وليس له علاقة بالتجميع المحلى
مثلا لم اجد مشاكل فى الدهانات مع انها بتتم فى مصر .
البطارية مصرى ومافيش فيها مشاكل على الاطلاق .
كاوتش العزل بتاع الابواب طلعت اشاعة انه مصرى ومع الوقت حيسرب مياه وهواء ومش عارف ايه وعمرى ما لقيت حد بيشتكى من كده , والتوكيل قال ان كاوتش العزل يابانى 100 % .
دا حتى كاوتش العجل يابانى 100 % مش نسر ولا بريللى مع انهم انتاج تصدير محترم
اى مشكلة بتحصل بتتعمل فى التوكيل على طول ولو محتاجة تغيير بتتغيير بدون جدال ولا نقاش ( اظن اللى جرب منصور وغبور يعرف قوى قيمة التوكيل الكويس )
نقفيل العربية زى الفل ومن ملاك العربية القدامى زى المهندس سبعاوى السيارة لا يوجد اى اختلاف بينها وبين الموديل اليابانى تقفيل اليابان .
يا اخوانا فيه فرق بين ان وكيل يجمع , او الشركة الام بنفسها تحت اشراف مهندسيها اليابانيين واداراتها اليابانية تجمع .
انا مرة واحد قالى ان الصاج بتاع الصنى بيتعمل فى مصر !!!!!!!!!!!!!!!!!!!!!
ضحكت من قلبى بصراحة وعرفت ان احنا فعلا شعب بتاع قالى وسمعت من فلان واسمع اللى بقولك عليه .
ياريت اللى بيتكلم على عيوب التقفيل المحلى يذكر العيوب فين يمكن مش واخدين بالنا .

نقفيلها من جوة مش وحش انا قبل مشتريها ركبت اسبرانزا تيجو حد شاف خامات التيجو من جوة تحس انك جوة عربية لعبة كلها بلاستيك بلاستيك كمان ناشف من فايبر وخفت اضغط على الباب ليتشرخ
اعتقد خامات النيسان من جوة مش عالية اوى بس متوسطة كويسة يعنى على قد فلوسها

المشاركة الأصلية كتبت بواسطة hossam_gabre

مشكلة البيرسونا فى توكيلها وقطع غيارها الغالية جدا مع عدم توافرها خارج التوكيل مع انها كعربية لا تقل عن الصنى فى الثبات والامان مع وجود افضلية كمان فى السعر
طبعا اسيراتو شياكة ووسع عن العربيتين ولكن اقل فى الاعتمادية وبرده قطع غيار غالية وخصوصا الاجزاء الخارجية وثبات اقل من البيرسونا والصنى وسعر اعلى بكتير ( فئة sx ) اعلى بمقدار 20 % من الصنى السوبر صالون طبع انا قارنت بين الفئتين دول علشان هما الاقرب من بعض ككماليات وامان وفرامل abs.
دى الرؤية كاملة , شوف انت حتختار ايه , وطبعا انا مقدر ان انت عايز تغير الصنى لانها معاك فعلا ( من باب التغيير يعنى ) لكن انا شايف ان سوبر صالون حتفرق عن العربية اللى معاك لان العربية كمالياتها ممتازة وشياكة عن ex.

سؤال هل حضرتك من ملاكها وفعلا دورت على قطع الغيار وملائيتهاش ----------ولا حضرتك على السمع فقط

المشاركة الأصلية كتبت بواسطة mohamed10

بيسان صنى بلا منازع لانها اداء وقوة تحمل وسهولة الصيانة بلا منازع والله اعلم

تمام انت معاك حف فى الكلام دة بس الشكل قديم شوية عاوز اغير لشكل مودرن شوية

المشاركة الأصلية كتبت بواسطة elkomi15

سؤال هل حضرتك من ملاكها وفعلا دورت على قطع الغيار وملائيتهاش ----------ولا حضرتك على السمع فقط

تمام انت معاك حف فى الكلام دة بس الشكل قديم شوية عاوز اغير لشكل مودرن شوية

لا للاسف مش من ملاكها بس كان نفسى اشتريها وكنت حاططها اول اختياراتى ويمكن قبل النيسان لانها عربية محترمة كثبات ومعاملات امان موجودة مقابل سعر مش غالى ومش مبالغ فية , بس كانت مشكلتها بالنسبة لى قطع الغيار لان معايا اتنين من زمايلى فى العمل معاهم الجين تو وبيعانوا من مشكلة قطع الغيار , الفانوس الامامى على سبيل المثال اتكسر من زميلى ولقاه غالى جدا جدا فى التوكيل , ومش موجود بره , فاضطر يصلحة بطريقة طبخ الاجزاء المكسورة مرة اخرى فى العطارين ب 300 جنية !!!!!!!!!!!! , طبعا لان اللى صلحهوله عارف انه مش موجود بره التوكيل وغالى فى التوكيل
واللى رجح كفة الصنى معايا انتشار قطع الغيار الاصلى وغير الاصلى خارج التوكيل وخصوصا قطع الغيار الخارجية اللى هى ملطش الطريق .
وربنا يسترها معانا

المشاركة الأصلية كتبت بواسطة felix

حضرتك بتقول العربية تكون بتتحمل الشغل
اي نوع من الشغل هل حضرتك تقصد تحميل في العربية؟؟؟ ولاتستحمل طرق غير ممهدة؟؟؟
لو حضرتك تقصد حاجة من دول يبقى الاحسن في البرسونا والصني اولا علشان اعلا بكتير من السيراتو والعربيتين مبينزلوش اوي مع التحميل الكتير وغير كدة وكدة الشنطة في العربيتين زي البحر ماشاء الله و على فكرة قطع غير البيرسونا موجودة في اماكن كتير برة التوكيل

هو دة المهم قطع الغيار تكون موجودة برة التوكيل واسعارة تكون كويسة يعنى زى النيسان مثلا
وبالنسبة للتحمل تحميل افراد مش حاجات تانية وطرق غير ممهدة معتقدش بلدنا شوارعها جميلة وواسعة

انا يهمنى والله بس اسعار قطع الغيار وتكون متوفرة لأن دة اهم من العربية نفسها ----------خصوصا فى بلدنا
لو دى موجودة وبسعر كويس يبئة البيرسونا ان شاء الله هتبئى عربيتى فى ديسمبر بأمر الرحمن