الموضوع: اجيب حاجة اتوماتيك تناسب امكانياتى من هذه الاختيارات

العيوب فين يمكن مش واخدين بالنا

العيوب المشتركه في تقفيل معظم الصني :
صوت المحرك عالي نظرا لسوء العزل الصوتي
بعض العربيات ظهر فيها مشكله معينه في الفرامل
الفرش الداخلي الفنش بتاعه سئ و شوفتها بعيني
السماعات بتخرفش و ساعات بتفصل لوحدها

العيوب دي انا شوفتها في 3 صني
و لا داعي لذكر عيوب العربيه نفسها
و انا مبقولش اي كلام و السلام

المشاركة الأصلية كتبت بواسطة elkomi15

طيب انا هاقول حاجة انا ملاحظ ان كل ايلى عندة عربية بيدافع عنها بكل مااوتى من قوة ولو شاف حد بيكلم على عربيتة يدخل معاة فى مناقشات حادة علشان يحسن صورة عربيتة وممكن ايلى بينتقع عربية يكون اصلا مش ركبها انا لسة مسجل من يومين تقريبا فى المنتدى بس الصراحة لائيت السمة الغالبة هى دى فى كل المقارنات بين السيارات

طب انا عاوز اقول حاجة انا معايا نيسان صنى ومن ملاكها ومعايا بئالى سنة وشهرين اقول عيوبها صوت الكاسيت سىء جدا وبدائى
الباب الشمال مع السرعة العالية فية زنة خفيفة هواء بيدخل مابينهم
بدون زعل برضة شكل العربية قديم شوية ومش مودرن ولا يناسب موديلات 2010
الكنبة الخلفية ضيقة جدا
صوت الماتور عالى وماحدش يقول مش عالى لأن دى مش حقيقة
بتاكل بنزين بشكل غريب برغم انها يابانى ومش فاهم لية هاتقولى علشان 2 كامة
طيب البى ام موديل 2002 2000 سىسى مع واحد صحبى وماتورها 2 كامة وبتستهلك بنزين اقل من الصنى

دى عيوب حقيقية فى العربية مفروض احنا مننكرهاش
مميزاتها لحد دلؤتى بالنسبة لى ميكانيكا والثبات على الطريق -------------العفشة نقدر نقول ناشفة شوية برغم انهم قالو عالجو موضوع العفشة فى موديلات 2010
دى بأمانة عيوب الصنى لاكن فى المجمل العربية مفيهاش مشاكل الحمد لله ويارب تفضل كدة 3 سنين مغيرش فيها اى حاجة علشان فعلا اقدر احكم عليها واقول انها اتحملت ----------------------



ودة ولا دافع عن عربيتى ولا هجوم على عربيتى دة واقع وحقيقة عربيتى وياريت الناس كلها بدون زعل لأن كلنا اخوات تحاول تقول مشاكل عربيتها قبل مميزاتها علشان كل واحد يقدر يحدد هو عاوز اية بدون الدفاع عن عربية او هجوم على عربية لأن كلامنا
مش هيقدم ولا هيأخر ولا فى الأنتششار ولا السعر الأداء والسعر والسمعة من التجارب هى ايلى بتحدد انتشار العربية من دون

وشكرا طبعا لكل الناس ايلى اعطتنى نصيحة ولاكن للأمانة انا الى الأن اميل الى البيرسونا للأسباب التالية
عربية شكلها كويس
دولة اسلامية
فيها كل الكماليات
سعرها معقول
احساسى انها قريبة من التقنية اليابنية وانها افضل من الكورى

بس ايلى مخوفنى لا قدر الله فانوس يتكسر اكصدام يبوظ ومش بتكلم خلال فترة الضمان بتكلم فيما بعد احنا عاوزين عربية تعيش عشر سنين هل وقتها لو حصل اى حاجة من الحاجات دى هاقدر اجيب قطع غيارها بسهولة وبأسعار كويسة

يعنى مثلا بعيد عنا وعنكم صحبى عربيتة لانسر اتقلبت غيرلها نص كامل لأئينا بدل المحل عشر محلات وجمع النص بالون العربية الأحمر وقطع غيارها استيراد منتشرة دى طبعا ميزة
هل البروتون قطع غيارها متوفرة وبسعر كويس برة التوكيل ولا لأ هو دة ايلى شاغل بالى فقط -----------ولو اتأكدت ان فعلا قطع غيارها متوفرة برة التوكيل وموجود ة ان شاء الله بدون تردد هنضم للبروتونييين -----------------------------------

وللعلم يجماعة احنا مفروض لما نشترى عربيات نبص انها على الأقل هاتقعد معانا 10 سنين ----------وهاتفضل بحالتها ونشترى على هذا الأساس احنا عندنا فايات 132 موديل 76 يعنى عايشة كام سنة شوفو انتو بئة ---------------ولسة بتدى وبخيرها
ومعلش طولت عليكم وبالتوفيق للجميع

يا سيدى الفاضل ما حدش بيستميت للدفاع عن عربيتة ولكنى ضد مهاجمة سيارة سواء ملكى او ملك غيرى بدون برهان لعلة ان العربية تجميع محلى .
والحاجات اللى انت ذكرتها كعيوب فى الصنى لا تمت للتجميع المحلى بصلة , هو تصميم العربية كده , وزيها زي موديل 2006 اليابانى بنفس عيوبة او مميزاته
بالعكس الموديل المصرى فيها اضافات زى حساس الاوكسوجين اللى لسه مضاف فى موديل 2011 علشان يقلل استهلاك البنزين .
يبقى لما نقول التجميع المحلى بدون ذكر اسباب يبقى مش منطقى
لا كلامى ولا كلامك ولا كلام اللى بيهاجم حيقللوا مبيعات العربية
كده كده بتتباع ومنتشرة زى الرز لدرجة تغيظ كمان وبنقعد شهر وشهرين علشان نستلم .
الفيرنا مثلا تجميع محلى وخفيفة وفيها عيوب ومن اكتر العربيات المنتشرة
كده كده المبيعات بتاعة السيارات ليس لها علاقة بارائنا فى المنتدى
لو قارنت مثلا بين الفيات لينيا والسيراتو او الصنى
حتلاقى كل الاراء تقريبا مجمعة على اللينيا لكن الواقع بيقول ان السيراتو والصنى ماليين البلد واللينيا نادرا لما تجدها على الرغم من انها فعلا احسن منهم قوى وتقريبا بنفس سعرهم .

المشاركة الأصلية كتبت بواسطة eng_ahmed_90

العيوب المشتركه في تقفيل معظم الصني :
صوت المحرك عالي نظرا لسوء العزل الصوتي
بعض العربيات ظهر فيها مشكله معينه في الفرامل
الفرش الداخلي الفنش بتاعه سئ و شوفتها بعيني
السماعات بتخرفش و ساعات بتفصل لوحدها

العيوب دي انا شوفتها في 3 صني
و لا داعي لذكر عيوب العربيه نفسها
و انا مبقولش اي كلام و السلام

صوت المحرك عالى فعلا ولكن بعد سرعة 120 بالضبط ومش للدرجة المزعجة , ودا مش بسبب العزل ولكن له علاقة بطبيعة سير الكاتينة الجنزير , وعلى فكرة العزل الصوتى كله يابانى .
على فكرة الناس بتخلط بين صوت الموتور وصوت الحفيف الناتج عن احتكاك الكوتش بالاسفلت اثناء سير السيارة على سرعات عالية لطبيعة تصميم السيارة وطبيعة الطريق اللى بتمشى علية العربية .
وعلى فكرة العزل الصوتى برده مش اللى هو لانه بينتمى للجيل الاسبق من السيارات , يعنى برده مش بيبب التجميع المحلى ولكن بسبب طبيعة تصميم السيارة .
الفرش الداخلى , مش عارف بصراحة يمكن انت عينك لماحة عنى او يمكن علشان انا عملت فرش جلد من اول يوم او يمكن السوبر صالون تقفيلها افضل , الله اعلم
الفرامل بتاعة الصنى مضرب للامثال واول مرة اسمع ان فيها مشاكل , لكن اللى مش فاهم نظام abs ودورة وطبيعته ممكن يفتكر ان الفرامل فيها مشكلة .
السماعات على الرغم ان عندى ما فيهاش مشكلة وشايفها كويسه ( ممكن كان يكون فيها عيوب فى الموديلات القديمة ) , بس دى فعلا سبب وجيه قوى ان العربية سيئة وفعلا نروح للعربيات اللى بتحك فى المطبات وبتعوم ولا فيها وسائل امان ولا abs وثباتها ضايع , انت فعلا كلامك سليم ,
يا باشمهندس ما فيش عربية كاملة والتجميع المحلى محترم بجد ,
انا مش بدافع عن العربية
انا بدافع عن حاجة محترمة احنا بنبخسها حقها وهى التجميع المحلى
مش معقولة التجميع المغربى مش بيتهاجم بالطريقة دى مع ان المصرى افضل من التجميع المغربى , وكمان اليابان مش بتعمل مصنع فى مصر تحت اشرافها وتضيع سمعتها بسهولة .

المشاركة الأصلية كتبت بواسطة elkomi15

سؤال هل حضرتك من ملاكها وفعلا دورت على قطع الغيار وملائيتهاش ----------ولا حضرتك على السمع فقط

تمام انت معاك حف فى الكلام دة بس الشكل قديم شوية عاوز اغير لشكل مودرن شوية

لا للاسف مش من ملاكها بس كان نفسى اشتريها وكنت حاططها اول اختياراتى ويمكن قبل النيسان لانها عربية محترمة كثبات ومعاملات امان موجودة مقابل سعر مش غالى ومش مبالغ فية , بس كانت مشكلتها بالنسبة لى قطع الغيار لان معايا اتنين من زمايلى فى العمل معاهم الجين تو وبيعانوا من مشكلة قطع الغيار , الفانوس الامامى على سبيل المثال اتكسر من زميلى ولقاه غالى جدا جدا فى التوكيل , ومش موجود بره , فاضطر يصلحة بطريقة طبخ الاجزاء المكسورة مرة اخرى فى العطارين ب 300 جنية !!!!!!!!!!!! , طبعا لان اللى صلحهوله عارف انه مش موجود بره التوكيل وغالى فى التوكيل
واللى رجح كفة الصنى معايا انتشار قطع الغيار الاصلى وغير الاصلى خارج التوكيل وخصوصا قطع الغيار الخارجية اللى هى ملطش الطريق .
وربنا يسترها معانا

المشاركة الأصلية كتبت بواسطة eng_ahmedryad

علشان الناس هنا كارهين البيرسونا !!!!

وعلشان السيراتو بقت أقل في الأعتمادية !!!!

هقولك اقتراح مختلف .. أدفع فرق 1000 جنيه زيادة وهات نيسان تيدا أوتوماتيك بـ 114000 جنيه فقط

الفرق كبير البيرسونا ب 91 والتيدا 114 ولو على 114 كنت اشترى لنسر افضل الأمكانية لا نزيد عن ال 92 الف

المشاركة الأصلية كتبت بواسطة mhmdalsaadany

اتكل على الله وهات تيدا بردوه اعتماديه وزيها زي الصني

المشاركة الأصلية كتبت بواسطة aymanmaly

لية ما فكرتش فى الاوبترا
عربية يعتمد عليها
قطع غيار متوفرة
جميع مالكيها يشكرون فيها
عيبها الوحيد شكوة مالكيها من التوكيل
بس انا مش شايف مشكلة لان في مراكز فى السوق محترفين فى اصلاحعا بجنب توافر قطع الغيار و البدائل

فكرت فى الأوبترا -----فعلا بس سفاحة بنزين وشكلها مش مريحنى ---------------وكمان افيو اخدت سمعة وحشة جدا والأتنين من نفس المصنع --------------وناس معاها العربية خوفتنى منها

الصراحة ناس كتير من برة المنتدى وتجار كبار واصحاب معارض بيشكرولى فى البروتون والصنى ةالانسر البومة الشكل القديم والنترا

احنا نتوكل على الله ونجيب البرسونا ورجالة المنتدى بئة لو حصل حاجة يبئة نسئلهم على قطع الغيار ونزهئهم عربية شكلها حلو وان شاء الله ربنا يباركلنا فيها