اخيرا اشتريت استرا وانضميت لنادي الاوبل

**Ahmad Allawy** · 21-03-2008 01:24 AM

ابو حميد.. مكن اعرف انت ساكن فيه..؟؟
انا باتعامل مع واحد متخصص اوبل.. ف المعادي.. كان شغال ف التوكيل ولسة سايبه من 4 شهور بس.. انا مرتاح معاه جدا..
ممكن لو حبيت اوديك عنده و اديلك نمره و اوصفلك مكانه تروح تشوفه و تشوف هيريحك ولا لأ..
وانا تحت امرك لو حبيت..

**SEATLOVER** · 21-03-2008 01:32 AM

الف مبروك ربنا يديك خيرها ويبعد عنك شرها
متنساش بس الحاجات اللى دايماً نادر بيقولها لى اللى بيجيب عربية
هو اكيد هايجى يباركلك و يقولهالك إن شاء الله .

**delmero** · 21-03-2008 05:28 AM

الف مبرووووووووووووووووك يا اوبلاوي
ربنا يكفيك شرها و يباركلك فيها.......
مبدئيا....عشان العربية لسة جديدة تحت رجلك انصحك تشيك عليها و تغير الحاجات اللي محتاجة تغيير فيها و ماتخليش الفرحة تنسيك انك تهتم بيها يعني ماتجريش بيها الا لما تطمن على الكاوتش و المساعدين و الفرامل و ظبط الزوايا .....و المهم من كل دا تحفظ العربية و ابعادها كويس ...عشان طبعا كل عشاق الاوبل هما وحوووووووووووش الطريق

**Mustafa_Farouk** · 21-03-2008 11:16 AM

[quote=Ahmad Aboul Fotouh;198265]الف شكر لكل اللي ردو
انا جايبها اوتوماتيك2005 عاملة 100 الف كيلو وجيبتها ب 67 الف بس شكلها كده عاوزه شوية مصاريف
في كاوتش عاوز يتغير وتيل فرامل و بيض مقص
يا ريت تقولولي اصلح فين

مبروك عليك الاسترا، أنا سكن في مصر الجديدة وبتعامل مع اوتو ماستر إلي في مدينة نصر ودة رأقمهم فتحين ٧ أيام في الإسبوع من ٩ إلى ٥ ،
OR 2262 97 33
[FONT='Calibri','sans-serif']40 30 733 012
[/FONT]

**Ahmad Aboul Fotouh** · 22-03-2008 04:48 PM

الف شكر يا جماعه
انا ظبط الزوايا و ررصت الكوتشات وظبطت العفشه بس لسه مغيرتش الزيت ..
بس المشكله اني لقيت في العربيه حاجه رهيبه عكننت عليه و ضيعت فرحتي....
لقيت لحام مفكوك(مشقوق) في سدر العربيه اللي ماسك الشنب في سدر العربيه وواضح انه من اثر حادثه في المكان ده ده غير ان الراجل بتاع العفشه قاللي ان فيها مقص متغير قبل كده في نفس الجنب ده
و لقيت داخل الشنطه (في الجزء اللي خلف الكراسي الخلفيه للعربيه)نقط سايله لبويه شكلها من اثر رش دوكو :((
بصراحه مش عارف اعمل ايه.. العربيه قبل مشتريها كشفت عليها في توكيل منصور اللي في سموحه في اسكندرية وقالولي العربيه كويسه و مفيهاش حاجه غير انها عاوزه تغيير بيض مقص و تيل فرامل....

**HNaga** · 22-03-2008 06:55 PM

العربية سعرها رخيص
الأسترا ال 2005 المفروض سعرها حوالى 85 الف
كونها عاملة 100 الف برغم ان ده كتير لكن مش مشكلة

موضوع اللحام ده عايز واحد متخصص

بالنسبة لسخونة العربية ده عادى طالما ان عداد الحرارة مضبوط

بلاش اوتو ماستر - دول نصابين
لو عايز تروح مركز صيانة معتمد روح مقار و مش عايز فيه راجل كويس جنب مركز الطيران

بس الأول شوف موضوع اللحام ده قبل ماتبتدى تصرف عليها

وربنا يقدم الى فيه الخير

**Ahmad Aboul Fotouh** · 22-03-2008 07:03 PM

السلام عليكم ...
إن شاء الله بكره انا رايح توكيل منصور اللي في الكيلو 4 ونص علي طريق مصر اسكندرية علشان افحصها من تاني و ربنا يسهل
استاذ هشام تقصد ايه اني اتاكد من موضوع اللحام قبل مابتدي اصرف عليها

**HNaga** · 22-03-2008 11:46 PM

يعنى شوف اللحام ده صح والا غلط ومن ايه و شوف هتعمل مع صاحبها الأصلى ايه قبل ماتبتدى تصرف عليها وعلى عفشتها

**Mustafa_Farouk** · 23-03-2008 01:07 PM

المشاركة الأصلية كتبت بواسطة HNaga

بلاش اوتو ماستر - دول نصابين
لو عايز تروح مركز صيانة معتمد روح مقار و مش عايز فيه راجل كويس جنب مركز الطيران

بس الأول شوف موضوع اللحام ده قبل ماتبتدى تصرف عليها

وربنا يقدم الى فيه الخير

Dear Naga

Why you said that about automaster?? i used to make ElSyana every time thier .

**HNaga** · 23-03-2008 07:41 PM

المشاركة الأصلية كتبت بواسطة moustafafarouk600

Dear Naga

Why you said that about automaster?? i used to make ElSyana every time thier .

ليا معاهم تجربة أثبتت ى انهم مش حرامية بس لا ونصابين كمان

الموضوع: اخيرا اشتريت استرا وانضميت لنادي الاوبل

LinkBack

أدوات الموضوع

عرض

-

-

-

-

-

المواضيع المتشابهه

انضميت لنادي الاوبل

باركولى اشتريت Samsung Galaxy Fit S5670 وانضميت العالم الاندرويد ومحتاج مساعدتكم

مشكله في الاوبل استرا 2004

الحمد لله استقريت اخيرا وانضميت لمالكي السيريون

باركوولي..اشتريت سيتي 1300 اوتوماتيك...وانضميت لكتيبه هوندا

الكلمات الدلالية لهذا الموضوع

المفضلات

المفضلات

ضوابط المشاركة