لازم 700
فلادر عادى وليها تحكم من الكاسيت و الاسماء لو بالعربى هتشتغل عادى برضه
ولو فلاشة فالعربية ليها كاسيت بس غالى شوية بس فى كل حاجة
اصل بتاع الكورولا الهاي لاين 6 سيديهات من اي نوع ديفيدي او حتة اسطوانة دبرياج
وبتحط الستة اسطوانات واحدة ورا التانية وبتنسي كل حاجة بعد كده
واصلا اسطوانة ديفيدي تدرمغ الدنيا اغاني
4.2 جيجا اغاني يعني درمغة :mad2:
الكاسيت اللي تقصده ده اللي في ديفيدي و GBS TV BLUETOOTH RADIO وشاشة تاتش
ولا ايه ؟
والاقيه فين؟ وسعره حوالي كام دلوقتي ؟؟
معلش بتاقل عليك
السلام عليكم ورحمة الله وبركاته
من حق حضرتك تسال وتستفسر عن كل حاجة حضرتك بتشترى عربية بمبلغ مش صغير و مش بتشترى حاجة صغيرة ومينفعش تشترى عربية فعلا الا لما تكون مقتنع تماما بيها ووالدك برضه لو هو هيستعملها معاك .
والحقيقة حضرتك سألت عن ملاحظات حقك فعلا تسأل عنها .
الجين 2 عربية بتعبر عن معادلة خاصة فيها الحاجات الاساسية قليل ما حد اختلف عليها زى المحرك بتاعها اللى ما شاء الله لما تركبها هتحس بقوته والثبات الخرافى على المنحنيات والسرعات العالية جدا اللى مش ممكن تلاقيه فى فئات اعلى منها بكتير واسأل طارق جين 2 عنه لانه عنده سيراتو وعمل لنا هنا مقارنة ما بينهم والعفشة الرياضية والتحكم فى الاداء المذهل على الطريق والصاج اللى فى اكثر من اختبار شخصى اثبت لى انه جامد جدا ده غير انها من العربيات القليلة اللى فى السوق المصرى اللى بتنزل بمواصفات خليجى .
فى حين الجزأ الاخر من المعادلة اللى فيها اختلاف فى وجهات النظر احيانا او اختلاف بين بعض العربيات وهى خامات التقفيل اللى فيه ناس شايفاها عادية وناس شايفاها سيئة بس على الرغم من كده اداء الزراير والمرايات كويس جدا و قلة جودة الخامات مش مؤثر على ادائها وعايشة مع ناس كتير بدون مشاكل ولو فيها اى حاجة بتتحل فى التوكيل .
بامانه الجين 2 عربية رائعة واكثر من رائعة والحقيقة انا لغاية دلوقتى بقول لنفسى لو مشترتهاش كنت هشترى ايه و الحقيقه مش لاقى حاجة تانية توفر لى كل اللى انا نفسى فيه بالسعر الخرافى ده زييها ولو فى يوم من الايام فكرت اغير ان شاء الله هتكون جين 2 او اى موديل بروتون تانى فاستخير ربنا وتوكل على الله وقارن بينها وبين اقرب عربية تانية بتفكر فيها اكثر من مرة عشان لما تاخد قرارك تبقى مقتنع تماما .
على فكرة الكاسيت اللى فى الجين 2 رائع جدا وصوته جامد جدا ومش بيتحط الا فى العربيات الفخمة جدا زى الفئات العالية من البيجو بس 6 سيديهات و نفس الماركة اللى بتنزل فى المرسيدس او فى بعض موديلاتها .
هي عربيه عملة شغل كويس جدا في السوق فاكيد الخامات اللي فيها كويسة