انتبه :أهم الاسباب التى تؤثر فى زيادة استهلاك البنزين

http://img137.imageshack.us/img137/2...p53074copy.jpg

بسبب :049:موضوع استهلاك البنزين
وخوف الاعضاء المقبلين على اقتناء سيارات نيسان من الاشاعات اللى بيسمعوها
فاحب ان الفت انتباهم عن بعض الاسباب البسيطة اللى بتساعد على الزيادة

ممكن يكون انت السبب :w6266dمش العربية اللى بيخليها تسحب زيادة
بسبب سواقتك اذا كانت عنيفة:funny34d: وخصوصا ان معاك عربية 1600 سى سى
وبسبب عدم صيانتك:2003126104835_wrc: واهتمامك بالعربية

فعربيات نيسان عربيات ممتازة جدا على الطريق
واستهلاكها عادى جدا زى اى عربية 1600
وممكن انت كمان بنفسك وبسواقتك المعتدلة تخليه اقل من العادى :Oc_sun1[1]:

واغلب الناس اللى بيشتكوا من مشكلة فى زيادة الاستهلاك ايضا بتكون مشكلة فردية وبتتحل فى الضمان فورا لانك معاك نيسان:44:

نيجى لسرد تفاصيل ايضا عن بعض الاسباب عشان تخدوا بالكم منها:

• لما تمشى بسرعة وعكس اتجاه الريح وتكون فى وشك الاستهلاك بيزيد
• لما تعمل كيك دون وتمشى سرعات اعلى من 100 الاستهلاك بيزيد
• لما يكون الكاوتش مش مظبوط وممكن يكون مهوى او كل فردة مظبوطة الاستهلاك بيزيد
• لما تكون بتقف كتير فى اشارات زحمة كثيرا او بتكون واقف لفترة طويلة ومشغل التكيف الاستهلاك بيزيد
• لما تكون فى فترة التليين ولغاية 5000 كيلو مش بتقدر تاخد حكم كلى على العربية فى موضوع الاستهلاك
• لما يكون الضفيرة فيها مشكلة بتاعت الكهرباء الاستهلاك بيزيد
• لما يكون البوجيهات فيها مشاكل الاستهلاك بيزيد
• لما فلتر الهواء يكون مش نظيف الاستهلاك بتزيد
• فلتر البنزين لو مش نظيف او الطلمبة فيها مشاكل تاثر ايضا
• كثرة الضغط على الفرامل بدون داعى بيعرض الى زيادة الاستهلاك خصوصا والعربية لسه باردة الصبح
• لما تكون محمل فى الشنطة حاجات كتيرة وتقيلة والعربية فيها ناس معاك قدام وفى الخلف يبقا حتستهلك
• شيك على الحساسات زى حساس الاوكسجين وبوابة البنزين ,لان لو فيهم اى خلل ممكن ياثروا ايضا
  
  
  

نصيحة شيك على كل ده وتجنبه وصلح اللى تقدر عليه والدنيا حتتظبط معاك

واخيرا معلومة على الماشى:10D5C8w1107:

احسن وقت تعبى بنزين فيه لما تدخل محطة البنزين الفجر ولغاية الصبح بدرى قبل ما الشمس تكون حامية وليس المساء او الظهر لان كلما انخفضت درجة حرارة الأرض كلما زادت كثافة الوقود و العكس صحيح فكلما زادت الحرارة تمدد الوقود لذلك إن عبيت الوقود بعد الظهر أو في المساء الليتر الذي تشتريه ليس بليتر كامل

دايما الار بى ام خاليه ميعديش ال3000

واستمتع بعربيتك :B4_033:وحافظ عليها عشان تصونك وخاليك حنون عليها دايما ومهتم :B4_007:بيها

تقبلوا تحياتى
احمد مصطفى

الف الف شكر يا احمد علي المعلومات القيمة ديه و رغم انك تيداوي انما محبتك لأعضاء المنتدي و قسم نيسان دا بيزود محبتك في قولبهم اكتر و اكتر و طبعا دا كله حاجة و معزتك عندي بقي حاجه تانيه خالص
اخوك
بيشوي

السلام عليكم
تاكيدا لكلام الأخ أحمد انا كان عندى مشكله ف الاستهلاك العالى للبنزين مع الاحساس ان العربيه ما بتسحبش غير بعد فتره خاصه بين الأول و الثانى و ووديتها التوكيل و فعلا اكتشفوا أن المشكله فى حساس الأوكسجين و بوابه البنزين مما كان يتسبب فى دخول كميه كبيره من البنزين و قد قام المهندس من توكيل السبع بالمعادى باكتشاف المشكله و تم ضبط الحساس على القيمه الصحيحه و من ساعتها حسيت ان سحب السياره اتحسن كثير و حاليا بقيس الاستهلاك - ملحوظه السياره مو 2010 اتوماتيك و المسافه المقطوعه كم3000

اقتباس:

---

المشاركة الأصلية كتبت بواسطة peaceman

الف الف شكر يا احمد علي المعلومات القيمة ديه و رغم انك تيداوي انما محبتك لأعضاء المنتدي و قسم نيسان دا بيزود محبتك في قولبهم اكتر و اكتر و طبعا دا كله حاجة و معزتك عندي بقي حاجه تانيه خالص
اخوك
بيشوي

---

شاكر تقديرك الغالى ده دايما يا بيشوى
والموضوع مع ان فعلا كل ملاك التيدا مش بيشتكوا من موضوع البنزين وان كان بردوا مفيد ليهم ولاى ملاك سيارة فى العموم
وبالاخص حيفيد كل الناس اللى لسه فى السواقة جدد , ومعندهمش خبرة فى الموضوع ده ,
وحيفيد الناس اللى مقبلة على شراء السيارة وماشيين ورا الشائعات وخلاص , فخليهم يعرفوا ويتاكدوا انها مشاكل فردية مش اكتر , وممكن ميكنش فى مشكلة اصلا

اقتباس:

---

المشاركة الأصلية كتبت بواسطة wshawky

السلام عليكم
تاكيدا لكلام الأخ أحمد انا كان عندى مشكله ف الاستهلاك العالى للبنزين مع الاحساس ان العربيه ما بتسحبش غير بعد فتره خاصه بين الأول و الثانى و ووديتها التوكيل و فعلا اكتشفوا أن المشكله فى حساس الأوكسجين و بوابه البنزين مما كان يتسبب فى دخول كميه كبيره من البنزين و قد قام المهندس من توكيل السبع بالمعادى باكتشاف المشكله و تم ضبط الحساس على القيمه الصحيحه و من ساعتها حسيت ان سحب السياره اتحسن كثير و حاليا بقيس الاستهلاك - ملحوظه السياره مو 2010 اتوماتيك و المسافه المقطوعه كم3000

---

شاكر مرورك الغالى والكريم ده , ولعى اضافتك وتاكيدك للمعلومة بتاعت الحساس والبوابة وفعلا كلامك صح جدا وبياثروا فعلا فى سحب العربية كمان , وبيادوا على زيادة الاستهلاك

وعلى فكرة كمان انا نسيت اذكر بردوا ان فتح الزجاج وانت ماشى وعلى سرعة كبيرة بياثر بردوا فى الاستهلاك

ونتمنى من الاعضاء المشاركة ونسمع ارائهم فى الموضوع ومنكتفيش بالمشاهدة فقط , خصوصا اللى عنده ملعومة ممكن يفيدنا بيها او ياكدها
وشكرا

يا باشا الله ينور على فكره الخبر ده نزل فى موقع اخبارك

السلام عليكم
الخبر فعلا علي موقع اخبارك
يا جماعه انا وعن تجربه شخصيه مع عربيتي صني 2008 عامله 90 الف كيلو مانيوال انا شايف ان استهلاك العربيه طبيعي جدا بالنسنه لحجمها وانها 1600 سي سي ومقارنة مع تفس فئتها من الماركات الاخري انا العربيه بتعمل معايه القياسات دي
260 ك لكل 20 لتر داخل البلد و التكييف يعمل علي فترات
245 ك لكل 20 لتر بسرعه ثابته 110 و عكس اتجاه الرياح والرياح شديده جدا ( طريق الغردقه الزعفرانه )
320 ك لكل 20 لتر ( اه والله العربيه عملت معايه الرقم ده ) بسرعه ثابته 110 وفي اتجاه الرياح والرياح شديده ( طريق الزعفرانه الغردقه ) ( انا حبيت اوضح ان سرعه واتجاه الرياح لهما اثر شديد علي استهلاك البنزين )
235 ك لكل 20 لتر بسرعه عاليه ( اعلي من 120 واقل من 170 )
ان شايف ان هذه القياسات تدعم وحهه نظر الاستاذ احمد مصطفي في ان طريقه القياده والظروف المحيطه لهما اثر كبير علي استهلاك البزين وكذلك الحاله العامه للسياره
اخوكم مصطفي

موضوع جميل يا احمد باشا
و ربنا يكرمك و يجزيك الخير

اقتباس:

---

المشاركة الأصلية كتبت بواسطة megahed124

يا باشا الله ينور على فكره الخبر ده نزل فى موقع اخبارك

---

الله يخليك يا يا احمد باشا
هو فكرة موقع اخبار انه بياخد الاخبار والموضوعات المميزة من كل المواقع المشهورة سواء فى العالم او الشرق الاوسط , ويعلن عنها عنده , لانه ده تخصصه , ولما بتفتح الخبر من موقع اخبارك بيدخلك علينا على نايل موتورز على قسم اخبار السيارات فى منتدانا , اللى موجود منه نسخة من الموضوع هناك
والحمد لله ان موقعنا نايل موتورز من المواقع المشهورة جدا والمتخصصة فى مجال السيارات تحديدا واللى دايما محط انظار كل الاعضاء والزوار والمواقع الاخرى اللى بتستمد منه الاخبار الحصرية اللى عندنا والاخبار المهمة عن السيارات , ودايما كل الموضوعات اللى فى منتدانا موضوعات قيمة وغنية بالمعلومات ,
والى الامام نايل موتورز

اقتباس:

---

المشاركة الأصلية كتبت بواسطة mema75

السلام عليكم
الخبر فعلا علي موقع اخبارك
يا جماعه انا وعن تجربه شخصيه مع عربيتي صني 2008 عامله 90 الف كيلو مانيوال انا شايف ان استهلاك العربيه طبيعي جدا بالنسنه لحجمها وانها 1600 سي سي ومقارنة مع تفس فئتها من الماركات الاخري انا العربيه بتعمل معايه القياسات دي
260 ك لكل 20 لتر داخل البلد و التكييف يعمل علي فترات
245 ك لكل 20 لتر بسرعه ثابته 110 و عكس اتجاه الرياح والرياح شديده جدا ( طريق الغردقه الزعفرانه )
320 ك لكل 20 لتر ( اه والله العربيه عملت معايه الرقم ده ) بسرعه ثابته 110 وفي اتجاه الرياح والرياح شديده ( طريق الزعفرانه الغردقه ) ( انا حبيت اوضح ان سرعه واتجاه الرياح لهما اثر شديد علي استهلاك البنزين )
235 ك لكل 20 لتر بسرعه عاليه ( اعلي من 120 واقل من 170 )
ان شايف ان هذه القياسات تدعم وحهه نظر الاستاذ احمد مصطفي في ان طريقه القياده والظروف المحيطه لهما اثر كبير علي استهلاك البزين وكذلك الحاله العامه للسياره
اخوكم مصطفي

---

شاكر مرورك يا استاذ مصطفى وعلى تاكيدك لبعض المعلومات فعلا , وسرد تجربتك , وفعلا بياثر المشى عكس اتجاه الرياح , والموضوع بقا غنى بتاكيدك كمان بالارقام فيه
مشاركة غنية بالملعومات وجزاك الله خيرا

اقتباس:

---

المشاركة الأصلية كتبت بواسطة د.أحمد السعيد

موضوع جميل يا احمد باشا
و ربنا يكرمك و يجزيك الخير

---

العفو يا دكتور وتحت امرك وتحت امر الاعضاء كلهم ,

الله ينور يا استاذ احمد موضوع جميل وخصوصا نقطه ان الواحد يمون بدرى

استاذ احمد بجد انت كالغيث اينما وقع نفع



في المساء الليتر الذي تشتريه ليس بليتر كامل

طيب يا استاذ احمد ممكن الواحد مثلا يمون بالليل 30 ليتر ويحاسب على 27 بس ههههههههه

اقتباس:

---

المشاركة الأصلية كتبت بواسطة salmay

الله ينور يا استاذ احمد موضوع جميل وخصوصا نقطه ان الواحد يمون بدرى

استاذ احمد بجد انت كالغيث اينما وقع نفع



في المساء الليتر الذي تشتريه ليس بليتر كامل

طيب يا استاذ احمد ممكن الواحد مثلا يمون بالليل 30 ليتر ويحاسب على 27 بس ههههههههه

---

تسلم يا فندم على تقديرك وكلامك الطيب ده بجد اللى بيدل على طيبة شخصيتك
الواحد حط فى الموضع عسارة كل المشاكل اللى ممكن تاثر فى استهلاك البنزين عشان الناس تاخد بالها وتستفاد منه
والمعلومات بتزيد وبتتاكد بيكم , وبنتمنى ان الكل يستفاد
وفعلا تموين البنزين من الفجر لغاية الصبح دى افضل:verygood: فترة زى ما وضحت
وربنا يهدى اسعار البنزين لان بيوتنا اتخربت:36_7_4[1]: من مصاريف البنزين بسبب الزحمة الزائدة فى شوارع مصر

متشكرين يا استاذ احمد على المعلومات الجميلة و القيمة دى و ربنا يباركلك

اقتباس:

---

المشاركة الأصلية كتبت بواسطة basemsaeed

متشكرين يا استاذ احمد على المعلومات الجميلة و القيمة دى و ربنا يباركلك

---

تحت امرك وشاكر مرورك يا استاذ باسم وكلنا بندور على المعلومات المفيدة اللى بتفيدنا وده اللى الهدف اللى بنسعى اليه دائما فى قسم نيسان

شكرا على المعلومات المفيدة وجزاك الله خيرا

المجهود الجبار ده مايطلعش غير من احمد باشا وعلى فكرة انا كنت دايما بشتكي من استهلاك البنزين لانه كان بيعمل 160كم في الصفيحة داخل البلد لغاية ما روحت في يوم اسكندرية رايح جاي في نفس اليوم لقيتها عملت معايا 300كم في الصفيحة ففهمت ان العيب في زحمة شوارعنا وان احنا اللي من التعود مابقيناش نحس ان احنا بنقف في الاشارة الواحدة اكثر من ربع ساعة والعربية دايرة وبتحرق في بنزين على الفاضي والف شكر يا احمد باشا على مجهودك العظيم وعلى الشرح الوافي.

اقتباس:

---

المشاركة الأصلية كتبت بواسطة طائر الليل

شكرا على المعلومات المفيدة وجزاك الله خيرا

---

تحت امرك يا فندم وشاكر مرورك الكريم

اقتباس:

---

المشاركة الأصلية كتبت بواسطة maged george

المجهود الجبار ده مايطلعش غير من احمد باشا وعلى فكرة انا كنت دايما بشتكي من استهلاك البنزين لانه كان بيعمل 160كم في الصفيحة داخل البلد لغاية ما روحت في يوم اسكندرية رايح جاي في نفس اليوم لقيتها عملت معايا 300كم في الصفيحة ففهمت ان العيب في زحمة شوارعنا وان احنا اللي من التعود مابقيناش نحس ان احنا بنقف في الاشارة الواحدة اكثر من ربع ساعة والعربية دايرة وبتحرق في بنزين على الفاضي والف شكر يا احمد باشا على مجهودك العظيم وعلى الشرح الوافي.

---

اولا استاذ ماجد انا سعيد بتقديرك وشعورك الطيب , اللى بيدل ايضا على انك انسان محترم , وباذن الله نتشرف بيك ونتعرف عليك فى المقابلة الجاية باذن الله لنسيان

فعلا شوارعنا الزحمة مبقتش مقياس للحكم على استهلاك البنزين
بس معقولة استهلاك البنزين للصنى معاك كان 300 فى الصفيحة , دى حاجة كويسة جداااا

اولا استاذ ماجد انا سعيد بتقديرك وشعورك الطيب , اللى بيدل ايضا على انك انسان محترم , وباذن الله نتشرف بيك ونتعرف عليك فى المقابلة الجاية باذن الله لنسيان

فعلا شوارعنا الزحمة مبقتش مقياس للحكم على استهلاك البنزين
بس معقولة استهلاك البنزين للصنى معاك كان 300 فى الصفيحة , دى حاجة كويسة جداااا[/QUOTE]



يا باشا ده الشرف لي انا وان شاء الله اشوفك في المقابلة الجاية وعلى فكرة فعلا العربية عملت معايا 300كم في الصفيحة بس دلوقتي بتعمل حوالي 280 كم ويمكن ده عشان محتاجة فلتر هواء او بوجيهات لكن فعلا هي عربية محترمة جدا. :M_yes[1]: :M_yes[1]:

موضوع مميز كما عودتنا يا أحمد
بفكر فى شراء عربية على بداية 2011
فهل المعلومات دى تنطبق على كل انواع السيارات وعلى فقط نيسان ؟

ممتاز ممتاز ممتاز شكرا

موضوع ممتاز اشكرك على المعلومات المفيدة

اقتباس:

---

المشاركة الأصلية كتبت بواسطة baskota

موضوع مميز كما عودتنا يا أحمد
بفكر فى شراء عربية على بداية 2011
فهل المعلومات دى تنطبق على كل انواع السيارات وعلى فقط نيسان ؟

---

الله يخليكى يا بسكوتة

المعلومات دى تفيد اى عربية كمان مش شرط نيسان

دى كلها اسباب مهمة لازم نحطها فى الحسبان ونعرفها عشان لو حد اشتكى من زيادة الاستهلاك

الف مبروك مقدما العربية اللى حتجبيها
بس ياريت تكون حاجة من نيسان :049:

اقتباس:

---

المشاركة الأصلية كتبت بواسطة modyficg

ممتاز ممتاز ممتاز شكرا

---

الله يخليك يا فندم وشاكر تقديرك الغالى

اقتباس:

---

المشاركة الأصلية كتبت بواسطة m.nasr

موضوع ممتاز اشكرك على المعلومات المفيدة

---

الله يخليك يا فندم وشاكر مرورك الكريم

الف شكر يا حماده علي الموضوع الجميل ده ,,

الله يبارك فيك يا موحا
ونورت الموضوع يا باشا

انا نشط الموضوع ده تانى عشان اللى مكنش قرائه قبل كدا يشوفه والناس تستفاد منه

تحياتى

موضوع مهم جدا جدا ... وياريت فعلا كله ياخد باله منه ويشيك علي الحاجات اللي ممكن تزود استهلاك البنزين
والناس تتأكد ان استهلاك البنزين ليه عوااامل كتير اوي مش العربية بس

فعلا لو الناس اخدت بالها من الموضوع ده .. هتوفر كتير اوي في استهلاك البنزين

موضوع ممتاز يا بو حميد بجد
وفعلا موضوع كثافة البنزين اللي بيقل بالنهار دة انا لاحظته ودة بياثر علي كمية البنزين اللي بتشتريها

دايما كدة يا ابوحميد بتدينا كمية هايلة من المعلومات القيمة
ربنا يباركلك والله ويزيدك

سلام عليكم

والله معلومات جميلة و مفيدة يا استاذ احمد و هاتفيد كل الناس مش سائقي النيسان بس

انا عن نفسي استفدت لأني لسة برضو مش عارفة احسب استهلاك عربيتي بالضبط و حاسة انها بتاكل بس هاجرب التعليمات دي و اشوف اخبارها ايه

جزاك الله خيرا

اقتباس:

---

المشاركة الأصلية كتبت بواسطة sonasteel

موضوع مهم جدا جدا ... وياريت فعلا كله ياخد باله منه ويشيك علي الحاجات اللي ممكن تزود استهلاك البنزين
والناس تتأكد ان استهلاك البنزين ليه عوااامل كتير اوي مش العربية بس

---

بالظبط ده اللى بنقوله ان فى عوامل كبيرة جداااا بتاثر

ما انا مبيقاش رجلى تقيلة على العربية فى ودوسة البنزين او مع النقلات بحرق , او فى خلل فى العربية مش متظبط , واجى اقول العربية شرسة

اقتباس:

---

المشاركة الأصلية كتبت بواسطة peaceman

فعلا لو الناس اخدت بالها من الموضوع ده .. هتوفر كتير اوي في استهلاك البنزين

---

ياريت بيشوى والله الموضوع ده ينتبه ليه الاعضاء والناس جميعا

اقتباس:

---

المشاركة الأصلية كتبت بواسطة ahmed_hanafi

موضوع ممتاز يا بو حميد بجد
وفعلا موضوع كثافة البنزين اللي بيقل بالنهار دة انا لاحظته ودة بياثر علي كمية البنزين اللي بتشتريها

دايما كدة يا ابوحميد بتدينا كمية هايلة من المعلومات القيمة
ربنا يباركلك والله ويزيدك

سلام عليكم

---

الله يباركلك يا بوحميد يا حبيب قلبى , يا رافع معنوياتى للسماء

تحت امرك وامر الاعضاء .. المهم الناس تاخد بالها وتعمل ليه

اقتباس:

---

المشاركة الأصلية كتبت بواسطة donzi

والله معلومات جميلة و مفيدة يا استاذ احمد و هاتفيد كل الناس مش سائقي النيسان بس

انا عن نفسي استفدت لأني لسة برضو مش عارفة احسب استهلاك عربيتي بالضبط و حاسة انها بتاكل بس هاجرب التعليمات دي و اشوف اخبارها ايه

جزاك الله خيرا

---

الله يخليكى يا دونزى .. معلومات فعلا مفيدة , ولو عملت بيها واخدتى بالك منها اكيد حتفيدك جدا فى تظبيط استهلاك العربية

يعني الصراحه موضوع ولا احسن ولا اروع من كده بجد يعني
جزاك الله خيرا

1000 شكر يا باشا ع المعلومات المهمة دى
انا فعلا لاحظت فى اخر شهر مع مشاكل الضفيرة ان الاستهلاك زاد مع انى باستخدم العربية فى نفس المشاوير وطريقة السواقة لدرجة ان ال40 لتر بقوا يعملوا 420-460 كم بدل من 480-530 كم

شكرا يا احمد باشا على الملحوظات والنصائح الهامة جدا دي .. بس الارقام اللي البعض كاتبها هنا ما شاء الله تعقد بصراحة : 320 كم في ال 20لتر على الطريق السريع و260 داخل البلد وبالتكييف !!!! انا متوسطي على الطريق السريع 230-245 كم / 20 لتر ومن 160- 200 داخل البلد وبتكييف او بدون حسب الأحوال...
وكل سنة وانت والاسرة وجميع الأعضاء بخير وصحة وسلام.

اقتباس:

---

المشاركة الأصلية كتبت بواسطة K_Morsy

شكرا يا احمد باشا على الملحوظات والنصائح الهامة جدا دي .. بس الارقام اللي البعض كاتبها هنا ما شاء الله تعقد بصراحة : 320 كم في ال 20لتر على الطريق السريع و260 داخل البلد وبالتكييف !!!! .

---

بصراحة الارقام دى ما تجيش الا فى حالة واحدة السرعة ما تزيدش عن 90-100كم/س
و2500 rpm من الاخر تشم البنزين بدون حرق ولا جرى فوق ال100 :E_braces[1]:

انا عن نفسى عربيتى جديدة العداد عامل 1500 ك دلوقتى وحبيت اسجل قراءة العداد علشان اتابع الاستهلاك
وبداءت اظبط العداد b دايما مع التموين
واول قراءة مختلفة جدا مع ان سواقتى لا تتجاوز 100 ك وطبعا فى اشارات علشان ان مكان عملى فى وسط البلد

عملت 280 كم وتم التموين فوجئت بانى سحبت 35 لتر ب 65 جم

وده معنا ان الصفيحة (20) لتر تعمل معايا 160كم مش عارف اذى تعمل 320 كم ..... !

برجاء المتابعة ياجماعة علشان اذا كان الكلام اللى مكتوب 20 لتر يعمل 320 كم صحيح

يبقى انا عندى مشكلة مع ان العربية لسة جديدة استلمتها يوم 17/07/2011 لسة مكملتش شهر
وبمون الصبح الساعة 7 صباحا والسرعة لا تزيد عن 100 كم خالص

الله عليكم و يبارك فيكم انا جديد فى الننيسان و كنت فاكر ان الدنيا مفيهاش قطع غيار علشان الناس مدوخنى شوية عليها و لكن بعد ان رايت هذا المنتدى حسيت ان الدنيا لسة بخير و مش عايش لوحدى

موضوع غاية فى الأهمية

شـــكـــراً

صدقت

الف شكر يا ابو حميد على المعلومات القيمه دى ( وهو ده المتعودين عليه منك يا ابو الكرم)
و فعلا عن تجربه ان بنزين الصباح مختلف عن اى فتره تحس انك حاطت بنزين 95 فى السحب وفى نفس الوقت بيعد معاك فتره اكبر (بنزين مبروك شويه)
واحب اضيف ان انا لحظت ان بعض الناس مش وخدين بالهم نم زرار الاوفير درايف وسيبين المبه مفتوحه علطول وده بزود استهلاك البنزين بشكل كبير لذلك ينصح بعدم تشغيل هذا الوضع الا عند الضروره كما تم شرحه فى كثير من مواضيع قسمنا الجميل

ممكن اضيف حاجة مهمة جدا جدا جدا

الللي بيمشي على طرق سريعة حتى لو في الشتا يشغل التكييف افضلو لان بمجرد ما يفتح الشبابيك فده بيزود المقاومة وبالتالي استهلاك البنزين وفي دراسة يتؤكد ان جسم السيارة خلقة سبب في استهلاك 50 في المية من البنزين فما بالك فتح الشبابيك

اقتباس:

---

المشاركة الأصلية كتبت بواسطة darkmagician

ممكن اضيف حاجة مهمة جدا جدا جدا

الللي بيمشي على طرق سريعة حتى لو في الشتا يشغل التكييف افضلو لان بمجرد ما يفتح الشبابيك فده بيزود المقاومة وبالتالي استهلاك البنزين وفي دراسة يتؤكد ان جسم السيارة خلقة سبب في استهلاك 50 في المية من البنزين فما بالك فتح الشبابيك

---

:satelite::satelite:

اقتباس:

---

المشاركة الأصلية كتبت بواسطة y2y1500

:satelite::satelite:

---

انت بقالك فترة متفق عليه ودي حاجة كويسة :ma: