اعمل ايه

**zego** · 02-10-2010 08:29 PM

انا مقبل علي شراء عربية كمان كام شهر كدا وبصراحة استقريت علي بروتون بيرسونا وفضلتها عن السيراتو مع انى ممكن اجيب سيراتو وكاملة بس انا حبيت البيرسونا من ناحية الشكل والامكانيات والسعر ونقريبا جمعت من ع النت صور لها كتير جدا من الداخل وشوفتها كذا مرة في الشارع وعجبتنى
لغاية كدا تمام .......................
ظهر لي بقي حاجة تانية الا وهي الواجا فلاقيت سعرها زايد شوية عن البيرسونا فمش عارف هل هيا احسن والا لا وبعدين بحثت برده ما وصلتش لحل الاقي عربية شبه القرش وعليها علامة بروتون
فلو سمحتوا عايز مقارنة تفصيلية للعربيتين دول لغاية الكماليات بالنسية للاتنين هيبقي اوتوماتيك هاي لاين
وعايز نصيحة اخوية اى عربية من الاتنين دول هتقدر تعيش 10 سنين كدا والا الغى فكرة البروتون بس لو لاغيتها هانوه واتبرجر فياريت الرد يا جماعة

**eng.m7md.ali** · 02-10-2010 08:33 PM

الواجا شياكة وفخامة اما البرسونا شياكة وشبابي كمان بس الواجا اوسع من الداخل والبرسونا شنطة كبيرة جدا
نفس الامكانيات بس انا افضل البيرسونا او الجين2
استخير ربنا وانزل شوف الاتنين في المعرض وصدقني مش هتحتار

**wekabika** · 02-10-2010 08:41 PM

انا اسمع ان قطع الغيار في الواجا اغلي من البيرسونا بس طبعا أ/فيلكس يفدنا اكتر

**M.almaghraby** · 02-10-2010 09:33 PM

دوس فالبرسونا يا باشا و توكل علي الله قطع غيارها متوفقة كلها تقريبا مع الجين2 اما عن 10 سنين دي ..... خليها 15 بس اعمل صيانة و ظبطها

**jisso82** · 03-10-2010 01:19 AM

بص يا سيدى بالنسبة للإمكانيات الاتنين واحد ككماليات و ثبات مع إن فيه ناس بتشكر فى البرسونا أكتر و كمان كصاج و كعوامل أمان ما يتفرقوش عن بعض و تقريبا سعرهم واحد و الأغلى بس الواجا البريميم و دى صالونها جلد و أفخم حبة و فيها مرايات بإشارة أما الواجا الهاى لاين العادية فهى تقريبا نفس سعر البرسونا الهاى لاين أما البرسونا 2011 فغالبا هتنزل الإليجانس و دى تقريبا الفئة الأعلى منها هى هى الواجا البريميم.
أما بالنسبة للاختلافات فصالون الواجا أوسع و خاماتها الداخلية أفخم بدرجة بسيطة تكاد ماتكونش ملحوظة و لكن أكبر فرق بينهم و عيب قوى للواجا إن قطع غيارها أغلى بكتير و مش منتشرة بره نفس انتشار قطع غيار البرسونا

**ahmedfathy77** · 03-10-2010 01:48 AM

على فكرة فيه تخفيضات جامدة جدا على الواجا والبيرسونا اليومين دول لو قريت ملحق الاهرام امبارح هتشوف الاعلان فممكن حضرتك تتصل بيهم او نسالك فى التوكيل عن الخصومات لو انت عاوز وربنا يوفقك للخير ان شاء الله .

**Tarek Gen 2** · 03-10-2010 02:10 AM

المشاركة الأصلية كتبت بواسطة ahmedfathy77

على فكرة فيه تخفيضات جامدة جدا على الواجا والبيرسونا اليومين دول لو قريت ملحق الاهرام امبارح هتشوف الاعلان فممكن حضرتك تتصل بيهم او نسالك فى التوكيل عن الخصومات لو انت عاوز وربنا يوفقك للخير ان شاء الله .

**spiderloking** · 03-10-2010 03:19 AM

بص يا سيدي البرسونا اكثر شبابيه و اعلي شويه من الواجا عن الارض الواجا اكثر فخامه و من جوه اوسع شويه بس البرسونا شنطتها بحر و اوسع من شنطة الواجا العربيتين عائليتين انت استخر ربنا و انزل بردوا اتفرج علي العربيتين تاني و قرر بس نصيحتي ليك هات برسونا قطع غيار منتشره ايلا حد ما لأنها زي الجين 2

**ahmedfathy77** · 03-10-2010 03:29 AM

المشاركة الأصلية كتبت بواسطة tarek gen 2

يا مظبطنا يا طارق

على طول فى السريع كده

**zego** · 03-10-2010 02:03 PM

متشكر ليكم كلكم وان شاء الله هتكون البيرسونا الإليجانس ان شاء الله وكنت خايف ان يكون حاجة موجودة احسن من البيرسونا

الموضوع: اعمل ايه

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز اعمل صيانة ليارس عاملة 128 الف كيلو اعمل فين

معايا 100الف جنيه وعايز اعمل مشروع اعمل ايه ؟

انا عايز اعمل صيانة للانترا فى التوكيل .. اعمل اية ولا اكلم مين

حد يقولى اعمل اية فى السقف او يقولى اعمل اية فى الكلاب

معلش يا جماعة اعمل ايه ، شاشة العداد في الميجان فاصلة عندي اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة