الموضوع: مساعده من المهندسين في المنتدى

المشاركة الأصلية كتبت بواسطة mr_vampire

ماباليد حيلة (انا تحكم الي مش مدني) بس قلت ادخل اشجع اللعبة الحلوة واكون اول المشاركين يمكن ربنا يبعت.

المشاركة الأصلية كتبت بواسطة shiko85

انا كنت عايز اساعد بس للأسف انا مهندس طيران

متشكره جدا لذوقكم وكفايه نية المساعده

المشاركة الأصلية كتبت بواسطة محمد عز

انا هضيف بعض الافكار اللى بيها المشروع يبقى متكامل بس ده هيتطلب إضافى بعض اللوح البسيطة.

1- مقدمة (تشمل ايه سبب المشروع ، لمحات عامة عن المشروع)

2- مكان المشروع (هوا فين بالظبط ومعاه خريطة بسيطة بتوضح مكان المشروع)

3- تفاصيل عامة عن المشروع (طبيعته ، فكرته ،المكونات الرئيسية، المنطقة المحيطة بالمشروع وطبيعتها.... )

4- التفاصيل الفنية

4.1 مسقط المشروع الكلى ويوضح اماكن الخدمات وتوزيع الاستخدمات والانشطة (مجرد اسيكتش لغرض توضيح الاستخدمات المختلفة للمشروع)

4.2 توزيع الكثافات فى المشروع

4.3 مخطط المشروع الكامل (المخطط العام اللى بيضم كافة الانشطة)

4.4 بعض الاسقاطات لمستوى العين يوضح بعض تفاصيل الجميليه

4.5 اللاند سكيبينح

4.6 لو يقدر يعمل تحليل للشمس (solar analysis) وازاى قدر يستفيد منها فى المشروع

4.6 شبكة الطرق واتجاهات الحركة

4.7 اماكن ركن السيارات

4.8 المشاه واماكن العبور ورصيف المشاه وقطاع عرضى للطريق يوضح اماكن المشاه (يوفر عرض مناسب يكفى ل 2 مشاه ) وطبعا الاشجار اللى هتجذب الناس للمشى وتوفرهم بيئه مناسبه


5 ملخص المشروع

ده تصور منى للمشروع ، يفضل طبعا مهندس معمارى لان هيكون رؤيته احسن منى لانى مهندس طرق

متشكره جدا لحضرتك
التفاصيل دي مهمه جدا وممكن كمان يضيف دراسه مبسطه لإقتصاديات المشروع
بس في بعض البنود هيبقى صعب عليه انه يكتب فيها لأنها عايزه متخصص
زي موضوع تحليل الشمس ودراسة شبكة الطرق

المشاركة الأصلية كتبت بواسطة eng/muhamad

انا سكالوريوس مدنى السنه دى
بس معلش ممكن اعرف حضرتك فى سنه كام و فى جامعه ايه ؟؟؟؟
اصل انا شايف الدكتور اللى طالب الحاجات دى مفترى شويه
و هحاول اساعد ان شاء الله

البحث ده مطلوب من طالب في المدرسه مش في الكليه

المشاركة الأصلية كتبت بواسطة kareemz

و أنا كمان كهربا مش مدنى .. بس فكره رائعه بصراحه.

شكرا يا افندم
هي فكره حلوه بس متعبه حبتين
مش عارفه هي فكرة الطالب ولا المدرس