لو معايا 20000 ... ايه اللي ممكن اجيبو بيهم؟؟؟

**speed demon666** · 03-10-2010 02:35 PM

السلام عليكم ورحمة الله وبركاته

انا معايا يا جماعة في حدود 20000 جنيه و عايز اني اجيب عربية استهلاك البنزين معقول و قطع غيار متوفرة و اعتمادية , في بعض الاوبشنز :
بيكانتو
سبارك
جيلي باندة

يعني دول الي موجودين حاليا و القسط يكون في حدود 700

لو في مستعمل شايفينو كويس ممكن تقترحوه بردو , انا لسة بدور لأني احتمال ابيع عربيتي و محتاج عربية مكانها

و شكرا

**tito_1980** · 03-10-2010 04:33 PM

بدل التقسيط و وجع الدماغ
جيب ريجاتا نضيفه
و صدقني مش هتندم

**shiko85** · 03-10-2010 04:46 PM

مستعمل
يبقى زود 5 او 6 كمان و شوف جيلى فروته (نصيحه عن تجربه), فيها كماليات كتير مصاريفها مناسبه جدا قطع غيارها فالتوكيل و التوفيقيه و شارع القصر العينى بأسعار معقوله
لو عندك اى استفسار بخصوص العربيه انا تحت امرك

**tito_1980** · 03-10-2010 05:12 PM

شوف جيلى فروته

يا راجل يا طيب ده حضرتك بتلبسه في حيطه اسمنت ... حضرتك الوحيد اللي شوفته بيشكر في العربيه دي و اتمني طبعا تفضل راضي عنها علي طول

**mxz911** · 03-10-2010 05:49 PM

جيلى ايه بس !!

انا رأى تشوف ريجاتا حالتها نظيفه مكيفه .. او تزود 7 كده وتجيب ابيزا 94 مكيفه هتبقى كوبيه اعتقد عشان ال 4 باب هتبقى اغلى من 27 ..
وممكن تشوف اكسيل حلوه على 28

**shiko85** · 03-10-2010 06:02 PM

المشاركة الأصلية كتبت بواسطة mxz911

جيلى ايه بس !!

شكرا

**mxz911** · 04-10-2010 03:10 AM

المشاركة الأصلية كتبت بواسطة shiko85

شكرا

حضرتك متفهمش أصدى غلط !! انا فى المقام الاول احترم رأيك ولكنى لى رأى الخاص ولا اقصد الاهانه ولا اى شئى يعنى حتى لو كان دخل الشيرى ال qq فى المشاركه برضه كنت قلت نفس رأى زيها زى الجيلى ...

العربيه الجيلى بصراحه وبدون زعل ناس كتير جدا جدا جدا بتشكتى منها وبغض النظر سيبك من الامكانيات المكتوبه دى كلها المهم الاداء فى الاخر ايه !! ولو كانت اللى معاك مريحاك ف يمكن ربنا كتبلك واحده حلوه من نصيبك مكانش فيها اى عيوب او اى حاجه لكن فعلا اللى تشوفه معاه جيلى فروته يحسسك انه شايل هم الدنيا و اللى خلى تمنها يوصل ل 24 الف بعد استعمالها ب فتره ليست كبيره اكبر دليل على كده ( على فكره السعر من ارض الواقع لكذا عربيه لانى فى فتره من الفترات كنت عاوز اشترى هاتشباك ودخلت هيه ف المقارنه بين ابيزا وبونتو فئه ال 1300 سى سى او و ف نفس الوقت اتوس وماتيز و جيلى فروته فئه 1100 سى سى فما اقل )

**speed demon666** · 04-10-2010 03:11 AM

هي الفروتة موجودة عندي في المركز و الناس بتستعملها لتقضية المشاوير و المشتريات لمخزن قطع الغيار , انا شايفها كويسة بس مش داخلا دماغي بصراحة

و انا مش من هواة الريجاتا , انا عارف ان انا معقد شوية بس أكيد انتو عارفين الحيرة اللي الواحد بيكون فيها ساعة الاختيار