الموضوع: حكايتى مع استهلاك البنرين + الفرق بين طلمبة لانوس i ولانوس ii

انا كنت بعانى من صوت عامل زى الصفاره كده جاى من طلمبة البنزين وعداد البنرين بردوه كان مقضيها تهيس بس على فكره كانت شغاله زى الفل وفضلت متعايش معاه فتره كبيره حاولى 7 سنين لغاية وقت كده وخلاص حسيت انى هايجلى هسس من الصفاره ديه لانى كنت بصفر معاها
وسألت هنا فى المنتدى اعمل ايه وقالولى غير موتور طلمبة وبالفعل جبت موتور بــ 200 جندى بوش المانى من عند ابو الحسن فى فيصل و قولت اغير بقى
وهنا كانت الطامة الكبرى ان الموتور اللى عندى مش زى الموتور اللى انا اشتريته وحاولت اركبه بس المحاوله باتت بالفشل
ما ككنش قدامى الا حالين:

1- يا اما اجيب طلمبة مستعمل وانا مافضلتش الموضوع ده لان طلمبة ديه بالنسبالى شى مستهلك فى العربيه وانا بحب لما اغير حاجة انساها واشلها من دماغى فتره

2-او انى اجيب طلمبة جديدة اصليه كاملة واريح دماغى وده الحل اللى انا عملتة وفعلا جبت واحده تانية وركبتها انا بنفسى من عند ابو الحسن برده بــ 500 جندى وريحت دماغى


على فكر طلمبة اللانوس I مختلفه فى الشكل من ناحية (الفلتر والموتور) عن لانوس II (يعنى فى I فى الفلترين واحد راكب على الموتور علطول وهنا الاختلاف بين الموتورين نهايتهم مش زى بعض والتانى راكب على الطلمبه كلها لكن فى II الفلتر من جوه) عشان كده معرفتش اغير الموتور (اللمبى فشل)

اللى عندوه الموضوع ده وناوى يغير الموتور او طلمبة كلها الموضوعين دول هايفدوه اوى وانا شخصيا استفدت منهم:

http://www.nilemotors.net/Nile/59704-a.html

http://www.nilemotors.net/Nile/102602-a.html

وعلى فكرة ديه كانت حكايتى فى رحلت كفاحى مع استهلاك البنزين الغبى اللى مالوش حل لغاية دلوقتى معايا بس برده مش هايئس وهاتنى احول
انا لغايه دلوقتى مغير الاتى
1-رشاشات BMW E40 - 1600 CC و كانت الاعراض تاخير فى الدواره مع دخنة والحمد لله اتحلت
2-شلت علبة البيئه وحطيت ماسوره معا انها كانت سليمة بس كانت فى شوية سخونية من عند الهاند برك والحمدلله اتحلت
3-غيرت طلمبة البنزين
كل ده ولسه بتشرب بنزين زى الخمره ومش محوق فيها اى حاجة وبتعمل 160 KM فى الصفيحة
كده انا مافضليش غير انى اغير حساس الشكمان والله المستعان وبعد كده والله العظيم ما هاحطلها نقطة بنزين تانى وهاولع فيها

بص ياباشا جوه البلد مش مقياس خالص لاستهلاك البنزين

انا عندي النوبيرا بتعمل جوه البلد بالكتير اوي 160 كلم منهم شويه تكييف قول نصهم كده
تقريبا كل الدايو كده
لكن احسب صح بقى على السريع وشوف هاتعمل كام
هاتلاقيها بتعمل مثلا 240

بس طبعا دي حاجة رخمة جدا لان على طول الواحد جوه البلد و مش دايما بيسافر بس هانعمل ايه ياريت اللى عنده حل يقولنا عليه