الموضوع: ساجا ولا اكسنت ولا نيسان ولا جين 2

لو ناوي تبيع بعد فتره قصيره و ميهمكش الشكل اوي
يبقي النيو اكسنت
لو ناوي تحتفظ بالعربيه فتره طويله و بتحب التميز
يبقي الجين 2

المشاركة الأصلية كتبت بواسطة ezzatfox

بص يا باشا كل عربية ليها ميزتها و عيوبها
لو اهم حاجة عندك السعر يبقى الساجا و عيوبها انت عارفها كويس
لو يهمك العربية تكون قليلة الاعطال و المشاكل و موفرة فى البنزين و قطع غيارها متوفرة و سعر اعادة بيعها كويس يبقى الاكسنت
لو الاهم عندك الشكل و بتسافر كتير على سرعات فوق ال 140 كم و فيها كماليات كتير و عوامل امان - و عندك وقت تروح التوكيل عشان بعض المشاكل اللى ممكن تقابلك يبقى الجين 2 .
و اخيرا النيسان يعنى عربية واسعة و برستيجها حلو و اعتمادية عالية بس ترضى بالتقفيل المصرى
شوف اية اهم حاجة عندك و اختار لنفسك حسب احتياجاتك .. و ربنا يوفقك .

+111111111111111
احلي رد شوفته في الموضوع

لو كان السعر وبس ماكنتش حطيط الاكسنت والجين 2 في المقارنه بس زي ما السعر مهم في حاجات تانيه مهمه وممكن تبقي مهمه اكتر من السعر عشان كدا باخد رايكوم
ياعني مادفعش 70000 في عريه وبعد كدا ماحسش اني راكب عربيه زيرو وتتعبني

nissan sunny

بصراحة المقارنة صعبة، علشان الاربع عربيات دي مش فى نفس الفئة، بس تعال نشوف الساجا على اساس انها معايا بقلها 6 شهور
اولا للتوضيح هي مافيهاش سنسورز قدام، عربيه جميلة، مريحة، واسعة، اعتماديه، و ميزات تانيه كتير اكيد حضرتك عرفها و دارسها، كل قرش انا دفعتوه فيها اخذت بيه مميزات وشويه زياده كمان.
العيوب: 1-سعر اعاده البيع، لو حضرتك مش ناوي تبيع قبل خمس او ست سنوات يبقى العيب ده انتها، الله اعلم ايه اللي ممكن يحص بكره، محدش كان يصدق ان البروتون تنتشر كدا على يد الجن2.
2- قطع الغيار: عربية جديده يعني مش هاتحتاج تغير فيها حاجة قبل 3 سنين او اكتر على حسب معاملتك ليها، و لو في عيب صناعة بعد الشر اهي عليها ضمان 3 سنين او 60000ك، و لو خايف من الحوادث يكفينا الشر ممكن تأمن عليها، و كلها كام شهر و تلاقى قطع غيرها مالية السوق علشان هي بدأت تنتشر جامد الحمد لله.
3- استهلاك البنزين: انا كنت بشتكي من الموضوع ده، و اكتشفت مع الوقت ان ده بسبب جهلي بسواقة الاوتوماتيك بس بعد ما اتعودت الدنيا ظبطت، يعني العربيه فى المشوار الطوالي بتعمل 7.1 لتر/100ك، و بالتكيف بتعمل 8.5لتر/100ك، و طبعا جوه البلد محدش هيقدر يحسبها لنها بتختلف باختلاف العوامل المحيطة و اولها الزحمة
4- عيب علبة الدركسيون: الحمد لله مظهرش عندي ولا عند بنت عمتي،ولا عند ابن خلتي ولا عند الاثنين زميلي اللي اشتروها على حسي فى الشغل، يعني كدا كام عربية 5 عربيات ساجا حوليا، و اللي اعرفه ان العلبة اتعدلة فى المدلات الجديده اللي بتنزل دلوقت.
5- بالنسبة للتوكيل انا شايف ان كويس، و بيحاول يسعد العملاء و يلبي طلبتهم، و انه فى تطور مستمر بشهاده كتير من الناس
بالنسبة للنيو اكسنت انا بصراحة معرفش عنها حاجة غير انها اسمها كويس فى السوق، و توكيلها ليس عليه غبار، بس هتدفع فلوس اكتر و تركب عربيه كملياتها اقل.
بالنسبة لجينا موزه البروتون، سمعتها سبقها عربيه من الاخر، و لو فارق معاك الشنطة يبقة البرسونا طبعا، لو تقدر تدوس دوس، منتشره و قطع غيرها مغرأه الدنيا، و بقى فين ناس كتيير بتفهم فيها.
بالنسبة للصني برده انا خبرتي معها قليلة، هي مع ابن خالي، انا ركبتها مره معاه، هي انعم من البروتون، بس هو بيشتكي من التقفيل المصري اللي الكل بيشهدلوه، و بيقولي انها حووت بنزين، و التوكيل بيقلوه ان ده استهلاكها الطبيعي

انا كتبت باستفاضة عني حبيبتي الساجا علشان حنا عشره دلوقت، انا مش ندمان عليها , رجع الزمن بيا كنت برده هشتريها.

بالنسبة لباقى العربيات، ان قلت ماسمعت و عرفت و هو لا يخلو من الخطأ، و فى النهاية صلى استخاره و شوف امكانياتك وتوكل على الله

مع تحياتي أحمد رشوان