عربيتى لانوس 2 موديل 2000 الزجاج الخلفى الكهرباء بقى بطىء فى الصعود رحت لواحد بتاع ظبط ابواب وزجاج قالى انه يوجد بمحطات البنزين ماده مخصوصه لتزييت الزجاج وثمنها 24 جنيه قالى اشتريها واحطها بنفسى فى مجرى الزجاج وهيبقى كويس هل الكلام ده حقيقى
وكمان عايز اعرف نوع وسعر احسن كسوة قماش لصالون السيارة وشكرا
والله يا باشا انا حصل معايا الموضوع ده قبل كده.
واحد كنت باعمل عنده العربية قبل كده عمل مجرة القزاز بالدبليو دي فورتي..
و اشتغل كويس لمده كويسة.. بس تقل تاني..
جرب الدبليو دي و شوف ايه اللي هيحصل..
شكرا على الرد بس مش عايز اشترى حاجه وبعدين تطلع مش كويسه يعنى عايز اعرف الحل الصح بتاع الموضوع ده مش بحب التجارب شكرا
انت برضه عندك حق..
انا كنت اقصد بس ان لو في مشكلة ممكن تمشي نفس بده لحد ما نعرف ايه الحل المظبوط..
وعموما ادينا مستنيين نعرف من حد المعلومة دي و نستعمله احنا الاتنين ان شاء الله..
واهرلا بيك في اي وقت يا ماجد باشا..
والله يا جماعة الموضوع ده عندي برضه و الميكانيكي "+كهربائي" اللي بيشتغل في عربيتي قالي حاجة غريبة بس شغالة تمام "حط بودرة تلك" من بتاعة الأطفال و الحمد لله شغالة تمام
والله حصل معايا نفس الموضوع فى عربيتى الانوس والكهربائى قالى حط بودرة تللك وبعديها اشتغل تمام
الف شكر على الحل الجميل ده إن شاء الله اجربه غدا واقولكم على النتيجه وكده كده البودره مش هتخسر لان الصيف دخل وهنحتاجها
بس محدش قالى من اصحاب اللانوس ايه هى افضل كسوة قماش تصلح للانوس وشكرا
للاسف يا جماعة حطيت بودرة التلك منفعتش والزجاج بطىء زى ما هو محدش عنده حل تانى انا خايف يكون الموتور ضعيف او بيودع
انا كان عندي نفس المشكلة في لانوس 2
و كانت بتزيد بعد الغسيل
شوف يا سيدي
المشكله انه بيبقى في حته من الكاوتش اللي في المجره باظت او اتنت
و الماتور وهو بيزق الازاز المقاومه بتزيد فالماتور بيضعف كل مدى
اللي بيترش ده مزيل صدا اسببراي
بياين المجرة فالمقاومة تقل وده حل ممكن تمشي بيه كتير لكن
في الاخر هتجيب المكنه او الموتور
عامة هات الاسبراي وطلع الازاز دايما والعربية دايره
وقبل ما ترش المجره ابقى نضفها
شكرا لاهتمامك اخى الكريم لكن لو فكيت فرش الباب عند صنايعى يشوفلى ايه الحكايه ولو احتاجت رش ابقى ارش المجرى ولا انت شايف الموضوع مش مستاهل فك الفرش
انا عندى نفس المشكله في عربيه دوجان
افضل حل و ان مجربة و كويس جدا رش على المجرى بتاع الزجاج ملمع تابلوة بس مش اى ملمع لان الملمعات العادية هتشتغل كويس و بعدين تلم تراب و الزجاج هيبطى اكتر-- رش std الامريكى الاصفر لانة مش بيلزق مع التراب
الف شكر بس انا حاسس ان الزجاج مش لازق قوى فى المجرى ولا محشور يعنى الزجاج حر الحركه ممكن تحريكه مسافة 5ملى عن المجرى يعنى مش مزنوق يبقى ايه لازمة التزييت انا حاسس ان الموضوع له علاقه بالوتور
عموما انا كده كده كنت هشترى ملمع std يبقى اجربه واشوف
بس متهيألى اسمه stp مش std
الف شكر
شوف الموضوع دا كان عندي في اللانوس بردوا و الحلول اللي الاعضاء بيقولوا عليها صح و كل حاجه بس المشكله سعتك ان الجلد ده لم تراب من كام سنه اكيد طول الفتره ده محجش فكر يمسحه بفوطه مبلوله من جوه فمهما عملت ساواء بدرة التلك او اي حاجه فهي محطوطه علي تراب و النتيجه مش حتختلف كتير
انا من راي فوط مبلوله الاول و تلفها علي صوباعك و تمشي صوباعك ده داخل المجري كويس حتلاقي الفوطه بقت سود مش مشكله استندف حته تانيه و كرر العمليه لحد ما السواد ده يقل لضمان نداقة المجري كويس و بعدين حط بقي اي حاجه من اللي الاعضاء قالوا عليها و شوف
لو منفعش شوف يمكن تكون المكنه اصلاً ضعفت
جرب في باب وااحد مع التركيز في التنظيف لضمان التنيجه
فلا stp غلطة مطبعية
شكرا للاهتمام اجرب واقولكم
الزجاج تقل خالص خالص وقرب يوصل لدرجة التوقف التام جربت كل الاشياء السابق ذكرها واخيرا جربت الwd ومفيش فايده
يا ترى محدش وصل لحل جذرى للمشكله دى برجاء الاهتمام لانى حاسس ان لو فتحت الزجاج ممكن ميطلعش تانى لانه تقيل جدا جدا وبيقف ويعلق اثناء الطلوع
ولو فى كهربائى او بتاع زجاج او اى صنايعى متخصص فى حل هذه المشكله قولولى
ولا اروح التوكيل ؟
انا كان عندي نفس المشكله في الزجاج الامامي والكهربائي غير اسلاك الزجاج باسلاك سمك اكبر 2مل بالاضافه الي تزييت المجره ووضع بودره تلك علي كاوتش الزجاج
يبقى كده اعتقد مكن الرفع عايز يتغير ويتفك فرش الباب ومكان مجرة الزجاج تتزيت كويس ..لو حضرتك عايز كهربائى كويس وشاطر يظبطهالك فى واحد عندنا فشبرا مصر لو محتاجه ابعتلك رقمه هو حل ليا نفس المشكلة والازاز بتاعى فعلا بقى سريع اوى
السلام عليكماقتباس:
المشاركة الأصلية كتبت بواسطة beshomilan
لو ممكن حضرتك تبعتلى رقمه وعنوانه
والموضوع إتكلف كااام
مع الشكر
مش شرط يتغير ممكن يتفك وينضف ويركب تانى انا عملت كده وبقى كويس بس بعت العربيه بعد كده
انا رايي زي ما قالك احد الاعضاء انك تنظف مجاري الزجاج كويس جدا لان واضح انك زودت الطين بلة بكل الحاجة اللي حطتها ومعملتش نتيجة بل زودتها
اعتقد wd-40 غير مخصص للكاوتش .. حاول تقرأ مكتوب عليه ايه
بعد التنظيف بقي لو لسه بطئ روح لحد متخصص وابقي قولنا عمل ايه...اعتقد ممكن يفك الفرش ويشحم حاجة ويكمل تنظيف عشان اللانوس ازازها مش بينزل للاخر
لو طلع العيب من المجاري بتعت الزجاج ممكن تغيرها
المتر تقريبا ب 3 جنيه او 4 وتريح دماغك من التنظيف