الزجاج الكهرباء بقى تقيل وبطىء قالولى ان له زيت مخصوص

**maged** · 20-03-2008 11:56 PM

عربيتى لانوس 2 موديل 2000 الزجاج الخلفى الكهرباء بقى بطىء فى الصعود رحت لواحد بتاع ظبط ابواب وزجاج قالى انه يوجد بمحطات البنزين ماده مخصوصه لتزييت الزجاج وثمنها 24 جنيه قالى اشتريها واحطها بنفسى فى مجرى الزجاج وهيبقى كويس هل الكلام ده حقيقى
وكمان عايز اعرف نوع وسعر احسن كسوة قماش لصالون السيارة وشكرا

**Ahmad Allawy** · 21-03-2008 12:53 AM

والله يا باشا انا حصل معايا الموضوع ده قبل كده.
واحد كنت باعمل عنده العربية قبل كده عمل مجرة القزاز بالدبليو دي فورتي..
و اشتغل كويس لمده كويسة.. بس تقل تاني..
جرب الدبليو دي و شوف ايه اللي هيحصل..

**maged** · 21-03-2008 10:15 PM

شكرا على الرد بس مش عايز اشترى حاجه وبعدين تطلع مش كويسه يعنى عايز اعرف الحل الصح بتاع الموضوع ده مش بحب التجارب شكرا

**Ahmad Allawy** · 22-03-2008 02:48 PM

انت برضه عندك حق..
انا كنت اقصد بس ان لو في مشكلة ممكن تمشي نفس بده لحد ما نعرف ايه الحل المظبوط..
وعموما ادينا مستنيين نعرف من حد المعلومة دي و نستعمله احنا الاتنين ان شاء الله..
واهرلا بيك في اي وقت يا ماجد باشا..

**mshamy** · 22-03-2008 02:53 PM

والله يا جماعة الموضوع ده عندي برضه و الميكانيكي "+كهربائي" اللي بيشتغل في عربيتي قالي حاجة غريبة بس شغالة تمام "حط بودرة تلك" من بتاعة الأطفال و الحمد لله شغالة تمام

**mody_halawa** · 22-03-2008 08:44 PM

والله حصل معايا نفس الموضوع فى عربيتى الانوس والكهربائى قالى حط بودرة تللك وبعديها اشتغل تمام

**maged** · 22-03-2008 11:34 PM

الف شكر على الحل الجميل ده إن شاء الله اجربه غدا واقولكم على النتيجه وكده كده البودره مش هتخسر لان الصيف دخل وهنحتاجها
بس محدش قالى من اصحاب اللانوس ايه هى افضل كسوة قماش تصلح للانوس وشكرا

**maged** · 23-03-2008 05:21 PM

للاسف يا جماعة حطيت بودرة التلك منفعتش والزجاج بطىء زى ما هو محدش عنده حل تانى انا خايف يكون الموتور ضعيف او بيودع

**M_ashraf** · 25-03-2008 06:07 PM

انا كان عندي نفس المشكلة في لانوس 2
و كانت بتزيد بعد الغسيل
شوف يا سيدي
المشكله انه بيبقى في حته من الكاوتش اللي في المجره باظت او اتنت
و الماتور وهو بيزق الازاز المقاومه بتزيد فالماتور بيضعف كل مدى
اللي بيترش ده مزيل صدا اسببراي
بياين المجرة فالمقاومة تقل وده حل ممكن تمشي بيه كتير لكن
في الاخر هتجيب المكنه او الموتور
عامة هات الاسبراي وطلع الازاز دايما والعربية دايره
وقبل ما ترش المجره ابقى نضفها

**maged** · 25-03-2008 06:17 PM

شكرا لاهتمامك اخى الكريم لكن لو فكيت فرش الباب عند صنايعى يشوفلى ايه الحكايه ولو احتاجت رش ابقى ارش المجرى ولا انت شايف الموضوع مش مستاهل فك الفرش

الموضوع: الزجاج الكهرباء بقى تقيل وبطىء قالولى ان له زيت مخصوص

LinkBack

أدوات الموضوع

عرض

-

-

-

-

-

المواضيع المتشابهه

مشكلة فى الزجاج الكهرباء

الزجاج الكهرباء

الزجاج الكهرباء

الزجاج الفامية الكهرباء

زجاج الكهرباء تقيل

الكلمات الدلالية لهذا الموضوع

المفضلات

المفضلات

ضوابط المشاركة