السلام عليكم..
عايز اعرف يعني ايه oversteering & understeering
ايه الفرق وازاي اتعامل مع عربية oversteering وعربية under steering
وشكرا..
عرض للطباعة
السلام عليكم..
عايز اعرف يعني ايه oversteering & understeering
ايه الفرق وازاي اتعامل مع عربية oversteering وعربية under steering
وشكرا..
YouTube - Oversteer and Understeer on the track
شوف ده
والكليب ده الشرح من الاخر
http://www.youtube.com/watch?v=dyS5ndoA90I
خليك صبور واسمعه للاخر
تحياتي
بمنتهى البساطه
oversteering
تعني انك لما تاخد ملف جامد على سرعة تلاقي العربية تلف حولين نفسها او تعمل دريفت
يعني العربية مستعجلة على الملف
understeering
تعني ان العربية لما تاخد ملف على سرعة متاخدش الملف وتفضل ماشية في طريقها وتطلع برة الشارع
يعني العربية مش مستعجلة اوى على الملف
موضوع جامد ميرسى على الافاده
زى ما الرجاله قالت ...على فكره الفيكترا فيها understeering
عامة العربيات الامامى بيحصل under-steering
والعربيات الخلفى over-steering
هو مش ملحوظ اوى فيها ...شبه منعدم يعنى ..
وبيظهر فى الملفات القاسيه اووووووى على سرعات فوق 170
تقدر تقول من 170 لحد 195 (معدتش بيها 195)
قبل كده عمرك ما هتحس بحاجه ..
وكمان هو ضعيف اوى ..يعنى مش بتخرج برا الملف لا ...بس تحس انها مش بتستجيب 100% للدركسيون ...
ثبات العربيه لا غبار عليه ...عشان تشوف الunder steering فيها مظبوط ...
هتلاقى فى حلقه من توب جير خد بيها ملف قاسى اوى على 240 تقريبا ....كان حاود الدركسيون على الاخر ...وحصل understeering
انما زى ما قلت ..ثبات الفيكترا لا غبار عليه وافضل سياره فى فئتها فى الملفات
يعني العربيه فضلت ماشيه بره الشارع؟؟يا خالد
oversteering
معناها إن العربية بتلف أكتر من اللازم فى نفس إتجاه الملف يعنى العجل الخلفى فقد التوجيه فالعربية بتفقد توازنها بسبب العجلات الخلفية ، يعنى لما تاخد ملف جامد على سرعة معينة حسب إمكانيات كل عربية تلاقي العربية تلف أكثر من اللازم فى نفس إتجاه الملف , يعنى لو بتاخد ملف يمين تلاقيها تحدف يمين قوى
وديه إحتمال حدوثها أكتر فى العربيات الجر الخلفى
understeering
معناها إن العربية بتلف أقل من اللازم فى عكس إتجاه الملف يعنى العجل الأمامى فقد التوجيه فالعربية بتفقد توازنها بسبب العجلات الأمامية ، يعنى انك لما تاخد ملف جامد على سرعة معينة حسب إمكانيات كل عربية تلاقي العربية تلف فى عكس إتجاه الملف , يعنى لو بتاخد ملف يمين تلاقيها تمش على طول أو تحدف شمال
وديه إحتمال حدوثها أكتر فى العربيات الجر الأمامى