i10 اوتوماتيك و لا فيرنا أوتوماتيك؟؟؟؟

**ashraf229** · 04-10-2010 02:20 PM

السلام عليكم

محتار أجيب لزوجتي أي 10 اوتوماتيك ب 70 الف و لا فيرنا أوتوماتيك ب 75 ألف

الفيرنا 1600 و فيها شنطه و ممكن اخدها منها عادي و الأي 10 عملية و موفرة و سهلة الاستخدام و شكلها أحدث و أحس انها أوسع!!!

ارجو الأفادة برأيكم خصوصا ان العربية قسط و مش هتفرق في السعر..........

و شكرا للجميع......

**Sh_sunsea** · 04-10-2010 02:42 PM

رغم ميزة i10 - الرائعة في صغر الحجم وسهولة القيادة - وتوفير الاستهلاك والمميزات الجميلة دي كلها

بس أرجع وأقول حرام يعني - الفارق بين 1100 - 1600 - والفارق في الحجم والشنطة - وكل ده يبقى توفير 5 آلاف جنيه بس - بصراحة مقارنة بالفيرنا - الآي 10 غالية جدا

**tito_1980** · 05-10-2010 02:49 AM

الفيرنا تكسب من حيث المحرك و مساحه الشنطه و قطع الغيار
الاي تن تكسب من حيث استهلاك البنزين و الشكل و السعر

بس طالما لزوجه حضرتك يبقي الاي تن افضل ليها

**ashraf229** · 05-10-2010 01:24 PM

شكرا لمشاركتم

بانتظار المزيد من الاراء

**Hosam_Optrawy** · 05-10-2010 03:03 PM

أشرف باشا ازيك

رأيى الفيرنا عمليه أكتر من حيث المصاريف والمساحه ووجود شنطه ونعومة العفشه

وطبعا بما انها اوتوماتيك فكل ما كان الموتور أكبر يبقى أفضل

والاوبشنز اعتقد انها هاتبقى متساويه , الفرق فى حجم الجنوط لصالح الفيرنا

الفيرنا 14 وال i10 مقاسها 13

**mh2222** · 06-10-2010 04:26 PM

أنا كنت محتار زيك بالظبط بس استقريت على الفيرنا الاتوماتك لأني ممكن استعملهامعاها و نحط فيها الشنط و أستعملها في السفر أحيانا و كمان الشنطة بتنفع بتحط فيها العجل بتاع الولاد و حاجاتهم بس عيب الفرنا الاتوماتيك أن هى جوة البلد مع التكييف و الزحمة و المشاوير الصغيرة غول بنزين ممكن التفويلة تعمل حوالي 250 كم و نفس المسافة ممكن تعملها بصفيحة بنزين في السفر. و كمان التقفيل المصري عيوبه بتبقي معروفة للجميع. بس اهم حاجة ان الفيرنا سوقها ماشي في البيع لو زهقت منها