مساء الخير احلي شباب ناوي اشتري فيرنا الشهر الجاي ان شاء الله هيا عجباني علشان موتورها شديد وانا هسافر بيها كتير بس ناس اصحابي بيقنعوني بالوجااان أعمل ايه
عرض للطباعة
مساء الخير احلي شباب ناوي اشتري فيرنا الشهر الجاي ان شاء الله هيا عجباني علشان موتورها شديد وانا هسافر بيها كتير بس ناس اصحابي بيقنعوني بالوجااان أعمل ايه
شوف اللي مستريحلها أكتر و توكل علي الله .. الأتنين جمال ,, و أنا شخصيا ارشحلك الفيرنا خصوصا انك هتسافر ف هتحتاج موتور يسحب معاك جاااند و يستحمل تحميل و تكييف و الكلام ده
اللوجان
اعتمادية وقطع غيار ذات عمر اطول
وبرده اغلى
فرامل على الشعرة
الفيرنا تكسب فى رخص قطع الغيار والسحب اكتر
لان معادلتها
موتور شديد
وزن خفيف
الفيرنا احلى
و أنا كمان أرشحلك الوجان موتورها معقول وتقفيلها انضف 100 مره من الفيرنا و عربية واسعة و صالونها شيك وتكيفها كويس و عفشتها أحسن
ميزه الفيرنا الوحيدة ان موتورها أقوى من الوجان بس هتعمل إيه بموتور جامد و عربية مبتقفش 1؟
خليك في اللوجان يا باشا
خليك في لوجان افضل الف مرة من فرنا فرنا مفيهاش فرامل
هو يعني إيه فايدة الماتور الشديد في السفر هيمشي بيها على 200 دي ما تستحملش أكتر من 120 و بعد كده ربنا ينولاك بيها
بالعكس بقى إنت في السفر محتاج عربية عالية عشان شوارعنا الجميله و واسعه + عفشه ناعمه
اللوجان معايا و سحبها كويس و التكيف كويس
بس أسعار قطع الغيار أغلى من الفيرنا
تيل فرامل مثلا ب 300 جنيه في الفيرنا ب 60 على ما أعتقد
يا باشا تيل فرامل الفرنا ب 250 من التوكيل تيل للوجان ب 230 من التوكيل
لما نقارن نقارن اسعار التوكيل ببعضها علشان دي الحاجة الاصلي بتاعة العربية مش نقارن حاجة من برة لتوكيل و مش اصلي بحاجة اصلي من جوة التوكيل و نقول اغلى
يا باشا اللوجان عن تجربة عربية اكثر من رائعة و ثابتة انا جربتها لحد ال140 على اسكندرية الصحراوي بس للامانة لو فيه هواء جامد ممكن تحس ان العربية بدأت تلعب بعد ال120
للأسف كل واحد بيشكر في عربيته
جرب تركب الأتنين واللي تستريحله اتكل على الله واشتريه
عن نفسي كان معايا فيرنا وكانت زي الفل موتور شديد وصاج قوي ولما جيت بعتها في السوق اتباعت في ساعة واحدة
وبالنسبة للفرامل فهي مش ضعيفة بالعكس دي قوية جدا بس العربية بتزحف لو فرملت جامد وانت على سرعه عالية يعني لو كان فيها abs كانت هتبقى زي الفل
اما حكاية خفيفة على الطريق الصراحه محستش بيها كتير وعلى سرعه فوق ال140
نصيحة اخيرة لو استقريت على الفيرنا هات 1600 سي سي فول اوبشن لأن الهاف شايلين منها حاجات كتير تغيظ زي الساعة وزرار فتح الشنطة من الداخل وعداد الـrbm دة غير الأساسيات طبعا من زجاج كهرباء وسنتر لوك .... الخ