لازم تقول رأيك...!

**sahtot** · 21-03-2008 07:01 AM

يا صباح الخير والخيرات ازييكوا يا جماعة انا خالد وعلى فكرة انا متابع الموقع جدا جدا وتقدروا تقولوا حافظ مكان المواضيع بقيت قديم فى الكار :oالمهم يا جماعة علشان مطولشى عليكم انا عملت موضوع قبل كدا لانى خلاص هنزل كمان اسبوع بالظبط اشترى عربية وهخلص المهم انا بردة لسا والله متردد جدا ولانى بسوق من زمان بس مش معايا عربية المهم انا عاوز اجيب عربية كدا قومبلة دة مثل حلو فى لعبتنا والله المهم انا عاوزها تكون تستحمل 3 افراد من غير متحك تكون ناعمة وسحبها قوى جدا وتكون ثابتة لابعد الحدود لانى بحب اجرى على طرق السفر وتكون مريحة فى استخدامها وعزلها وعزمها حلو وصاجها يبق مش صعيف يعنى مش من لمسة يتطبق زى ما بعض الناس بتقول فأنا هعرض على حضراتكم كام عربية كدا وتقوليلى اجيب اية وياريت بقا لو الى يقول اخد اية يقولى نبزة معاها علشان اتطمن وقلبى ينشرح معلشى علشان انا موسوس شويتين والى يقولى يقولى اجيبها مانيوال ولا اوتوماتيك احسن فيها علشان ابق عارف فلنبدأ :o

بروتون جين2 2008

هيونداى ماتريكس 2008

لانسر بوما 2008

هيونداى اللنترا 2008
كورولا 2006

دايو نوبيرا 2008

والشفرولية اوبترا 2008

والفيرنا 2008

واخيرا الفيرارى2008:p

لالالالا الفيرارى مش معانا معلشى غلطة مطبعية ياريت يا جماعة اعرف دركم فى اسرع وقت بس محدش يعبر الفيرارى لانى مكسل امسحها
والسلام عليكم ورحمة اللة وبركاتة ;)

**Ahmed_Ezz** · 21-03-2008 10:36 AM

1-بروتون جين2 2008
2-هيونداى اللنترا 2008
و بسس :-)

**bassam nagy** · 21-03-2008 10:47 AM

1- هيونداى الانترا
2- شيفرولية اوبترا
3-لانسر بوما

**tutankhamoun** · 21-03-2008 10:57 AM

بروتون جين 2 ( عالية على الأرض و موتور قوي و صاج قوي و ثبات رهيب )
ميتسوبيشي لانسر بومة ( لو اللي تشبهة سمكة القرش ) يبقى ماشي .ممتازة موتور قوي و عالية عن الأرض و ثباتها ممتاز

هو فيه دايو نوبيرا 2008 ؟؟؟

تويوتا كورولا ..... موتور ناعم .... ثابتة .... موفرة في البنزين و إن كان الصاج مش جامد قوي
هيونداي النترا شكل جميل و موتور قوي و صالون تحفة و لكن صاجها ورق و معرفش ثباتها عامل أيه ؟

و فيه من خارج القائمة
شيفورلية أفيو ........... كويسة قوي

أبعد عن الماتريكس علشان لو راكب فيها 3 ذو أحمال حلوة بتحك في المطبات لأن العربية واطية على الأرض
و أبعد عن الفيرنا لأن متطلباتك ليست فيها

**hazem_khidr** · 21-03-2008 06:25 PM

كورولا و اشتري دماغك
حتركب عربيه عتماديتها عاليه و لما تبيع مش حتخسر فيها كتير بعكس كل اللي انت كاتبه

**crazylambada** · 21-03-2008 07:47 PM

بروتون جين 2 طبعا
فيها كل احتياجاتك
و ابعد عن اللانسر Shark
لان دي ورق بتطبق من اي حاجة

**sahtot** · 21-03-2008 09:09 PM

اللف شكر يا جماعة هوا دا الشغل واة يا توت عنخ امون فى دايو نوبيرا 2008 :)وتقدر تخش على موقع كار 100 100 تتفرج عليها ...

**Ahmed Anwer** · 21-03-2008 09:52 PM

المشاركة الأصلية كتبت بواسطة hazem_khidr

كورولا و اشتري دماغك
حتركب عربيه عتماديتها عاليه و لما تبيع مش حتخسر فيها كتير بعكس كل اللي انت كاتبه

كورولا ايه بس يا حازم باشا ،،

دي سيارة سن التقاعد و خريف العمر ربنا يوعدنا بيها لما نبقي بركة البيت ،،،

انتا مش شايف الأخ اللي بيسأل بيقولك عايز عربية قومبلة !!!!

الأخ اللي بتسأل لو علي صاج قوي ،، انسي و لا حتي مرسيدس ،،

أنا رأيي ما بين الثلاثة دول ،،

النترا - جين 2 - سيات كوردوبا

و من الآخر جين 2 ،،،،

عشان سعرها تحفة ،،،،،،،،،،،،،،،،،

و قومبلة .............

**Ghamrawy** · 21-03-2008 10:40 PM

المشاركة الأصلية كتبت بواسطة tutankhamoun

شيفورلية أفيو ........... كويسة قوي

انا مش معاك خالص فى دى ! صاج زى ال........ موتور عادى جدا ممكن بدل ما الواحد كل شوية يودى الاولاد الملاهى يشترى أفيو و يفسحهم بيها أو يفرجهم على الرعب لو عدى جنب اوتوبيس او مقطورة على سرعة اكتر من 80 ك/س

**Ghamrawy** · 21-03-2008 10:42 PM

المشاركة الأصلية كتبت بواسطة tutankhamoun

شيفورلية أفيو ........... كويسة قوي

انا مش معاك خالص فى دى ! صاج زى ال........ موتور عادى جدا ممكن بدل ما الواحد كل شوية يودى الاولاد الملاهى يشترى أفيو و يفسحهم بيها أو يفرجهم على الرعب لو عدى جنب اوتوبيس او مقطورة على سرعة اكتر من 80 ك/س

انا فى رأيى ان كل الحاجات اللى انت طالبها يا باشا موجودة فى الجين 2