الموضوع: Top Movies Channel - Freeze Your Blood 10872-V

المشاركة الأصلية كتبت بواسطة محمد الشامي

يا باشا العفو محدش قالى فتي او غيره :-) الفكره كلها بس ان احيانا في ناس وهي بتظبط الطبق بتاعهم بيظبط على تردد واحد (11747 v ) وده للاسف بيخلي في قنوات كتير واقعه
وانا عن نفسي عانيت لمده سنه من القصه دي لغايه لما فكيت الطبق وال lnp خالص وركبتهم بإيدي من الأول وظبطت اتجاه القمر على ( 11747 - 10892 - 10795 ) والـ 3 ترددات دي لو اللي بيركب الطبق ظبط الدنيا على اساسهم هتضمن ان كل القنوات تنزل عندك
وانا بعد الظبطه دي (اللي عملتها بإيدي) نزل عندي اكتر من 120 قناه كانت واقعه

بالمناسبه بقا , انا عندي النايل سات حاليا عليه 512 قناه مفتوحه , وممكن نقول في منهم 20 قناه مثلا test او ترددات لقنوات واقعه

وبردو للي مش مستوعب فكره الظبط على ال3 ترددات
- انا فكيت الطبق وبدأت القط اشاره القمر وانا محدد التردد 11747 على شاشه الإعداد بتاعت الريسيفر
- وبعد ما اظبط على 11747 اغيير التردد وانا على نفس شاشه الاعداد واشوف التردد 10892 لاقط اشاره ولا لا , لو مش لاقط بحرك الطبق ببطء شديد لغايه لما يلقط اشاره , وبعدها اتاكد ان اول ترددين شغالين تمام
- واكرر نفس الطريقه مع التردد التالت ولما يلقط اشاره , اشوف الترددات التلاته شغالين ولا لا
- ولما اطمن على الترددات اربط الطبق و الحمد لله على كده

ولو في اي استفسار في نطاق معلوماتي انا تحت امركم :-)


--------------------------------------------------------------

و دي صوره من على الكمبيوتر عندي للقناه وهي شغاله و كمان شاشه خصائص القناه واللي موجود عليها الترددات وبيانات مزود الخدمه و و و و



انا مركب lnp 2 ports , بورت رايح للريسيفر والبورت التاني داخل على الكمبيوتر

يعني أفهم أن القصة كلها تظبيط الطبق و lnb فقط لا غير .. أصل فيه ناس قالوا لصاحبي ده (من ضمن الفتي برضه) الريسيفر عاوز سوفت ويير وأنا مكنتش مقتنع بالموضوع ده .. شكراً على التوضيح يا محمد بيه .