محتاج مساعدة فى معرفة اسعار مواتير الهوندا

**UB3ER** · 05-10-2010 01:33 AM

السلام عليكم ورحمة الله وبركاتة. انا معايا سيفيك 92 والموتور عندى هيس وبقى محتاج مصروف كتير ف ان شاء الله حسقط واحد تانى ف اقرب وقت ممكن وكنت عايز اعرف من الخبراء بتوعنا اسعار المواتير ال1600 الv-tec والnon-vtec والكامة والاتنين كامة والمشتروات والمصنعيات وكدة عشان ابقى داخل ب قلب جامد هههههههه مستنى ردودكم الحلوة

**SAMEH_FOUAD** · 05-10-2010 02:33 AM

سعر ماتور الsi وكودة d16a9 بيعمل 9000 الاف جنية ونادر

سعر ماتور الsi يd16z9 ودة بيبقى كامة واحدة 1600 بيعمل 5500 جنية

سعر ماتور الsir ضفيرة وكنترول وعفشة امامى من 8000 الى 10000

**haddad2** · 05-10-2010 10:42 AM

المشاركة الأصلية كتبت بواسطة m_nabil

العربية كربراتير ولا انجكشن؟ يعني si ولا ex أو el ؟

المهم انا هجيب لك المواتير اللى من الأخر ..

D15b كامة واحدة vtec 1500cc بيطلع 130 حصان سعره 3200 جنية تقريباً

d16z6 أو d16y8 كامة واحدة 1600cc vtec بيطلع 125 و 127 حصان السعر مابين 4000 و 4300 جنية تقريباً

b16a اللى هو الـ sir كامتين 1600cc vtec بيطلع 170 حصان السعر 5500 جنية للأوتوماتيك و 7500 للمانيوال

باشا انت جايب الاسعار دى من عند مين انا سمعت فى ال d15b سعر مش اقل من 5500

**UB3ER** · 05-10-2010 02:25 PM

انا عايز حاجة كلها على بعضها بالمصنعيات وكدة تقفل ال5000 مثلا هيا الvtec ال1500 صح ال على كلام استاذ M_Nabil ف رنج ال3-3.5 ؟ وانا عربيتى انجكشن وعالعموم انا مش بتاع جارى خالص ف محتاج حاجة كويسة وفى نفس الوقت سعرها يكون معقول

**M_Nabil** · 05-10-2010 07:33 PM

المشاركة الأصلية كتبت بواسطة haddad2

باشا انت جايب الاسعار دى من عند مين انا سمعت فى ال d15b سعر مش اقل من 5500

اللى يقول لك 5500 في المكنة دى ترد عليه رد مش كويس السعر ده يجيب SiR أوتوماتيك هيا سعرها 3200 وممكن تأخدها على 3 ألاف مقفولين كمان، لسه واحد معرفة مسقطها عندة مابقلهاش شهرين في عربية Ex وجيبها بالسعر ده بس تسقيطها مقرف شوية ومكلف لو العربية أصلاً كربراتير يعني المصنعيات بس ميكانيكه وكهرباء تعمل من 1500 الى 2000 جنية عشان بتحول العربية من كربراتير اللى انجكشن وبتغير تنك بنزين وظفيرة الطابلوة

المشاركة الأصلية كتبت بواسطة UB3ER

انا عايز حاجة كلها على بعضها بالمصنعيات وكدة تقفل ال5000 مثلا هيا الvtec ال1500 صح ال على كلام استاذ M_Nabil ف رنج ال3-3.5 ؟ وانا عربيتى انجكشن وعالعموم انا مش بتاع جارى خالص ف محتاج حاجة كويسة وفى نفس الوقت سعرها يكون معقول

أعتقد المكنة دى بتسقيطها هتكون في حدود الميزانية اللى معك

**haddad2** · 06-10-2010 01:23 AM

المشاركة الأصلية كتبت بواسطة m_nabil

اللى يقول لك 5500 في المكنة دى ترد عليه رد مش كويس السعر ده يجيب sir أوتوماتيك هيا سعرها 3200 وممكن تأخدها على 3 ألاف مقفولين كمان، لسه واحد معرفة مسقطها عندة مابقلهاش شهرين في عربية ex وجيبها بالسعر ده بس تسقيطها مقرف شوية ومكلف لو العربية أصلاً كربراتير يعني المصنعيات بس ميكانيكه وكهرباء تعمل من 1500 الى 2000 جنية عشان بتحول العربية من كربراتير اللى انجكشن وبتغير تنك بنزين وظفيرة الطابلوة

أعتقد المكنة دى بتسقيطها هتكون في حدود الميزانية اللى معك

لسة الدسوقى قايلى الكلام دا من يومين

**mr_sameh** · 06-10-2010 01:43 AM

اهم حاجة يكون حالة الموتور كويسة

**UB3ER** · 06-10-2010 02:14 AM

الف شكر يا رجالة على المعلومات دى بس انا كنت عايز اعرف احسن ناس ف بورسعيد فى الموضوع دة عشان ان شاء الله حنزل ف اقرب وقت ومتعملتش مع تجار من هناك قبل كدة

**mshamy** · 07-10-2010 02:31 PM

المشاركة الأصلية كتبت بواسطة ub3er

الف شكر يا رجالة على المعلومات دى بس انا كنت عايز اعرف احسن ناس ف بورسعيد فى الموضوع دة عشان ان شاء الله حنزل ف اقرب وقت ومتعملتش مع تجار من هناك قبل كدة

لو تحب ممكن تروح عند الميكانيكي اللي كان بيشتغل في عربيتي
هو بصراحة استاذ في الهوندا و تسقيط مكن الهوندا
أسمه عماد يوسف و المحمول 0115274519 و الورشة 0663651011
ممكن يساعدك في شراء المكنه و الكشف عليها و طبعا تسقيطها....وهو يعرف "طوب الأرض" من التجار اللي بيشتغلوا في الهوندا في بورسعيد
بس حضرتك قوله انك من طرف محمد الشامي اللي بيشتغل في الغردقة