الموضوع: استفسار عن صبات سونى

والله يا زعيم انا شايف تشتري الصب الأكبر 15 بوصة .. لأن انا من وجهة نظري قدرة الصب مرتبطة ارتباط أساسي بقطره .. فأنا شايف ان الخمستاشر هيكون حلو اوي والجي ام الـ300 ار ام اس كويس اوي عليه مش شرط يكون 450 .. انا عندي الصب 250 واط مشغله على تشانل واحدة من الهاي فاي حسب المكتوب ان الآر ام اس بتاعها 90 واط مع ذلك الصوت قوي جداً ومش منتظر من الصب أداء أحسن من كده بصراحة ..

يعني من الآخر انا شايف انك تتوكل على الله وتشتري الخمستاشر والجي ام ان شاء الله زي الفل معاه .. والحجم 12 ده انا شايفه مالوش لازمة تقريباً لأني عندي عشرة ومش راضي عنه بصراحة .. يعني وقت ما بحب اتجنن واعلي اوي بيبتدي يخرف برضه فخليك في الكبير

12 انش بس اكيد في اعلي من 1300 وات

منا قولتلك هات 15
بس انا شايف ان الفلوس لو مكملتش
انا عندي ال 12 مالوش حل

بص يا باشا انا مليش اوى فى الصبات بس قولت مينفعش اخونا بيتل يعمل موضوع ومنردش علية انا موضوع الصبات والبوازيك لسة مش عندى اى حاجة منة عشان كدا مش فاهمة اوى وانا مش ببدا ادوس فى الحاجة الا بعد ما اجيبها وابدا افهمها كويس وافهم الى حواليها بس اليويمن دول الموضوع دا داخل دماغى فا كانت اول المعلومات الاكيدة فى موضوع البوازيك انى كل ما حجم سماعة الصب يكبر كل ما بتنزل بطبقات الفركوانسى تحت ودى معنها بيز اعمق وانضف ومكتوم بعيدا عن قوة الصوت دلوقتى انا بتكلم فى نقطة مختلفة يعنى تقريبا ال15 بوصة بينزل معاك لتحت 25 هيوتر وبالتالى هيديك اداء افضل بكتر كنضافة صوت ودى معلومة اكيدة اما بالنسبة للجى ام فا اسمحلى انا الى اسالك عنة اة نظامة معاك واة اخبارة ويا ريت سعرة لانى عايز ابدا بية واجيبة وبعدين ادور اجرب علية بقا صبات وبوازيك وكدا لغاية ما يعجبنى حاجة

بس يا مان انا مش عايز اخوفك بس انا الصب بتاعى اتحرق امبارح و لو عايز صور للكويل وهو شايط و متفرتك حتت ممكن اعملهالك بس يسنحسن متعليش الجى ام عن 300 rms لان الجى ام بتاعى 480 watt rms واحد ابن حلال حب يعمل فاهم قالى انا هعليلك صوت الصب مع انه مش محتاج انا ابويا كان بيزعقلى من الدور السابع بيقولى وطى الزفت ده و كان بيعرف انى جيت و مشيت من صوت الصب المهم صاحبنا على الgain على الاخر و خود يامعلم الشنطه بقيت دخااااااااااااااااااااااا اان كان الجهاز بتاع الدخان اللى بيبقى فى الحفلات ده اشتغل و خد ريخة الكويل بقى و حوارات فعموما الصب كويس جدا بس عايز احترام فى المعامله و عموما لو حبيت تجيب صندوق لل صب ال 15 قولى و انا اديك الصندوق بتاعى يا مان بس انت ارسى الاول شوف هتجيب ايه