طبعا مش كل اللوم علي الحكومة 90% بس
الشعب دي كلمة مطلقة ما نقدرش نحددها
لكن الحكومة يعني ناس بعينها يمكن محاسبتهم
صدقني الناس في مصر زيهم زي اي بلد تانية بدليل ان المصري لما بيتوجد في بلد منظم بيبقي منظم هو كمان دي حاجة انا عايشتها بنفسي ..لأن فيه ناس في البلد التانية دي بيطبقوا النظام .. وبعد كدة بيبقي عادة وتمشي الامور بسلاسة
لكن احنا عندنا مافيش حد بيطبق اي حاجة هما عاوزين يكتبو لافتات ارشادية من بتاعة وزارة الارشاد ايام 1956 ويصحو يلاقو الناس مطبقين كل حاجة وكلة تمام
حتي الاجانب لما بيجو مصر ويلاقو الناس مش ملتزمة بالقوانين والنظام وماحدش بيحاسب حد بيعملو زينا وبيبقو العن مننا .. ده فيه ناس اجانب بيستمتعو بالسواقة في مصر عشان كل واحد بيعمل زي ماهو عاوز
يعني المشكلة في القائمين علي النظام مش في الناس .. يمكن مش 100 % لكن علي الاقل 80 - 90 %
ده حتي المسؤلين الكبار لازم تلاقي في سياراتهم ستاير ... عشان مايشوفوش الناس
مش بقوللك هما في وادي والناس في وادي
الأول وادي حوف والتاني وادي بؤبؤ في غرب الامازون
ربنا يرحمنا ويصلح حالنا